مصر تنتج والعالم يستهلك

وهو ده الشىء المضحك المبكى
عندما كنا ننتقد الاخوان كان يدخل شخص يقول ميولكم فلوليه
وعندما ننتقد الوضع الحالى تبقى ميولنا اخوانية

كيف سينهض هذا الشعب ؟!!!

ياتبقى معانا ياتبقى ضدنا
طيب ياعم و اللى مش معاكم ولا ضدكم يعمل ايه ؟؟؟

التوقيع

التعليم هو ملاذ الأمة متى ماوجد التعليم وجدت الأنتاجية ... اتذكر مقولة لوالي مصر أيام الدولة العثمانية محمد سعيد باشا يقول "أمة جاهلة أسلس قيادة من أمة متعلمة" مقولة قد تلخص الحال

القران الكريم نزل علينا بقول "اقرأ" ...عرب الجاهلية كانوا يتقاتلون على لقمة العيش حتى انزل الله عليهم النور والكتاب المبين.

نسأل الله ان يغير على مصر واقرانها من الدول العربية لما فيه من الخير والصلاح.

انا وجهه نظرى بسيطه انا شايف ان السبب فى تدهور هذه البلد هما 3 اجيال جيل عبد الناصر جيل السادات جيل مبارك
احترم فكر السادات وشايف ان الراجل ده لو كان كمل كان غير كتير فى البلد للاحسن النقطه الوحيده التى تحسب لهذه الاجيال هو نصر اكتوبر يعنى الحرب اما على باقى الجوانب فى كلام كتير وده اصلا سببه ان لما رحل الملك فاروق رحل معاه ناس متعلمين كتير وايلى مسك البلد ايامها العسكر وكان الراى السياسى فى الشارع للطبقه البسيطه ايلى كان اغلبها للاسف غير متعلم بسبب عدم اهتمام الملك فاروق بهذه الطبقه من الشعب رغم ان للملك فاروق ايجابيات كتيير والناس كل مابتجيب سيرته فى الافلام والمسلسلات يتكلمو عن السلبيات فقط
الحل لمصر الان
توفير الدولار للمستثمرين باى ثمن لاان ارتفاع الدولار امام الجنيه المصرى هو هيبقى السبب فى الكارثه وهيزيد معاه الغلاء لااننا بالطبع دوله مستورده
الاهتمام بالتصدير والانتاج واستثمار العقول المصريه داخل هذه البلد وعدم محاربتها بالقوانين والتعقيدات الفاشله
عزل جميع من تخطو سن الخمسين من الوزارات والمناصب الحكوميه وتوفير معاش ليهم
اسف هذا الجيل لايصلح
واستبدالهم بشباب وياريت شباب الثوره ايلى ليهم طموح سيبولهم فرصه حقيقيه ومش عايزين حد يقولنا لازم يبقى فى خبرات سابقه معاهم لا شكرا الخبرات السابقه دى هى ايلى ودت البلد فى ستين داهيه
وضع حد ادنى للاجور فى القطاع الخاص قبل القطاع العام وبث الامل فى روح الشباب انه لو اشتغل فى وظيفه عاديه هيقدر يحقق احلامه وبالتالى الكل هيشتغل والكل هينتج وبالتالى هيقل عدد العاطلين ومحدش يقولى المشكله فى فرص العمل لا طبعا فرص العمل كتييييييييييييييييييييييييير
لكن المشكله فى الاجور ايلى خلت الناس بتشتغل من غير نفس ولا هدف
وحاجات كتير تانيه يطول شرحها يلا لو اتمسكنا انا معرفكمش

لم اقصد هذا بل خد مثلا ..حينما اذاعت الجزيره و نشرت الجارديان ان مبارك لديه 70 مليار دولار بالخارج نزل الشعب الى الميادين كل يبحث عن نصيبه و نصيب افراد عائلته ...حتى اليوم لا اجد تفسير لماذا حدث ذلك ...مثال اخر نسبه كبيره جدا من افراد الشعب يريدون ان يحصلوا على دخل بدون ان يتعبوا ... مثال اخر تجد نسبه اهالى طلاب الثانويه العامه يبحثون عن وسيله لتغشيش ابنهم او بنتهم سواء بالواسطه او من خلال مكبرات الصوت ....و هناك العديد و العديد من الامثله

كيف انصفهم ؟ اليس الانصاف هو العدل ..هل من العدل ان يقوم عبد الناصر باخد ممتلكات الاخرين و يوزعها على المتواكلين ...هل يصح ان يقوم عبد الناصر بتأميمم جميع ممتلكات اقتصادى محترم مثل طلعت حرب او عبود او فرغلى ..............الخ ليس كل الباشوات فاسدين مثلما صوروهم فى السينما

عندك حق فعلا ايام الملكيه الوحشه الظالمه ابن البوسطجى (عبد الناصر ) اصبح ظابط جيش و ابن الفلاحين الفقراء (السادات ) اصبح ظابط جيش هما و كل الظباط الاحرار

طبعا كلنا عارفيين ايه اللى حصل بعد الثوره المجيده اللى قضت على الواسطه و المحسوبيه و منعت التوريث

ده الملكيه وحشه بشكل (واضح انك لسه متاثر برد قلبى)

عمرو اديب بيقول للناس تصبر لنهاية 2017 ونبقى خلاص عدينا الازمة . وعبد العاطي بدأ في الظهور مؤخرا لايهام البسطاء من الناس بنجاح اسياخ الكفتة في . نحن نعيش الان في مرحلة اللا دولة حتى وان ظهر كبيرهم يتحدث كالاخرق . وقديما قيل ( ان معرفة الداء نصف الدواء )

أشكرك

طيب انا حتكلم من منطلق اكتر حاجة بنفهم فيها

هو بالمنطق كان ينفع الفراعنة يفضلوا واخدين الترند الصاعد من سبعة تلاف سنة لحد الوقت الحاضر.. تخيل شكل الحضارة بتعاتهم حتبقى ازاي

سؤال تاني. تخيل كده ان نفس مستوى الصحابة والخلفاء الراشدين مستمر من حاكم الى اخر .. تخيل الاسلام كدين وحضارة حتبقى عاملة ازاي..

طب سؤال في الفوركس هل ينفع يبقى فيه ترند صاعد للابد وترند هابط للابد؟

فكر في الاسئلة اللي فاتت واربطها يالواقع. ساعتها ممكن نفهم ليه الثورة فشلت وليه ده مستوى الحكام الموجود حاليا..

احنا في ترند منقدرش نغيره واي محاولة للوقوف قصاده مصيرها المارجن كول..

طب الحل ايه؟



خليك مع الترند وشكرا