مؤشر لإستخارج أكثر من 40 نمط أو نموذج للمضاربة Harmonic Pattern
التداول باستخدام النمط أو الباترن Harmonic Pattern في مضاربين كتير بيعتمدو عليه، وأعتقد في ناس كتير هنا عارفين بيه وبخصائصه.
بالنسبة للناس اللي مش عارفة أية هو التداول باستخدام النمط، النمط هو تكرار شكل لحركة السعر بترتيب ومستويات سعرية أو زمنية معينة، وإذا تم التكرار دة بيتم استغلاله لمعرفة اتجاه حركة السعر القادمة.
وطبعا مستويات فيبوناتشي بتلعب الدور الرئيسي في الموضوع دة، وأكيد اللي بيشتغلو بالنظام دة محتاجين دائما لقياس مستويات الأمواج لمعرفة علاقتها ببعض، لذلك من المهم استخدام مؤشرات لتوضيح الأنماط دي واستخراجها من الشارت.
المؤشرات كثيرة جدا، لكن المميز في المؤشر الموجود في المرفقات في هذا الموضوع هو كثرة خصائصه، وطبعا كلما كانت خصائص المؤشر كثيرة كلما كانت إمكانياته أكبر والتحكم فيه أسهل.
ومن خلال تصفحي للمواقع المختلفة وجدت موقع بيقدم الخدمة دي مقابل اشتراك شهري، رغم إن مستوى كشف الأنماط لديه لا يقل أبدا عن مستوى المؤشر الموجود معانا النهاردة، ودة طبعا شجعني إني أطرح الموضوع دة ومشاركة المؤشر في المنتدى.
المؤشر هنا بيتيح لك استخراج أكثر من 40 نمط، أنا طبعا لا معرفة عندي لأكثر من الأربع أو الخمس أنماط المعروفة، ودي أول مرة أكتشف فيها هذا العدد من الأنماط، وطبعا من خلال الخصائص تقدر تحدد إذا كنت تريد العمل مع الـ 40 نمط جميعهم مرة واحدة، ودة طبعا لا ينصح به لإنه من الممكن يكون في تعارض في الأنماط، أو انك تحدد مجموعة من الأنماط للعمل بها أو تخصيص نمط واحد فقط للظهور، وكمان في تنبيه عند اكتمال شكل المؤشر.
أما أهم الخصائص على الإطلاق هو رصد الأنماط في صورة Jpg وملف إكسل فيه كل تفاصيل النمط، ودة طبعا مهم جدا انك لو حبيت تعمل اختبار على تواريخ قديمة، هيكون سهل جدا عليك انك تجيب معلومات عن كل نمط "الخفاش" مثلا عن الأربع سنين اللي فاتو في الزوج اليورو دولار مثلا، وساعتها هتقدر تقارن حركة النمط وتشوف أية المناسب منه للمضاربة.
والموضوع دة هتكلم فيه بتفصيل أكتر فيما بعد إن شاء الله.
والآن استكشفو المؤشر وإمكانياته الرائعة، ولكي يعمل المؤشر بشكل سليم من المهم تحديد Allow DLL Import في قائمة Common.