رد: @@ كافيه الفوركسية - عندك اى سؤال اتفضل @@
بسم الله الرحمن الرحيم
كل سنة وانتم طيبين
انا طبعا عضوة جديدة هنا وسبب اشتراكى هو الاستاذ شريف خورشيد
وانا عارفة ان كلامى دة ممكن يزعل الاستاذ شريف منى 1- انا كنت احد تلامذة الاستاذ شريف فى الفوركس و الحمد لله هو السبب الرئيسى الا خلى حياتى ومستقبلى يتغير وكل بقوله لحضرتك ربنا يبارك فيك وفى صحتك ويديك على قد نيتك الحلوة الا للاسف بقت قليلة اوى فى وقتنا الحالى
2- ياجماعة الشخصية الا معاكوا دة رفض عرض وعروض من ناس تانية كتير عشان مكيتكبش فى المنتديات ولا يدى توصيات للناس وانا كنت شاهدة على الموضوع دة وربنا يحاسبنى على كلامى
والقصة بدات انى اشتغلت فى احد شركات الوساطة من فترة طويلة فى بداية طريقى للفوركس قسم التسويق وفى يوم من الايام سمعت مديرى متعصب وبيقول بالحرف الواحد الراجل دة هيخرب بيتنا وهيوقف حالنا وسمعت اسم الاستاذ شريف فى الموضوع وصممت اعرف ليه بيقولوا كدة ؟؟؟
عرفت انهم عرضوا عليه مبلغ كبير عشان ميكتبش فى المنتديات ولا يدى توصيات للناس بدون مقابل والحقيقة لما سمعت المبلغ بصراحة مصدقتش انه ممكن حد يرفضه لكن عرفت بعدها من ناس كتير اوى ان الاستاذ شريف كان يردد كلمة و عجبتنى وهى
" انا الا بعمل الفلوس مش الفلوس الا بتعملنى "
كل الا اقدر اقوله لحضرتك ربنا يبارك فيك لمساعدتك للناس دة والشباب الا فعلا محتاجين ناس زى حضرتك كتير ويارب يكتروا كمان وكمان عشان الامة الاسلامية تكبر
و اسمحلى انى اتابع حضرتك فى صمت ومتزعلش من كلامى لانى عارفة ان حضرتك مش بتحب حد يشكر فيك ولا بتحب الحجات دة بس دة الحقيقة وكان لازم اقولها
جزاك الله خير
اختك فى الله