تآئــه ياولاد الحلال ! - خداع مؤشر الـ RSI

السلام عليكم ورحمة الله وبركاته جميعاً


هذة قصتي مع هذا المؤشر RSI وأتمني النُصح والتوجيه الصحيح لأني حاسس أني توهت بعد ما كنت قربت أحس بشئ من الإستقرار في صفقاتي

من قرابة 6 أشهر قررت الدخول عالم الفوركس
وبالطبع في البداية جربت حسابات تجريبية وكنت أربح مرة وأخسر أخري
وبحثت كثيراً داخل اليوتيوب عن طرق المتاجرة وجربت الكثير

وبعد تجربه المربحة علي الحساب التجريبي بإستخدامي مؤشر RSI
وكنت أدخل صفقات بيع عند وصول المؤشر إلي 70
وصفقات شراء عند وصول المؤشر إلي 30
وكان الجو جميل ومُربح ولم تصادفني أن يعكس السعر إلا نادراً وكنت أصبر قليلاً ويعود للهدف بدون أي مشكلة أو مماطله وفي وقت قصير وكنت أستخدم فريم الـ 15 دقيقة

فقررت البدئ بحسابات حقيقية
فتحت حساب حقيقي بإيداع 500 دولار وأتمرجن ( قولت يمكن الحقيقي له رهبه )
فتحت حساب آخر حقيقي بنفس المبلغ 500 دولار فإتمرجن مرة أخري ( قولت يمكن علشان بفتح لوتات كبيرة شويه بـ 1 دولار )
فقولت موضوع 500 دولار دا مش نافع
روحت أودعت في حساب جديد 1500 دولار وأخدت بونص 900
فالدنيا بقت وردي بالنسبة لقبل كدة، الحساب بقي 2400 دولار

قولت آخد حذري بقي ومفتحش لوتات كبيرة وأشتغل بهدوء

وفعلاً الحساب دا فاتحه من أول شهر 10 الحالي
ولله الحمد لغاية يوم 22/10 وأنا بأرباح يومياً ولله الحمد بدأت أحس براحة نفسية
ونظامي في المتاجرة كما قولت لكم

مؤشر ال RSI
بيع عند 70
شراء عند 30

ولكن
من بداية يوم 23 أكتوبر وأنا في حالة توهان تام

حاسس أن مؤشر ال RSI بدأ يزعل أني بربح منه
بقي يخدع وآجي أبيع عند 70 يطلع لفوووووووق
آجي أشتري عند 30 ينزل لتحتتتت
وبدأت أخسر لأنة كان بيطول جداً علشان يرجع لنفس النقطة ونفسيتي بقت وحشه ومتدايق من اللي بيحصل

فياريت أي حد عندة معلومة مفيدة يفيدني بيها
هل الأخبار هي السبب؟؟ من يوم 23 أخبار ولا إيه ؟
وإزاي أعرف أن في خبر جي في وقت معين علشان أتفاداه وأبعد عن المتاجرة فيه
أو هل في حاجة أنا المفروض أتعلمها وأدرسها كويس!!

أنا كنت راضي بالربح البسيط بتاع إرتداد مؤشر ال RSI ولكن مش فاهم إيه اللي حصل!

معلش طولت في الكلام وفضفضت معاكم جامد
ولكن دا بسبب إني لقيت هنا ناس بتحب الخير لغيرها وفي نفس الوقت عندها خبرة جميلة ما شاء الله


فأتمني الإفادة وجزاكم الله عني خير الجزاء

اخي اكيد الاخبار الها دور وتاشسر بتسريع الستوب او الهدف
بعدين حاول يكون مستوى التشبع لمؤشر RSI يتوافق مع دعم ومقاومة
والاهم من كل ذلك هو ادراة راس المال وابعد عن الطمع

بسم الله الرحمن الرحيم
اخي الكريم لو كان كما قلت الشراء من 30 و البيع من 70 لوجدت ان العالم رابح
لكن العسك الجميع خاسرون وهدا دليل قاطع على هده الطريقة غبية جدا وهدا اصطياد لنا نحن المتداولين الصغار
والفوركس غامض جدا وفيه تداخلات كبيرة و لا تنسى الفريمات المتعددة التي فريم يعطيك قراءة و فريم اخر يعطيك قراءة مختلفة عن الاخرى
عليك بفهم حركة السعر و ليس تتبع ما يقول المؤشر
بالتوفيق لك ان شاء الله و المسيرة طويلة

