النجاح فى الفوركس (رحلة لمدة سنه)

بسم الله الرحمن الرحيم

قبل اى حاجه بتمنى للجميع سنه جديده سعيده ويارب الكل يحقق اللى بيتمناه وتكون سنه افضل علينا وعلى الجميع ان شاء الله

بصراحه دى اول مره اكتب فيها موضوع وان شاء الله يكون موضوع هادف ويفيد الجميع

زى ما مكتوب على راس الموضوع ( النجاح فى الفوركس)
طبعا كلنا بنتمنى النجاح فى حياتنا عامتا والفوركس بصفه خاصه وكلنا بنحلم ليل نهار اننا نوصل للوغاريتم السوق والاستراتيجيه السحريه اللى هتغير التاريخ وهتخلينا مليونيرات فى لمح البصر
مع احترامى للجميع لكن من واقع 4 سنين تداول بالمجال ده حابب اقولكم ان ده هو الهدف الرئيسي لصناع السوق فى جذب المتداولين الصغار امثالنا للوقع فى مصيدة الثراء السريع وده يعتبر سبب خسارة ال 95% من التجار

من وجهة نظرى التى لا قيمة لها على رأينا اخونا (شلبوكا) الفوركس هو ادارة رأس مال بنسبة 50% بالاضافه الى 25% تركيز بالاضافه الى 25% التزام
بأى استراتيجيه تخترعها وطبعا توفيق ربنا فى الاساس ,

ياريت نسبنا من استراتيجيات الاحلام واستراتيجيات المليونيرات واستراتيجيات ابو رجلين مسلوخه صدقونى كلها اوهام للضحك على الاخرين .
يتبع .

علشان مطولش على حضراتكم واتكلم فى حاجات اكيد الكل شبع من سماعها انا هدخل فى الموضوع علطول .

ان شاء الله هنعمل رحله على حساب حقيقى لمدة سنه ان كتب لنا الله البقاء

الرحله هتكون عباره عن تحقيق ربح 20 % شهريا لمدة سنه لن يتم سحب الارباح ولكن سيتم تكبير الحساب تدريجيا .

مبلغ الرحله : كل شخص حسب امكانياته وانا هبدأ ب2000$ ان شاء الله.
شروط التداول : حد اقصى 5% لجميع الصفقات المفتوحه
نيجي بأه لاستراتيجيتنا فى التداول .
انا مش هجيب حاجه جديده ولا حاجه غريبه او حاجه معلبه علشان اجذب بيها الانتباه
انا هستخدم استراتيجيه لاخ عزيز الله يمسيه بالخير ويجازيه خير على افكاره الممتازه
الاستراتيجيه كان اسمها على ما اتذكر ( النظام 1) للاخ سيف ان كان مخنتنيش الذاكره
استراتيجيه بتستخدم ابسط ادوات التداول (دعوم- مقاومات - ترند- فيبوناتشي قنوات) بالاضافه الى بعض العرض والطلب .
ان شاء الله هحاول ارفق الرابط الخاص بالاستراتيجيه لاى شخص حابب يتعرف عليها اكتر اعذرونى لانى ضعيف فى الشرح واكيد مش هفيدكم زى صاحب الاستراتيجيه .
طبعا الهدف الرئيسي بالنسبالى فى الموضوع هو اثبات للجميع وانا اولكم ان الاهم فى السوق ادارة رأس المال وده اكبر خطا الجميع بيقع فيه وانا اول شخص بقع فيه وكمان انا مفكرتش فى الموضوع غير علشان اجبر نفسي انى التزم .
فإن شاء الله يكون الموضوع مفيد للجميع واى شخص حابب يزود افكار تانيه او ليه اى وجهة نظر طبعا مرحب بيه جدا .

ان شاء الله سيتم عمل الايداع وبدأ الرحله مع افتتاح السوق يوم 19/12/2016

[عذراً, فقط الأعضاء يمكنهم مشاهدة الروابط ]
شرح الاستراتيجيه

بالتوفيق ان شاء الله اخي الكريم.

متفق معك جدا و انت برنس و الله و بالتوفيق لك

استراتيجية النظام 1 من اقوى الاستراتيجيات بمعدل ريشو 3 الى 1 على الاقل و من يلتزم بها يربح بادن الله..سبق لي و عملت بها على الاربع ساعات ..الشيء الدي جعلني ابتعد عنها هو قلة الفرص..بالتوفيق

الله الموفق والمستعان

التوقيع

تسلم اخى الغالى

تسلم ربنا يخليك

متفق معاك تماما بس متنساش اننا حطين هدف 20% شهرى يعنى نسبه تعتبر جيده مع الاستراتيجيه اضف الى ذلك اننا مش هنشتغل مع الاستراتيجيه حرفيا هيكون فيه بعض التعديلات حسب وضع الفرص شكرا على المشاركه.