رجاله الرحله الكرام
احنا اتفقنا ان الكافيه وقته للكلام و الدردشه و النقاش
و كمان للتسليه و الهزار و الضحك
و ده مش عيب و لا غلط
لازم نطلع من مود الشغل و الشارتات و نحاول نكون نفسيا كويسين عشان نعرف نكمل تعامل مع باقى الايام
ياريت يكون موضوع النقاش فى كده خلص و اتفاقنا كده
و بالتوفيق للجميع ان شاء الله
همسه صغيره : يا جماعه كل انسان فيه اللى مكفيه من المشاكل و الشغل نتمنى ان كل الاعضاء فى الرحله و الكافيه تسود بينهم روح المحبه اللى اتعودنا عليها و بنينا عليها الكافيه
اتفقنا يا رجاله
بسم الله الرحمن الرحيم
فى ناس كتير دخلت معانا فى الرحله جديده و طبعا الكل بيسأل عن النظام و عن الهدف اللى وصلنا له و التفاصيل
اهلا بيهم جميعا و بالتوفيق ان شاء الله
و ده مراجعه سريعه على الرحله اولا مواعيد التوصيه من الساعه 11.30 الى الساعه 12.30 مساءا بتوقيت القاهره ثانيا منصه التدوال المعتمده للرحله هى منصه FXDD يعني ده المنصه اللى بنقول عليها التوصيه و بنعتمد اذا كانت اتفعلت او لا و وصلت للهدف او لا و طبعا عشان الاسئله باقى الشركات بتفرق فى نقطه او اتنين يعني مش تشكل اي مشكله ان شاء الله ثالثا فى صفقه دولار فرانك موجوده مع الناس اللى متابعه الرحله من الاول و لسه حتى الان معانا
و ان شاء الله تقفل على خير رابعا فى المرفقات ملف اكسيل فيه كل الصفقات اللى دخلناها بتواريخها و اهدافها من اول يوم الى اخر يوم و الملف للمتابعه من الاعضاء و تكمله التسجيل فيه و اى معلومات عن الرحله موجوده فيه ان شاء الله
كل اللى على المشترك معانا انه يضع التوصيه فقط فى الملف و الملف هيحسب المجموع فى النقط و راس المال و زياده على راس المال الاساسي اللى هو 100 دولار خامسا احنا كلنا ماشين باستراتيجيتين الاولى الدعاء و الاستغفار و الثانيه الالتزام التام سادسا التوصيه بتكون فى موضوع مستقل و المتابعه او الاستفسار فى الكافيه
كده تقريبا ده باك تست سريع للشروط و طريقه العمل و اى سؤال انا موجود
و ان شاء الله اسبوع خير على الجميع و بدايه طيبه