رد: الاستفسارات عن التحليل الفنى - لا تتردد فى طرح أستفسارك
اقتباس:
المشاركة الأصلية كتبت بواسطة شادى عبده
ههههه الله يكرمك
و بأذن الله تستفيد , لو تلاحظ الهارمونيك مش منتشر و حتى معظم الناس فاهمه الهارمونيك بطريقة سطحية جداً و بيتعاملو مع النموذج كأنه جنى من مصباح علاء الدين لو مفيش هدف يبقى الهارمونيك فشنك !!
ربنا يقدرنى و اقدر أوصل المفاهيم بطريقة صحيحة لان الهارمونيك فعلا فن رائع
الله الموفق
الله ينور عليك غير منتشر على الاطلاق
حتى فى سوقنا معظم المحللين ان لم يكن الكل لا يعرفون شئ عن الهارمونيك
انا اللى خلانى احاول اتعلمه انه مش منتشر وحتى اللى بيفكر يتعلمه يبعد عنه كما لو كان لوغاريتمات
الجميل فى الموضوع عدم انتشاره فى السوق المصرى وسط المحللين لان الميكرات بتوعنا بيضربوا عرض الحائط بالتحليل الفنى فى اسهم كثيره بمعنى انه ممكن يكون عارف بان كسر الدعم ده هيخلق بياع قوى يقوم يكسره بفيش كبيره وبعد كده يصعد مره اخرى
وحيالهم مش بتخلص
انا ذاكرت تحليل فنى وبجتهد ولكن بصراحه بالرغم انى فاهم فى الكلاسيكى الا انه كان ناقصنى شئ مش عارف هو ايه
بلاقى شغلى مش مضبوط
او ارباحى مش هى اللى المفترض اجنيها وممكن جدا اطمع فى سهم ويكون جاب التارجت بتاعه وكتر الاشاعات تخلينى اتمسك بالسهم اكتر
وطبعا اكتشف بان دا كله كان هباء وفى الاخر بلاقى نفسى يا اما ضيعت مكسب او خسرت
ولكن بعد قراءه الهارمونيك والتفاعل معها لاقيت نفسى بتفاعل معها والادوات الفنيه الاخرى وبتعطينى مزيج رائع من الرؤيه الفنيه
انا بعتبر نماذج الهارمونيك زى الخريطه تمام بمشى عليها والتفاصيل اللى جوه الخريطه تحليل كلاسيكى الذى لا غنى عنه