تسلم يالحبيب لردك
ولكن من أين أعلم أن هناك خبر قادم فأتجنب السوق أو أحذر من خداعه؟
وبخصوص إدارة رأس المال، والله لا أطمع ولكن إذا كان في روابط مفيدة تخص إدارة رأس المال ياريت تفيدنا بها إن أمكن

خالص تحياتي وتقديري



أهلاً بك أخي العزيز
صدقت، واضح أني فرحت بالطريقه الغبيه دي لبعض الأيام ولكن بدأت أكتشف حقيقته
أنا بوريه المؤشر

ولكن هل هناك روابط هامة تفيدني في فهم حركة السعر ؟
أنا أري بعد الأعضاء هنا ما شاء الله داخل وبكل ثقة يقول النقطة "كذا" شراء
أو النقطة "كذا" بيع
أزاي أبقي مثلهم من أين أبدأ الطريق الصحيح في هذا العالم

لأن واضح الإهتمام بالمؤشرات فقط ليس آمن!

خالص تحياتي وتقديري أخي

يا اخى توقف فورا عن المتاجره على الحقيقى و ابدا التعلم و جرب على الديمو

حاضر ، أنا متوقف فعلاً لأن صدري داق من يوم 23
ولكن هل هناك روابط فيها الزبدة والشرح السليم يالحبيب ؟
علشان النت غرقان مواضيع ومش عايز ادبس نفسي مع حد بيألف

جزاك الله خيراً علي النصيحة

ابتعد عن المؤشرات كلها فاشله ودور على الاستراتيجيات التى تعتمد على التحليل الفنى

بسم الله الرحمن الرحيم
أقولك شيء يا اخي الكريم لا يوجد من يقولك اقرأ الكتاب فلاني او جرب الاستراتجية الفلانية
لأن الفوركس ليس 1+1=2
بل فيه العديد من المتغيرات
ممكن الاستراتجية تقولك اشتري و تشتري و تحقق اهداف و مرة اخرى وبنفس الطريقة تشتري يعكس عليك على طول
لدا عليك بالديمو و متابعة الشارت و ليس المؤشرات افهم حركة الشارت
وهدا يكون بالخبرة و الممارسة و ليس باستراتجية او طريقة
اضيف لك شيء اخر استراتجية فلان لا تصلح لك اصنع استراتجيتك بنفسك
واتمنى لك كامل التوفيق و النجاح في المسيرة

أهلا بيك يالحبيب
والله كلامك جميل، ولكن وأنا أبحث أري آراء كثيرة تقول الأفضل أن تصنع إستراتيجيتك الخاصة، فكيف هذا!

لابد علشان أعمل إستراتيجية خاصة، أني أكون محترف وفاهم، صح؟
كيف بقي أبقي فاهم علي الأقل دلوقتي، خلي محترف شوية قدام

أقصد فين بداية الخيط بالعربي

حياك الله ياغالي

هههههههههه تسلم يالحبيب والله
لسه كنت بقول الكلام دا لحبيبنا "هيثم"

يعني أفتح الميتاتريدر وأبص علي الشارت وهفهم لوحدي

والله ياخي كنت فاكر إن فيه كتاب سحري الناس بتفهم منه أساسيات الشارت دا وإزاي الناس بتخترع الإرتدادات دي ؟ في بعض الإرتدادات أنا بعرف أطلعها لوحدي علي فريمات معينه

لكن في ناس بتطلع نقطة إرتداد مثلاً أنا ولا كانت علي بالي معرفش جابها إزاي وبتطلع صح، زي أمثال إخواتنا أحمد عزام وأحمد ريان والساحر، وهناك آخرين أيضاً ما شاء الله عليهم جميعاً

ولا كمان يجيلك محلل تقني في موقع زي investing دوت كوم ويخترع إرتدادات هو التاني وتطلع صح! الناس دي بتعمل إيه؟

تسلم ياغالي علي إهتمامك، وشُكراً لك