ورشة كيمو فوركس لاعادة احياء استراتيجية الترند المكسور بمكاسب اكبر 2020

السلام عليكم ازيكم يا جماعه النهارده باذن الله هنعمل اعادة احياء للاستراتجيية المهدور حقها الترند المكسور واللي بتقوم علي اهم واصدق حاجة في الفوركس اللي هو الترند اللي عمره ما هيموت ابدا ولا يقدم

الاستراتجية هتكون زي ما هي اللي مكتوبة في النت ولكن هنلغي منها حاجات وهيكون فيها تطوير في تعاملها وكمان اهدافها هتبقي كبيرة وهشرح باذن الله كل حاجة

اولا الورشة هنا هتكون سهلة جدا باذن الله لانها هتعتمد علي حاجات بسيطة وهي
1/الترند
2/الدعوم والمقاومات
3/تقاطع الموفنجات وهنتكلم عليها
4/ بعد وقرب السعر من الموفنجات 50 و 100 و 200
5/الفيبوناتشي

هيكون في تطوير دايما من خلال التعامل واي حاجة هتزيد الاستراتيجية نجاح هنعدل عليها في المشاركة الاولي هنا ان شاء الله

بالنسبة للاستراتيجية انا مجربها كتير وسر نجاحها انه الترند القوي العالم كله مش هيختلف عليه وساعتها بتكون انت داخل صفقة فيها قوة لانه العالم كله معاك

الدخول هيكون بالنسبة ليا علي حساب حقيقي واللي عايز يجربها ديمو برضه مفيش مشكلة والللي عايز يشتغل حقيقي معايا تمام لكن مع مراعاة ادارة راس المال

الفريمات المستخدمة
ديلي واربع ساعات فقط عشان نضمن قوة الصفقة باذن الله

ادارة راس المال
2% للصفقة

النسبة المحققة كل شهر
هيكون في تعيل في المشاركة الاولي هنا مع انتهاء كل شهر بنتيجة الصفقات ان شاء الله


هنبدا باذن الله في المشاركات القادمة عشان يبقي الموضوع منظم

نبدا بسم الله
طبعا الاستراتيجية الاصلية بتقول ترند وتقاطع موفنجات ومومنتم انا بصراحة مش بقتنع بالمؤشرات اللي زي الماكد والمومنتم لكن اللي عايز يضيفه برضه علي راحته لان الاستراتيجية انا لغيت منها حاجات واكتشفت حاجات

اول حاجة الشروط
1/ترند ثلاثي الارتكاز مش ثنائي لضمان قوة الفرصة تكون زاويته من 30 الي 60 درجة زاوية الترند لما تكون قريبه من 45
وده المثالي بمعني ميكونش حاد او منفرج يعني ولا نازل منك قووووي للارض
ولا طالع منك اوي كأنه سلم واقف

2/تقاطع موفنج 9 وموفنج 30 اكسبوننشال لفوق او لتحت حسب الصفقة ويكون التقاطع قبل الكسر مش بعده
دول الشرطين ببساطة ومع كل صفقة هنشرح باقي الشروط التكميلية ولكن من غير الشرطين دول الفرصة لاغية

طبعا الشروط التكميلية دي زي الدعوم والمقاومات وفيبوناتشي وموفنجات 500 و 100 و 200 وقريب هنضيف معاهم سحابة الايشموكو
وحاجات تانية
ومع كل صفقة هنشرح الدخول والخروج وكل حاجة
انتظروا الفرص في المشاركات القادمة وشرحها بالتفصيل

ده مثال بسيط للترند اللي هنشتغل عليه

نبدا مع بعض اول فرصة وشرحها بالتفصيل وباقي الفرص تباعا
الباوند استرالي فريم الديلي
مبدائيا ده ترند قوي جدا جدا خمس ارتكازات وزي متفقنا الترند القوي بداية من 3 ارتكازات
طبعا عند الدخول هنراعي كذا حاجة

