بخصوص شركة FXPRO وتسجيلها وتجاربكم ياشباب

السلام عليكم

انا ببحث عن شركة بديلة لشركة السيئة اللى بتداول معها الان
سمعت كلام كويس على شركة FXPRO

انا دخلت على الهيئة الرقابية FCA وبحثت عن تسجيل الشركة ووجدت لشركة فرعين تقريبا



هل كده يبقى FXPRO UK Limited افضل من الفرع الاخر ؟

وماهى تجاربكم مع الشركة ؟

التوقيع

انا بحثت عنها فى المنتديات الاجنبيه ناس بتشكر فيها وناس بتقول عليها سكام يعنى الوضع محير كنت بفكر ادخل فيها بس اول ماكلمت الدعم بتاعهم قلتله الحد الادنى للايداع كام قالى يفضل الف دولار قلتله يعنى مفيش حسابات ميكرو ب100 او 200 دولار قالى لاعادى تقدر تعمل ايداع ب100 او 200 دولار بصراحه شكيت وطنشت الشركه دى تجربتى معاهم

اقتباس:

المشاركة الأصلية كتبت بواسطة هيثم احمد

انا بحثت عنها فى المنتديات الاجنبيه ناس بتشكر فيها وناس بتقول عليها سكام يعنى الوضع محير كنت بفكر ادخل فيها بس اول ماكلمت الدعم بتاعهم قلتله الحد الادنى للايداع كام قالى يفضل الف دولار قلتله يعنى مفيش حسابات ميكرو ب100 او 200 دولار قالى لاعادى تقدر تعمل ايداع ب100 او 200 دولار بصراحه شكيت وطنشت الشركه دى تجربتى معاهم

شكرا اخى هيثم
المهم الناس اللى بتقول عليها سكام يكون معاهم دليل على تلاعب الشركة

بخصوص الدعم اى شخص شغال فى الشركة بيتمنى ان يقوم العميل يايداع اموال كبيرة

ويجب ان نفرق بين فرعين قبرص "ولعياذ بالله" وكثرة التلاعب من شركات قبرص
وفرع بريطانيا المسجل فى هيئة قوية لذلك انا بسأل عن فرع بريطانيا
وتجارب الاعضاء فى هذا الفرع

تسلم من كل شر

التوقيع

استاذ احمد فى شركه اسمها اى سى ماركيتس ic markets
الشركه دى اسبريد رائع الحد الادنى للايداع هو 200 دولار التقارير عنها فى المنتديات الاجنبيه جيده الشركه مسجله مع هيئات رقابيه قويه ممكن تشوفها انا كنت بفكر فيها بالتوفيق ليك

والله يا احمد انا بفكر فيها برده
ياريت فعلا حد يكون جرب الشركه يقولنا
تجربته معاها وهل الشركه قويه ام لا
وكل عام وانتم بخير

انا فتحت حساب في اف اكس برو بس بصراحه مش فاكر اي فرع

اودعت 1500 دولار انا عادة اشتغل بلوتات عاليه وبمجرد مكسب كم نقطه اخرج المهم

دخلت وكسبت تقريبا 200 دولار واحاول اغلاق الصفقه لم تغلق حتى تحولت الصفقه من

ربح الى خسارة 750 دولار وراسلت الشركه ولم ينصفوني وادعوا ان المشكله من عندي

وقتها كنت اجرب صفقه على اف اكس سول ولم تتوقف او يحصل اي مشكله .

بعد اسبوع من المراسلات ايقنت اني وضعت فلوسي في شركه نصابه

وسحبت المبلغ المتبقي 750 دولار .

هذه المشكله حصلت معي بشهر 1433/11ه

والمتابعه للمشكله : السي ريس

The FPA would appreciate it if FXPro employees stop pretending to be clients when leaving reviews.
August 2013-January 2014: Multiple highly suspicious positive reviews submitted.
WARNING: The FPA has seen evidence indicating that non-clients are being paid to leave fake positive reviews for FxPro.
The FPA recommends a VERY HIGH LEVEL OF CAUTION dealing with this company.

لقيت هذا التحذير عن الشركه في موقع forexpeacearmy.com

المنتدى متعاقد مع شركات سمعتها كويسه ولكن فيها عيب السبريد عالي فيها جميعا

نتمنى من ادارة المنتدى البحث عن شركات موثوقه وسبريدها منخفض وسنكون اول

الاعضاء في الاشتراك مع هذا المنتدى العزيز على قلوبنا

بص يابوحميد هى الشركة كمصداقية و سحب و ايداع محترمة خصوصا ان تراخيصها قوية و ليها ظهور اعلامى لان قنوات عربية و اجنبية اقتصادية بتستعين بتحليلاتهم من وقت لآخر
غير الشركات التانية اللى بتدعى الشهرة و هى مختفية مالهاش ظهور غير فى المنتديات
ده كمصداقية و احترام و سحب و ايداع

بس كمنصة بقى بصراحة معجبتنيش
سبريدها مش قليل و حساب الـ ECN فيها بيجبرك على اختيار منصة من اتنين يا اما MT5 و دى بيحسبلك سبريد من غير كوميشن بيبقى كبير شوية و هى كمنصة اصلا محتاجة تطوير كتير

و المنصة التانية cTrader و المنصة دى مشروع فاشل ان كان فى تلاعب فى الميتاتريدر كوم فالمنصة دى اكوام و لما تجربها هتكتشف انها اسوأ منصة اتعملت العادى بتاعها انها تعلق عند اخذ الربح و تضرب ستوب بسهولة
ازاحة رهيبة وقت الاخبار و العنف و توسيع عجيب للسبريد سواء للاخبار او اغلاقات و افتتاحات الاسواق

يعنى ملخص كلامى لو انت هتتداول سكالبنج منصحكش خالص بيها
لو تداولك بطيئ و اهدافك كبيرة و بتدور عالامان فتوكل على الله

شركه نصابه اخي كان له تجربه معها وكنت اتابع حسابه لانه مشغول وانا اتابع له حسابه كان داخل ب 500 دولار ودخل صفقه وحط لها ستوب لوز يعني لو خسر لا يخسر اكثر من 100 دولار قفل السوق على الصفقه وعندما فتح السوق اغلقوا الصفقه وخصموا منه 250 دولار وعند مخاطبتهم بهذا الشأن كان ردهم ان هذا قانون البنوك التي تتعامل معها الشركه لا انصحكم بهذه الشركه