مشكلة عند فتح حساب مع شركة tickmill

السلام عليكم
زى ما مكتوب فى العنوان انهارده حبيت افتح حساب مع شركة tickmill عشان استفاد من عرض البونص لما لقيت اعلانات ليهم فى اكتر من منتدى وان ترخيهم فى بريطانيا فدخلت على موقع الشركة العربى لقيت اختيارين لفتح الحساب
الاختيار الاول فتح حساب تحت ترخيص بريطانيا ملقتش مصر فى قائمة الدول والاختيار التانى المتاح تابع لجزر السيشيل ولما دورت على النت لقيت ان ترخيص جزر السيشل ملوش اى لازمة ومش هيضمن حق العميل مع ان فى شركات كتير تقبل العملاء المصريين تحت ترخيص بريطانيا
فممكن اعرف ليه الناس اللى من مصر متقدرش تفتح حساب تحت الترخيص البريطانى هل نفس قصة شركة exness
ياريت حد يفيدنى فى المشكلة دى

بص انا بتعامل معاهم بقالى اكتر من سنة تحت ترخيص سيشل ده
بس اللى طمنى ليها من البداية ان الشركة دى فرع تابع لشركة لشركة Armada Markets
اللى كانت فى الاول شركة فوركس و من فترة الى الآن اتجهت لخدمات الوساطة و انشاء شركات الفوركس و عملت تك ميل اللى هى نفس الشركة بس باسم جديد مختص بالتداول
فا ما واجهتنيش فيها اى مشاكل خلاف ان السبريد اخر الاسبوع كان بيوسع بقوة اكتر من باقى الشركات
و مكانش فيها حسابات اسلامية حاليا فيها
و من كام يوم حاولت برضه افتح حساب على ترخيص بريطانيا ملاقتش مصر قالولى ان مصر مش ضمن نطاق الترخيص البريطانى و ده من خلال الـFCA نفسها مش تك ميل
قلتله كلامك مش صحيح لأن فى شركات كتير مترخصة تبع FCA و بتقبل مصر عادى
فا حسيت ان اللى بيكلمنى اصلا مش فاهم او هما قالوله يقول كده فقلتله ياريت توصل للإدارة عندكم الكلام ده ان شركات تانية بتقبل مصر تحت ترخيص FCA قالى حاضر هوصل صوتك
ممكن احنا نبعت اكتر من رسالة للشركة لحد ماتدخل مصر و الا حركة مقلقة مخليانى بتعامل معاهم بحذر

اقتباس:

المشاركة الأصلية كتبت بواسطة samrhan

السلام عليكم
زى ما مكتوب فى العنوان انهارده حبيت افتح حساب مع شركة tickmill عشان استفاد من عرض البونص لما لقيت اعلانات ليهم فى اكتر من منتدى وان ترخيهم فى بريطانيا فدخلت على موقع الشركة العربى لقيت اختيارين لفتح الحساب
الاختيار الاول فتح حساب تحت ترخيص بريطانيا ملقتش مصر فى قائمة الدول والاختيار التانى المتاح تابع لجزر السيشيل ولما دورت على النت لقيت ان ترخيص جزر السيشل ملوش اى لازمة ومش هيضمن حق العميل مع ان فى شركات كتير تقبل العملاء المصريين تحت ترخيص بريطانيا
فممكن اعرف ليه الناس اللى من مصر متقدرش تفتح حساب تحت الترخيص البريطانى هل نفس قصة شركة exness
ياريت حد يفيدنى فى المشكلة دى

ودي صوره بتبين ان مصر مش موجودة في خيارات فتح الحسابات تحت الرقابه الاوروبيه

دي مشكله للاسف في معظم الشركات انها مش بتقبل المصريين لترخيص fca
راجعت الترخيص وبلغوني ان المشكله من الشركات مش من الترخيص

كلمت كذا شركه عن السبب الحقيقي قالو علشان مشاكل الايداع والسحب اللي ممنوعه من البنك المركزي المصري وفي مشاكل كتير ..
بس لو حساب كبير مثلا 10 الاف دولار قالو ان مفيش مانع لفتح الحساب تحت fca

فلازم تتفاوض معاهم ..

كل الشركات كده علي فكره مع المصريين.