1/لازم ننتظر اغلاق شمعه يوم اسفل الترند يعني ننتظر الاغلاق بالكامل مش مجرد ذيل شمعه

2/يجب تقاطع موفنج 9 وموفنج 30 اسكبوننشال قبل الكسر مش بعده

3/بالنسبة للدعوم والمقاومات اللي حضراتكم شايفنها بالالوان دي دعوم ومقاومات علي فريم شهري واسبوعي ويومي وبتكون مش خطوط بتكون مناطق بنحددها حسب اغلاقات الشموع وذيولها بمعني بدل ما ترسم خط ويكون مش دقيق بترسم منطقة كاملة عند كسرها بتعرف ان خلاص بقي كفاية عليه لازم يهبط

4/بالنسبة للفيبوناتشي هنرسمه من اول الموجة بس لما يبدا يقرب من الترند عشان نعرف نهاية الموجة وطبعا هنبدا نعرف مع بعض تعامل السعر بالنسبة لخطوط فيبوناتشي

طبعا زي ما قولنا هنضيف قدام حاجات تبقي مكملة لينا

نيجي بقي للكلام المهم في حاجتين مهمين

اول حاجة عندي هو الترند القوي طول ما فيه ترند قوي واتكسر صح بيكون تغيير للاتجاه تماما حتي لو الشروط دي مش كلها اتحقق
تاني حاجة مهمة جدا اكتشتفها عند دخول الصفقات وهي نسبة الربح للخسارة (الريتشيو)
ناس تقولك ضعف الخسارة وناس تقولك اقل حاجة الهدف نفس الستوب وناس تقولك اضعاف
انا بعمل حاجة تانية بفرض اني هدخل صفقة ب2 % من راس المال
بقسمها علي صفقتين كل صفقة 1% وبفرض ان ستوبك 50 نقطة
بخلي الصفقة الاولي هدف 50 وستوب 50
والتانية ستوب برضه 50 بس الهدف مفتوح

مزايا الطريقة دي

1/ ان بمجرد تحقيق هدف الصفقة الاولي يعني 50 نقطة انت كده في امان ومامن حسابك تماما لانه حتي لو السعر ارتد والتانية خسرت 50 انت كده طالع تعادل

2/انت كده مدي براح للسعر يتحرك فيه بدل ما تكون صفقة واحدة وتقفل نصها وتقرب الستوب للدخول وتطلع تعادل برضه
انما التعادل في حالتنا دي انت سايب السعر براحته

2/الهدف المفتوح للصفقة التانية بيخليك تفضل مكمل في ارباحك لو السعر كمل في اتجاه تحليلك
مثال كنت في صفقة ستوبها 50 نقطة السعر استمر في طريق الهدف 350 نقطة ودي بتحصل كتير عند وجود ترند قوي جدا
وحتي لو كسب اول صفقة والتانية خسرت انت مش خسران حاجة

3/الحالة النفسية ودي مهمة جدا بتكون مرتاحة جدا لانك ياما تكسب كتير يا اما تطلع متعادل وبتسيب السعر مع حاله

4/ بتعلمك الصبر علي الرربح

5/علي المدي البعيد هتلاقي نفسك حتي لو كاسب 3 او اربع صفقات من 10 برضه هتكون طالع بربح في الاخر وزودت نسبة احتمالات مكسبك اللي بينك وبين السوق

6/تامين حسابك من الخساير قبل ما تبص للمكاسب



باقي الفرص في المشاركات القادمة
في انتظار مشاركاتكم واسالتكم
شكرا ليكم

ابحث عن اانت مبرمج عندي مؤشر ابغى احولها الى اكسبيرت

اقتباس:

المشاركة الأصلية كتبت بواسطة Abokyn2030

ابحث عن اانت مبرمج عندي مؤشر ابغى احولها الى اكسبيرت

مش فاهم حضرتك

عندي مؤشر ابداع ابداع احتاج الى تحويله اكسبيرت راح يكون صراحه جدا جميل ونسبة نجاحه ظ©ظ¥ في المئة في الصفقه الوحده هو بنفسه ابداع ابداع والمؤشر مدفوع الثمن واتمنى تحويله اللي عنده استطاعه يجيني خاااص وشرحها له

