نماذج الكومو بريك (اشيموكو)

هنعرض هنا الفرص اللى هدخلها على الحساب التجريبى باستخدام الاشيموكو وهركز هنا على اقوى نموذج فى الاشيموكو كينكو هايو وهو ما يسمى الكومو بريك او "كسر رأس الشينكو"
قبل ما ابدأ لازم اشكر اول واحد عرفنى يعنى ايه اشيموكو ويعنى ايه كسر رأس الشينكو وهو الاستاذ شريف داركون واللى عمل الموضوع ده فى منتدى مجاور وخلانى احب الاشيموكو..ياللا ندخل فى الموضوع,
--------------------------
*هنشتغل على اى عملة وعلى اى فريم
*مدتش الاستراتيجية حقها من قبل فى التجربة بسبب انشغالى الدائم واكيد لسه مشغول فهتلاقونى مركز اكتى فى فريمات ال4 ساعات فما فوق واعتبرت مسابقه مايو فرصة كويسة لتجربة الاستراتيجيه بشكل اكثر احترافية
* الحساب التجريبى رقمه 109782 وباصوورد المشاهدة :game14
على المنصة ميتاتريدر WWM
---------------------------
ايه بأه شروط الاستراتيجية؟
خلونا نتكلم على حالة الشراء واكيد البيع هيكون عكسه بالظبط:
1-خروج السعر من السحابه البيعيه وتكون السحابة المستقبلية شرائية.
2-خروج التنكن سن "الخط الاحمر" من السحابة.
3-الشيكو سبان "الخط الاخضر"لازم يكون فوق الاسعار.
4-ننتظر لما السعر يعمل قمه ونحدد اعلى القمة دى من الخط الشينكو سبان وننتظر كسرها "وهو سبب تسميه النموذج بكسر رأس الشينكو".
5-شمعة الكسر لابد ان تكون شمعه قوية قصيره الذيول..والا ننتظر الشمعه التالية ان تفتح وتغلق فوق راس الشينكو.
6-يفضل يكون الكيجن سن "الخط الازرق" خرج من السحابة لكن مش هنخليه شرط ضرورى زى الشروط السابقة.
----
فى حالة تحقق الشروط السابقة ممكن ندخل بمجرد اغلاق شمعة الكسر او انتظار ملامسة السعر لخط التنكن سن فى حاله كان الخط بعيد..الستوب تحت الكيجن بنقاط بسيطه والهدف اول مقاومة قوية قريبه "او اول مستوى تكون فيه السحابة مستويه"
----
يتبع

عندنا اول فرصة لليورو دولار

الصفقة مستوفية الشروط

بس التنكن سن بعيد شوية عن السعر عشان كده دخلت بنص العقود دلوقتى والنص التانى فى حاله تصحيح السر والوصول للتنكن سن
الهدف هى المقاومة المشار اليها : 180 بيب
والستوب المفترض تحت الكيجن ب 10 نقاط مثلا بس لانه بعيد هليت الستوب تحت الدعم عند 1.1050
يعنى 220 بيب
ملحوظه:انا شخصيا مش داخل الصفقات دى على الحساب الحقيقى لان الستوب كبير على حسابى شوية

ماشاء الله عليك ياغالى
فرصه ولا اروع
وشخصيا بعشق التحليل الاشيموكو
.
.
.
.

التوقيع

كن عظيماً ودوداً قبل أن تكون عظاماً ودوداً

متشكر اوى لحضرتك والله جيت ف وقتك لانى كنت حاسس انى بكلم نفسى او ان الاشيموكو ملهوش جمهور هنا...الاشيموكو قوى جدا خصوصا لو دمجته بالنماذج السعرية وغيره من ادوات الكلاسيكى لكن انا بحاول اخلى الموضوع ابسط ما يمكن لغايه مالناس تاخد ثقة فى الاشيموكو وتبدأ تتابع كل جديد,حاليا انا مش عاوز اكتر من الناس تباه عارفه اسامى الخطوط فى الاشيموكو
----
يعنى الشيكو سبان:هو الخط الاخضر,وده ظل للسعر يعنى بيطلع وبينزل مع السعر بس بصورة خطية بدل الشموع
السحابه البيعية:السحابة الحمراء اللى بتكون فوق السعر غالبا والشرائية الخضراء بتكون تحت السعر
التنكن سن :الخط الاحمر وهو متوسط الاسعار
الكيجن سن:الخط الازرق زى دعم\مفاومة متحركة
ده طبعا الاختصال المخل

