بسم الله الرحمن الرحيم
والصلاة والسلام على سيد الخلق اجمعين
استراتيجية المنشار لا اعرف هذا الاسم قد اطلق من قبل على اى استراتيجية اخرى ام لا
ولكن من الاسم نستطيع ان نقول انها استراتيجية (طالع واكل نازل واكل بالبلدى كدة)
على بركة الله نبدأ
من خلال متابعتى للكيبل والمجنون لاكثر من 6 شهور وجدت الاتى
انة بعد اغلاق شمعة الحادية عشر بتوقيت مصر والسعودية يعنى الساعة 12 كدة بالظبط
وجدت ان الكيبل يرتفع بمقدار 40 نقطة والمجنون حوالى 50 نقطة على الاقل
واقصى ارتداد للكيبل 80 نقطة والمجنون 100 نقطة قبل ان يرتفع( يمكنكم مراجعة الشارتات
لشهور سابقة)
فكنت باعمل صفقات شراء بالاهداف المزكورة وايقاف بالستوب المزكور
وكانت نتايج مبهرة يعنى فى ال5 ايام تداول كانت بتتحقق4 ايام
فقلت طب لية طالما الارتداد لا يزيد عن 80 نقطة فى الكيبل و100 فى المجنون ولو زاد عن كدة
هيبقى غير الاتجاة ومش رايح للهدف
فقلت لية ما استفادشى من الارتداد دة او لية اخسر فى الصفقة طالما الربح ممكن؟
طب ازاى؟ هوة فية حد يقدر يضمن الربح؟
استخدمت الهيدج بطريقة بسيطة
يبقى الساعة 12 باحط اوامر الشراء والهدف 40 نقطة للكيبل و50 للمجنون ومن غير ستوب
واسفل نقطة الدخول ب20 نقطة باحط اوامر البيع
اصبح لدينا 3 احتمالات
1- ان يذهب الى الهدف مباشرة ولا تتفعل صفقات البيع يبقى خير وبركة 90 نقطة عنب
2-ان ينزل السعر وتتفعل صفقات البيع هيبقى هوة الجانى على روحة وبدل ال90 نقطة هيبقوا
110 (طب ازاى طيب؟ بقى الاتجاة يعكس يقوم اكسب اكتر؟) ياعم اصبر عليا بس
الأن اصبح لدينا خسارة 20 نقطة فقط + فرق السبريد
هنشوف بقى السعر هينزل ال80 نقطة بتوع الكيبل وال100 بتوع المجنون وهيبدا فى الارتداد
والرجوع فى اتجاة الصفقات الرئيسية
طب امتى هنفك الهيدج ؟
هنقفل صفقة البيع الفرعية على ربح 10 نقط فقط يعنى هنخلى التاك بروفت على بعد 10 نقط فقط
من نقطة الدخول الاولى ( اية اللخبطة دى الواحد تاة) معلشى ااقرا الكلام تانى وبالراحة هتفهم كل
حاجة ولما تتقفل صفقة البيع على ربح 10 نقط ويروح للهدف بامر الله هيبقى المجموع 90 نقطة
+ 20 بتوع صفقة البيع
الاحتمال التالت بقى ان السعر سيكمل نزول اكتر من 80 للكيبل و100 للمجنون هنا هنقفل
صفقات الشراء واصبح لدينا خسارة 20 +20 + فرق السبريد وهو غالبا هيسير فى الاتجاة دة
خلاص يعنى ممكن ننتظر الى الخروج باى ربح او الخروج بخسارة بسيطة
ولو حصلتلك اى حاجة تمنعك من متابعة الشارت مافيش خوف على الحساب ولا اى قلق لان الهيدج
بيحافظ على الحساب والفرق ليس بالكثير بين البيع والشراء
وعلى فكرة الطريقة تنفع لاى استراتيجية تستخدمها بعد تحليلك واتخاذك القرار فى الاتجاة المناسب
بتشتغل بطريقة الهيدج دى زيادة فى الاطمئنان
ارجو ان اكون وفقت فى شرح الطريقة وأسأل الله لى ولكم الرزق الحلال وان يبارك لنا فية
وارحب باى استفسار والمناقشة للخروج بافضل الطرق للتغلب على هذا السوق العنيد
(ملحوظة هذة الاستراتيجية لا تصلح اوقات التذبذب او وقت
صدور الأخبار يعنى اما ان تبتعد عن السوق وقت الأخبار او
تستخدمها الى ان تعرف الاتجاة ثم تقفل الصفقة المعاكسة)
والسلام عليكم ورحمة الله وبركاتة
التعديل الأخير تم بواسطة hamadasalam ; 24 - 10 - 2009 الساعة 09:27 PM