اقتباس:

المشاركة الأصلية كتبت بواسطة Abokyn2030

عندي مؤشر ابداع ابداع احتاج الى تحويله اكسبيرت راح يكون صراحه جدا جميل ونسبة نجاحه ظ©ظ¥ في المئة في الصفقه الوحده هو بنفسه ابداع ابداع والمؤشر مدفوع الثمن واتمنى تحويله اللي عنده استطاعه يجيني خاااص وشرحها له

ملوش علاقة بالموضوع ده حضرتك

اقتباس:

المشاركة الأصلية كتبت بواسطة كيمو فوركس

السلام عليكم ازيكم يا جماعه النهارده باذن الله هنعمل اعادة احياء للاستراتجيية المهدور حقها الترند المكسور واللي بتقوم علي اهم واصدق حاجة في الفوركس اللي هو الترند اللي عمره ما هيموت ابدا ولا يقدم

الاستراتجية هتكون زي ما هي اللي مكتوبة في النت ولكن هنلغي منها حاجات وهيكون فيها تطوير في تعاملها وكمان اهدافها هتبقي كبيرة وهشرح باذن الله كل حاجة

اولا الورشة هنا هتكون سهلة جدا باذن الله لانها هتعتمد علي حاجات بسيطة وهي
1/الترند
2/الدعوم والمقاومات
3/تقاطع الموفنجات وهنتكلم عليها
4/ بعد وقرب السعر من الموفنجات 50 و 100 و 200
5/الفيبوناتشي

هيكون في تطوير دايما من خلال التعامل واي حاجة هتزيد الاستراتيجية نجاح هنعدل عليها في المشاركة الاولي هنا ان شاء الله

بالنسبة للاستراتيجية انا مجربها كتير وسر نجاحها انه الترند القوي العالم كله مش هيختلف عليه وساعتها بتكون انت داخل صفقة فيها قوة لانه العالم كله معاك

الدخول هيكون بالنسبة ليا علي حساب حقيقي واللي عايز يجربها ديمو برضه مفيش مشكلة والللي عايز يشتغل حقيقي معايا تمام لكن مع مراعاة ادارة راس المال

الفريمات المستخدمة
ديلي واربع ساعات فقط عشان نضمن قوة الصفقة باذن الله

ادارة راس المال
2% للصفقة

النسبة المحققة كل شهر
هيكون في تعيل في المشاركة الاولي هنا مع انتهاء كل شهر بنتيجة الصفقات ان شاء الله


هنبدا باذن الله في المشاركات القادمة عشان يبقي الموضوع منظم

و عليكم السلام و رحمة الله و بركاته

بالتوفيق ان شاء الله

بسم الله ما شاء الله شرح واضح و منظم

أتمنى وضع الموفينجات و الفيبوناتشى على شارت الباوند-استرالى لانه حديث لكى نرى المكان الصحيح لرسم الفايبوناتشى

( بالطبع صورة شارت الباوند الاولى صورة من شهر اغسطس )

اقتباس:

المشاركة الأصلية كتبت بواسطة mesry

أتمنى وضع الموفينجات و الفيبوناتشى على شارت الباوند-استرالى لانه حديث لكى نرى المكان الصحيح لرسم الفايبوناتشى

( بالطبع صورة شارت الباوند الاولى صورة من شهر اغسطس )

صورة الترند الاولي دي من زمان وكانت للتوضيح مش اكتر

وبالنسبة للباوند استرالي بمجرد قرب السعر من الترند هنرسم الفيبو عشان نبقي عرفنا اول واخر الموجة وساعتها هنحلل كل حاجة عنه بالتفصيل من اول الترند العام علي الشهري والاسبوع لغاية تفاصيل الفرصة علي الديلي

نورت الورشة يا فندم