LiteForex كيف سرقوا إيداعى ؟ - تحذير من شركة لايت فوركس

السلام عليكم و رحمة الله و بركاته


كمتداول فى أسواق المال و الفوركس منذ عام 2008 كان لى العديد من التجارب مع مدعين انهم شركات فوركس وهم مجرد مجموعة مرتزقة طفيلين من اصحاب ال 3 ورقات وجدوا الفوركس مرتعا لهم ليمارسوا نصبهم بشكل الكترونى من خلال الانترنت بفضل الله تعالى ونتيجة للخبرة المكتسبة من التعامل مع أكثر من 70 بروكر والتصادم المباشر معهم فى عمل ارباح بشكل متكرر والتقدم لسحبها بشكل دائم نجحت فى تجنب الكثير من هؤلاء النصابين والحرامية والتعامل مع الشركات الموثوقة والمعروفة للجميع ولكن لكل جواد كبوة .


بدأت بايداع 500 دولار وطلبت البونص من شادى ونزله شهر ديسمبر 2015 وخسرتها ثم أودعت 800 دولار وطلبت البونص و نزله والشركة مبسوطة ولايوجد اى مشكلة تماما لديهم شهر يناير 2016 وانتهت التداولات بالخسارة ايضا


أودعت 600 دولار شهر فبراير 2015 وايضا ضافوا بونص 600 وكان لا يوجد مشاكل لديهم حتى عملت ارباح 390 دولار و سحبت واكملت تداول حتى فؤجئت انهم صفروا الحساب فجأة تم اغلاق كل العقود المفتوحة وأصبح الحساب صفر







الحقيقة جن جنونى وحسيت انى اتنصب عليا ودخلت كلمت الشات لماذا نزعتم الرصيد من الحساب وصفرتوه فجأة ؟
وكان الرد انه علشان خسرت ايداعى بالاضافة لجزء من البونص فهما شالوا البونص Bonus out 600 و بالتالى اصبح الرصيد -84 دولار وقاموا ضافوهم negative balance correction 84 طيب ازاى والبونص قابل للخسارة !!!!

قولت لهم طيب ليه عملتوا كدا المرة دى كل مرة كنت بخسر البونص كله فى الايداعين السابقين ؟

وكان الرد علشان مكنتش شغال بمارجن عالى فهما قرروا يقصروا المسافة و يمرجنونى لوتات أقل من 1 ستاندرد على حساب أكثر من 1000 دولار يعتبر بالنسبة لهم مارجن عالى !!!

سألتهم طيب دلوقت انا عاوز افهم متى تعتبروا المارجن عالى وتشيلوا البونص ؟

قالوا انت لو وصلت للهامش المحجوز بنشيل البونص و نعوض النيجاتف بالانس اذا لم تصل للهامش المحجوز يظل كل شئ تمام التزم بالقوانين والشروط و هيكون مفيش مشاكل
بصراحة اتضايقت جدا بعد ماكلمت الدعم حسيت انى اتنصب عليا برده بس بالقوانين والشروط اللى هما عاملينها و كاتبينها بنفسهم ومفصلينها لتخسير اى متداول رابح بالعافية .

قررت أودع 1100 دولار شهر فبراير 2016 و اعوض خسايرى وبردوا نزلوا البونص 100% وبعد تداولات كثيرة انتهت بالخسارة





شهر مارس 2016 أودعت 1500 دولار و كنت عازم على التعويض الخساير السابقة و الربح و سحب ايداعاتى الاجمالية لديهم التى تعدت 5000 دولار



بعد مرور شهر من التداول عملت ارباح 4000 الاف دولار وطلبت سحب 1500 دولار نفذوها اطمنت واكملت تداول



فى شهر ابريل 2016 طلبت سحب أخر 2450 دولار وطمئن تماما انه هيتنفذ فهذه باقى ايداعاتى السابقة فؤجئت ان السحب لم ينفذ ومعلق كلمت الدعم قالى هنرسل لك ايميل قولت أهلا شغل النصب ابتدى أطلب سحب بدل مايجيلك فلوس يجيلك ايميل فى اى كلام هلامى

فؤجئت بعدها مباشرة رفضوا السحب و رجعوا الفلوس المنصة و شالوا البونص و مسحوا الرصيد


وفعلا مكدبوش خبر وارسوا هذه الايميل :



الايميل فيما معناه بيقول الاتى :

انت خسرت قبل كدا كتير وكل مرة بنكون مبسوطين منك و لحد كدا اتعشت اوى والان ربحت فاحنا كدا هنخسر فبالتالى قررنا نعوض نفسنا من رصيدك ونمسحه و الحجة مجموع البونصات اللى خسرتها قبل كدا خدناها من ايداعك ها اه رأيك فى الخدعة دى ( الكاميرا الخفية ) .



وبكدا سرقت لايت فوركس ايداعاتى !!
هل دى شركة فوركس ؟

قال المتنبى

فإن سمعت كلاماً فيك جاوزه ... وخل قائله في غيه ساري
فما تبالي السما يوماً إذا نبحت ... كل الكلاب وحق الواحد الباري
لو كل كلب عوى ألقمته حجراً ... لأصبح الصخر مثقالاً بدينار