• 9:10 مساءاً
logo




حكايتى انا وجدى

إضافة رد
عضو متألـّق
تاريخ التسجيل: Mar 2009
المشاركات: 4,662
معدل تقييم المستوى: 15
Standing is on a distinguished road
11 - 09 - 2010, 01:00 AM
  #1
Standing غير متواجد حالياً  
افتراضي حكايتى انا وجدى
إلحق قفاك يا معلم!!





[IMG]http://2.bp.*************/_tOZhhFxR2os/SQiyR0BYQCI/AAAAAAAAAEA/NJdTqTZY9g0/s320/el7ak+2afak.jpg[/IMG]

طبعا كل واحد اطمن وتمم على قفاه كويس أوي ؛ متخافوش دار الحاج سويلم أمان يا رجالة..وبعد الروشة اللي عملتهالكم دي أكيد بتسألوا نفسكم إيه (إلحق قفاك )دي؟!..طيب تعالوا أحكيلكم موضوع القفا وتلحقوه ليه..
قال خير اللهم اجعله خير كنت قاعدة مع جدي الطيب الأمير .. بنضرب كبايتين شاي ونبلع بفطير..وابتدى جدي يحكي تاريخه الخطير (شكلي كده هسجن جدي بعد هذا العمر الطويل)..قال ايه جدي كان شيوعي وثورجي قديم..المهم والقصد جدي قاللي موقف غريب بجد وخطير .. قاللي زمان قالوا الشيوعية بتساوي الغني بالفقير ..فقولت يبقى أنا شيوعي أكيد..وفي يوم كنت نازل من البيت أسد همام لا يهمني عسكري ولا أمباشي بمليون شريط و شايل شنطة منشورات و الأمن محاوط البيت (منشورات يا جدي ..آه يا قفايا.. يا ريتني ما حكيت)المهم كنت مرعوب بس ولا اتهزيت..وضحك جدي وبانوا أحلى سنان واقعيين.. قاللي تصدقي طلعوا مش جايين لي .. طلعوا جايين لجارنا أبو الغيط..وأخدنا بق شاي وسرحت في كلام جدي وفي شباب الجل والتنطيط ... يا ترى شباب الشات والديسكو وتقضية الصيف عوطلية في البيت وللا في مارينا مع البنات والتظبيط ممكن يحبوا التغيير أو يذاكروا ويشتغلوا بجد ويبقوا لينا فخر كبير؟؟؟
بس إزاي؟! .. إذا كان الواد حسن لما مسكوه مع البت سنية .. وما تبصوش كده مش هحكي مسكوهم ليه..قال إيه الشويش بيرفع أيده كده...راح حسن قايل حرمت يا بيه ؛ هقر بكل اللي تقولوا عليه..ههههه وقال ايه طلع الشويش بيرفع أيده يولع سيجارة للظابط أنور بيه .. أما نكته .. شوفوا حسن ممسوك في إيه وكان هيقر بأي شيء مقمش بيه..من رفعة أيد شويش ؛ أمال لو كان كف على قفا حسونة من مخبر قديم كان قال إيه؟!
عموما نظرا لوفرة المخبرين .. وأن أنور بيه مدمن سجاير متين.. ننصح حسونة وكل المقيمين من الشباب الحلوين يلبسوا قميص بكولة يغطي القفا ويبطلوا بقه سرمحة مع سنية في القناطر والبساتين ..
أما عني أنا وجدي فأكيد بعد كلامي ده مسجونين مسجونين .. يللا سلام بقه عشان ألحق أودع أهلي وألبس بنطلون وقميص قفاه طويل ( ماهو البنطلون للبنت سترة في حال زودوا عن القفيان وفكروا في المد على الرجلين) .. متنسونيش أنا وجدي ؛ وابقوا افتكرونا بحلاوة وعيش.

*منقول


التعديل الأخير تم بواسطة hames ; 28 - 11 - 2010 الساعة 02:49 AM
رد مع اقتباس



إضافة رد

أدوات الموضوع


جديد مواضيع استراحة بورصات

المواضيع المتشابهه
الموضوع كاتب الموضوع المنتدى مشاركات آخر مشاركة
الفوركس اقوى الاستراتيجيات حكايتي .... Elmahi منتدى تداول العملات العام 11 07 - 02 - 2010 06:13 PM
حكايتى مع الفوركس ahmed220022 منتدى تداول العملات العام 12 10 - 12 - 2009 02:47 PM


09:10 PM