طريقة تفعيل شرائح الإيباد موبايلي

طريقة تفعيل شرائح الإيبـاد لشركة موبايلي

راح يكون شرحي مقتصر على الايباد لان الايفون فيه وسيلة اتصال بعكس الايباد يلقى صعوبه بطريقة الشحن والاشتراك والتفعيل ومعرفة رصيدة المتبقي من باقته
البعض يقول عادي نفك الشريحه من الايباد ونحطها بالايفون بما ان الشريحه صغيرة ونشحن فيها طيب واللي ماعنده ايفون أمه والدته وجايبته بالبرنده يبلش بروحه؟

أسئلة شائعه
1- ركبت شريحة البيانات لكن ماعرفت كيف أفعلها على الايباد ؟
موبايلي عندها باقات لشرائح مسبقة الدفع وباقات للمفوتره وباقات خاصه لشريحة البيانات وبأسعار معينه شف اللي تناسبك ومد رجلك على قد لحافك
ومن تجربتي الشخصية أنا أفضل اتصال الشريحة العاديه على شريحة البيانات

2- فيه شريحة بيانات وفيه شريحة عادية وش الفرق ؟
----> وش الفرق ؟
1- الشريحه العاديه تقدر تتصل منها وترسل وتطلب معرفة الرصيد المتبقي - أما شريحة البيانات لا ..
2- الشريحه العاديه تقدر تشحنها اذا خلصت قبل نهاية الشهر لكن بشرط تكون الباقة أعلى من السابقة أو تلغي اشتراكك الأول وتشترك بباقة من جديد تكون نفسها اللي مختارها - بينما شريحة البيانات ماتقدر تشحنها الا اذا خلص الشهر
3- الشريحة العاديه تتوقف الخدمة اذا جاء الشهر الثاني وانت ماشحنت - بينما شريحة البيانات لو ماشحنتها مثلا بشهر 1 وتبي تعيد الخدمة في شهر 2 يلزمك انك تشحن للشهر الماضي والحالي لتشغيل الخدمة مره أخرى !
4- الشريحة العاديه تقدر تستفيد من برنامج النقاط والجوائز عند الشحن والاستخدام - اما شريحة البيانات ماتقدر تستفيد من هذا كله