
رد: استطلاع ورش التوصيات بحساب او بدون حساب
كل اللى بيحصل ده مالوش اى معنى حتى الموضوع ده اتعارض معاه تماماً
بالنسبة للتوصيات يقع اللوم على المتلقى فقط.........................
يعنى انا مثلا شخص محدود القدرة للتداول فى الفوركس لما اختار موضوع توصيات اتابعه اختار شئ مقنع عايز استدل بحساب يستعرض نتائج المزود ساعتها اختار موضوع مدعوم بحساب
اما انى اتابع موضوع مش مدعوم بحساب و لما اخسر احاول اجبر المنتدى على تلبية طلبى الذى ليس لى فيه اى حق فهذا غير مقبول
دوروا فى كل منتديات البورصات على الانترنت مفيش شئ اسمه منتدى بيجبر المزود على عمل حساب لعرض النتائج
المزود المحترف فعلا و بيحقق ارباح و بيقدم موضوع لخدمة الناس مفيش اى شئ هيمنعه انه يعرض حسابه الحقيقى و يعرض بضاعته بشفافية
اما عكس ذلك فهى سبل لجذب الناس لادارة محافظهم و ربح عمولات
انا شخصياً على حد معرفتى ببعض الاشخاص هنا فى المنتدى فالمنتدى مليان ناس كل همها يطلعوا بزباين من المنتدى
مفيش احسن من مواضيع التحليلات و مشاركة الافكار عندكم احمد ريان عندكم احمد عزام عندكم على عبده كمشرفين بيشاركوا يومياً افكار
عندكم سوكا و احمد و ايهم و نسيم الشرق و غيرهم اعضاء بيشاركوا افكار
انا ادخل اشوف الافكار و اللى اقتنع بيه اطبقه و انتهت القصة
انما اطلب شئ مش مقنع و مفيش منتدى بيعمل بيه و املأ الدنيا صراخاً فا اعتقد ان المسئلة هتبقى ازعاج اكثر من اقتراح
و لو دخلتم قسم التوصيات هتلاقوا موضوع اسمه إخلاء المسؤولية اعتقد ده بينهى الموضوع تماماً
http://forum.borsaat.com/t287211.html
و شكراً