التوقيع

فى اكتر من شركة تحت رقابة FCA ليا حسابات معاهم و فتحتها عادى بدون مشاكل

رد من واقع تجربة شخصية :
أنا أتداول مع الشركة منذ فترة طويلة حتى قبل أن تحصل على الرخيص البريطاني
بعد الحصول على الترخيص البريطاني تحاورت مع الشركة بصراحة تامة حول قبول المصريين في الشركة تحت الترخيص البريطاني ونعلم أن بعض المستندات تكون أكثر صرامة فيما يخص الترخيص البريطاني
وقد تم فتح حساب لصديق لي على الترخيص البريطاني (مقيم بالإمارات)
هناك إختلافات فعلية في حالة القبول تحت الترخيص البريطاني منها أنه لا تمنح الشركة عمولات وكالة تحت الترخيص البريطاني ، ليست كل نظم الدفع مفعلة على الترخيص البريطاني ، تحتاج لأوراق أكثر ، رافعة مالية أقل
في النهاية صديقي تم قبوله تحت الترخيص البريطاني وتحت ترخيص سيشل والآن هو يتداول تحت ترخيص سيشل (ربما بسبب الرافعة المالية على ما أظن)
في كل الأحوال بالطبع منحاز لأحقية المصريين المقيمين في مصر بفتح الحساب تحت الترخيص البريطاني لكن حتى الآن أتداول تحت الترخيص الصادر من سيشل دون مشاكل على الإطلاق حتى مع المبالغ الكبيرة
لكن رغم كوني غير راض تماما عن الأمر فإننى أثق أن الشركة جيدة كونها شركة وليدة لأرمادا ماركت التى نعرف سمعتها كوسيط فوركس قبل أن تتحول لتصبح مقدم سيولة

اقتباس:

المشاركة الأصلية كتبت بواسطة hisham.m.younes

رد من واقع تجربة شخصية :
أنا أتداول مع الشركة منذ فترة طويلة حتى قبل أن تحصل على الرخيص البريطاني
بعد الحصول على الترخيص البريطاني تحاورت مع الشركة بصراحة تامة حول قبول المصريين في الشركة تحت الترخيص البريطاني ونعلم أن بعض المستندات تكون أكثر صرامة فيما يخص الترخيص البريطاني
وقد تم فتح حساب لصديق لي على الترخيص البريطاني (مقيم بالإمارات)
هناك إختلافات فعلية في حالة القبول تحت الترخيص البريطاني منها أنه لا تمنح الشركة عمولات وكالة تحت الترخيص البريطاني ، ليست كل نظم الدفع مفعلة على الترخيص البريطاني ، تحتاج لأوراق أكثر ، رافعة مالية أقل
في النهاية صديقي تم قبوله تحت الترخيص البريطاني وتحت ترخيص سيشل والآن هو يتداول تحت ترخيص سيشل (ربما بسبب الرافعة المالية على ما أظن)
في كل الأحوال بالطبع منحاز لأحقية المصريين المقيمين في مصر بفتح الحساب تحت الترخيص البريطاني لكن حتى الآن أتداول تحت الترخيص الصادر من سيشل دون مشاكل على الإطلاق حتى مع المبالغ الكبيرة
لكن رغم كوني غير راض تماما عن الأمر فإننى أثق أن الشركة جيدة كونها شركة وليدة لأرمادا ماركت التى نعرف سمعتها كوسيط فوركس قبل أن تتحول لتصبح مقدم سيولة

أخى هشام اوراق كثيرة او قليلة هذا ليس مبرر لحرمان المصريين من فتح حساب تحت الفرع البريطانى
بصراحة شىء حزين جدااا طالما يستطيع الشخص توفير الاوراق من حقة فتح حساب
والدليل ان هناك شركات اخرى تحت مظلة التسجيل البريطانى وتسمح للمصرين بفتح حسابات دون مشاكل

اعتقد ان هناك سبب اخر لحرمان المصريين من فتح حسابات خاضعة لتسجيل البريطانى

التوقيع

أتفق معك في ذلك مع ملاحظة أن المصري المقيم في الإمارات تم قبوله ، عامة سأتواصل مع الشركة وأحاول الحصول على إجابة واضحة

لاحظ برضه ان الاوضاع السياسية و الاقتصادية فى مصر مش مستقرة
الشركة مش عايزة يحصل اى خلل يخسرها الترخيص البريطانى من غسيل اموال او غيره

ايضا من كام يوم كان احد الاخوة نشر موضوع ان البنك المركزى لغى عمليات الايداع للبنوك الالكترونية

هقولك معلومة بسيطة
فى شركة اسمها أطلس ACFX
الشركة دى السنة اللى فاتت خسرت الترخيص القبرصى بسبب تلاعب بعض العملاء فى عمليات مشبوهة
فما بالك بشركة لسه بتحاول تثبت نفسها و لسه بتقول يا هادى على الـ FCA

الموضوع ليس له اى علاقة بمصريين او هنود ..

دول الاضطرابات السياسية والنزاعات المسلحة او قوانين البنوك المركزية بيكون الرسك فيها عالى لهذة الشركات مش مصر بس المستثناه ستجد دول اخرى وستجد بها مشاكل سياسية او نزاعات مسلحة .. واحنا مخليناش الناس نفسهم فى حاجة عندنا الاثنين


شركة مثل FOREX.COM منعت السعوديين من التداول معها واى مقيم من اى جنسية اخرى لتجنب المشاكل الحاصلة فى السحب والايداع فى المملكة لشركات الفوركس