• 10:23 صباحاً
logo




رباعيات روائع الشعر المصرى

إضافة رد
عضو برونزي
تاريخ التسجيل: Oct 2008
المشاركات: 2,169
معدل تقييم المستوى: 14
Light is on a distinguished road
01 - 01 - 2010, 12:40 AM
  #1
Light غير متواجد حالياً  
افتراضي رباعيات روائع الشعر المصرى
اعشق الشعر و الكتابات الادبيه بالزات الرباعيات احاول باجتهاد ان اتعلم من الاساتذه العظام صلاح جاهين .بيرم التونسى,احمد الهمامى .عبد الرحمان الابنودى.و غيرهم

صلاح جاهين

سهير ليالى وياما لفيت وطفت
فى ليلة راجع فى الظلام قمت شفت
الخوف كأنه كلب سد الطريق
وكنت عاوز أقتله بس خفت
عجبى !!!!!

أنا قلبى كان شخشيخة أصبح جرس
جلجلت بيه صحيوا الخدم والحرس
أنا المهرج قمتوا ليه؟؟ خفتوا ليه؟؟
لا فى إيدى سيف ولا تحت منى فرس
عجبى !!!!!

دخل الربيع يضحك لقانى حزين
نده الربيع على اسمى لما قلت مين؟
حط الربيع أزهاره جنبى وراح
وإيش تعمل الأزهار للميتين؟
عجبى !!!!!

رباعيات الشاعر احمد الهمامى
حياتي بطريقتي هكمل واعيشـــها
ولو حتى كانت صعبه في معـيشــها
طريقـي ودربي لا يمــــكــن هســيبه
ولو خـوفوني بـــــــدولـه وجيـــشها
وآه
على بعد خطوه واحده م البدايه وقــــــــــفـت
من خوفى لاوصل للنهايه ولا لأني ضـــعفت
باسأل ســــــــــؤال مالهوش إجـــابه مؤكـدة
بالرغم إن كل ســـــؤال وله جـواب عــرفت
وآه

حرية الرأى مكفولة من زمان فى كل كتاب ودين
والأمر شورى مــن أيـــــام محمد آخر المرسلين
يعنى أنا أتشجع أقول كل اللى جوايــا ولا أخــاف
من المحاضر والقضـايا والحبس ويـــا المجرمين
وآه

بيرم التونسى

عتاب

ليه امشى حافى ،وانا منبت مراكيبكم
ليه فرشى عريان،وانا منجّد مراتبكم
ليه بيتى خربان ،وانا نجّار دواليبكم
هى كده قسمتى؟
الله يحاسبكم!

ساكنين علالى العتب،وانا اللى بانيها
فارشين مفارش قصب،ناسج حواشيها
قانيين سواقى دهب،ونا اللى ادور فيها
يارب ماهوش حسد
لكن بعاتبكم

من الصباح للمسا،والمطرقه فيدى
صابر على دى الاسا ! حتى نهار عيدى
ابن السبيل انكسى ، واسحب هرابيدى
تتعروا من مشيتى
واخجل اخاطبكم

ليه تهدمونى وناللى عزكم بانى
انا اللى فوق جسمكم قطنى وكتانى
عيلتى فى يوم دفنتى مالقيتش اكفانى
حتى الاسيّه وانا راحل وسايبكم؟


بدنجان

يا شرق فيك جو منور
والفكر ضلام
وفيك حراره يا خساره
وبرود اجسام
فيك تسعميت مليون زلمه
لكن اغنام
لا بالمسيح عرفوا مقامهم
ولا بالاسلام
هي الشموس بتخلي الروس
كدا هو بدنجان
رد مع اقتباس



إضافة رد

أدوات الموضوع


جديد مواضيع استراحة بورصات

المواضيع المتشابهه
الموضوع كاتب الموضوع المنتدى مشاركات آخر مشاركة
رباعيات الموت والطين الجوهري القسم الادبي ، شعر ، قصص ، روايات 1 01 - 01 - 2016 08:11 PM
فوائد الزنجبيل للشعر في تطويل الشعر و تكثيف الشعر 2 flying bird استراحة بورصات 3 06 - 08 - 2009 01:23 PM
العاب قص الشعر - اهمية تمشيط الشعر قبل النوم flying bird استراحة بورصات 0 26 - 05 - 2009 02:50 AM


10:23 AM