فى قاعده ثابته فى الاشموكو عموما ..يعنى سواء هتضارب على نماذج الكومو بريك او اى استراتيجيه تانيه فالاشيموكو بيقولك عشات تشترى لازم يتوفر الاتى:
1-الشيكوسبان يكون فوق الاسعار
2-الاسعار تكون فوق التنكن سن..والتنكن سن فوق الكيجن سن والسحابة
3- يفضل ان يكون الكيجن سن فوق السحابة..
والبيع بالعكس طبعا

اقتباس:

المشاركة الأصلية كتبت بواسطة 4fun

متشكر اوى لحضرتك والله جيت ف وقتك لانى كنت حاسس انى بكلم نفسى او ان الاشيموكو ملهوش جمهور هنا...الاشيموكو قوى جدا خصوصا لو دمجته بالنماذج السعرية وغيره من ادوات الكلاسيكى لكن انا بحاول اخلى الموضوع ابسط ما يمكن لغايه مالناس تاخد ثقة فى الاشيموكو وتبدأ تتابع كل جديد,حاليا انا مش عاوز اكتر من الناس تباه عارفه اسامى الخطوط فى الاشيموكو
----
يعنى الشيكو سبان:هو الخط الاخضر,وده ظل للسعر يعنى بيطلع وبينزل مع السعر بس بصورة خطية بدل الشموع
السحابه البيعية:السحابة الحمراء اللى بتكون فوق السعر غالبا والشرائية الخضراء بتكون تحت السعر
التنكن سن :الخط الاحمر وهو متوسط الاسعار
الكيجن سن:الخط الازرق زى دعم\مفاومة متحركة
ده طبعا الاختصال المخل

اهلا وسهلا فيك حبيبى
فى جمهور كبير بالمنتدى عشاق الاشيموكو وكلنا بالمتابعه سواء بالمشاهده او بالمشاركه
الخطوط دي خدد منى فترهـ عشان احفظهم
فجعلت صوره لشارتـ به المؤشر وعلى كل خط اسمه على الصفحه الرئيسيه للجهاز لحفظهم
.
.

التوقيع

كن عظيماً ودوداً قبل أن تكون عظاماً ودوداً

مثال اخر على الكومو بريك لكن تجاهلت الصفقة بالامس لبعد الاستوب لوس..
المجنون على فريم اليوم,
السعر خرج من السحابه وتبعه التنكن سن..
السعر كون قمة حددنها منها رأس الشيكو
شمعة الامس كسرت رأس الشيكو وكانت شمعة قصيره الذيول "جسمها اكبر من ظلها"

والشروط متحققة..الشيكو فوق الاسعار..الاسعار فوق التنكن..التنكن فوق الكيجن والسحابه..السحابة المستقبليه شراء
وبالفعل السعر حتى الان صاعد ومحقق 165 نقطة..
لم ادخلها لان السعر بعيد عن التنكن ..سأنتظر اعاده اختبار رأس الشيكو والتلامس مع التنكن وادخل شراء لكن الفرصة حلوة لتعلم النموذج
---
جمعة مباركة

موضوع موفق يا اخى و ان شاء الله نستفيد منه

تسمح لى اعطيك نصيحه صغيره جرب تستخدم منصة FXCM Trading Station

هتعطيك رؤيه افضل للايشيموكو

هجربها.. بس بتفرق في ايه؟ يعني توريك مثلا الاشيموكو علي فريمات مختلفه؟