اثبات مهنة الفوركس في البطاقة الشخصية

التوقيع

http://forum.borsaat.com/uploaded/229099_1402952573.jpg
اللهم اكفني بحلالك عن حرامك واغنني بفضلك عن من سواك:

الجواب بسيط ,,,
الفوركس يعتبر من التجارة الحرة او الاستثمار
ممكن تثبت انك تعمل بالفوركس وتطلب تحديد المهنة في هويتك
رجل اعمال

التوقيع

اخي الكريم اتشرف بردك ومتابعتك

رجاء ممكن التوضيح اكثر اطلب من مين؟

لانه في وزارة وفي القسم الي تابع ليه وفي نقابة التجارين الي المحاسبين تابعين ليها حيث اني محاسب
فيوجد اكثر من جهة رجاء لو توضح اكثر

التوقيع

http://forum.borsaat.com/uploaded/229099_1402952573.jpg
اللهم اكفني بحلالك عن حرامك واغنني بفضلك عن من سواك:

للأسف الفوركس غير مقنن لدينا فى مصر . حتى لو ربنا كارمك وسحبت مبلغ محترم على حسابك البنكى بتحتار علشان تسحبه وحصلت معايا . لان البنك لا يعترف بكونى مضارب فوركس .أو محلل فنى أو أيا كان المسمى لابد من التدقيق من أى جهه حصلت على المال وما المقابل .

وبرغم معرفتنا بالفوركس كمجال عمل من سنين فاتت الى انه الى الأن لا يعرفه الا قله قليله جدا جدا جدا فى المجتمع العربى بصفه عامه . ف أعتقد لا يعقل أن يكون هناك مهنه فى البطاقه الشخصيه اسمها مضارب او محلل فنى الا اذا كان هناك توعيه ومعرفه ومدارس لتدرس هذا العلم ونقابه للمضاربين مقننه وبشروط تضعها الحكومه .

الموضوع كبيييييييييييييييييييييييييييييييييييييييييييييييي يير .

شكرا لموضوعك ياغالى

التوقيع

اخي الكريم شكرا لمشاركتك
واتمني ردي لاي ختلف معاك الا في الصالح
عندنا في كل جامعات مصر يدرس كورسات للفوركس
وعندي في كلية تجارة مادة الاقتصاد يدرس فيها الفوركس بصورة نظرية
وعندك كل مكاتب الصرافة تتعامل وتربح من فروق الاسعار حتي البنوك
وفي البنوك نفسها يوجد غرف مغلقة للعاملين في ا لفوركس
اذا كيف لايكون شئ معترف به؟
انا عارف انك بتتكلم عن الوطن العربي كله بس انا مستغرب ازاي في مصر عندنا كل الوعي ده ومافيش اعتراف كامل بيه

اما موضوع السحب بفضل الله انا عمري ماواجهت اي مشاكل في السحب في بنك مصر
لانه في الايداع بكتب
الغرض من التحويل
استثمار خارجي بالعملة الصعبه
ودي كانت معلومة قالهالي مدير بنك مصر فرع محمد فريد يعني الفرع الاساسي لكل فروع بنك مصر في الجمهورية
وبالتالي ماحدش سالني من اين لك هذا سواء مبلغ كبر او صغير

اسف علي الاطالة واتمني نلاقي جواب

التوقيع

http://forum.borsaat.com/uploaded/229099_1402952573.jpg
اللهم اكفني بحلالك عن حرامك واغنني بفضلك عن من سواك:

×××

السلام عليكم و رحمة الله و بركاته,,,

بالنسبة لنا في الاردن
الفوركس مظلم,,,
القليل الذين يعرفون كلمة فوركس

ممكن يعرفوها لما تقول كلمة "بورصة"
لكنه ينظر لك و يذكر لك موضوع المكاتب لادارة الاموال التي أكلت اموال الشعب

لذلك ككلمة غير معروفة
فلا اعتقد نستطيع المضي قُدماً الا بمعرفة تلك التجارة لأكبر عدد ممكن من الشعب و الشعوب...


دمت كما تُحب...

التوقيع

إن سقطت سبعاً, فإنهض ثمانية

السلام عليكم ورحمة الله
اسمحولى اشارككم الرأى
على حد معلوماتى واحتكاكى بالسجلات المدنية مرات عديدة اما لاضافة مهنة او تغييرها وهكذا استخلصت الاتى :
مهنتك فى البطاقة او الهوية ايا كان نوعها يجب اعتمادها من جهة رسمية وده عشان مش اى حد يضع اى مهنة والدنيا تبوظ
فلو عايز تحط فى المهنة محاسب مثلا يطلب منك السجل المدنى اعتماد المهنة على نموذج استخراج البطاقة من نقابة التجاريين عشان يحطوا كلمة محاسب
طيب بالفرض انك غير منتمى للنقابة لاى سبب فى الحالة دى بيرفضوا وضع كلمة محاسب وبيحطوا اخر مؤهل حصلت عليه بعد تقديم ما يثبت ذلك يعنى يكتبوا فى البطاقة حاصل على بكالوريوس تجارة

المثال اللى انا ذكرته ده الهدف منه توضيح ان الفوركس ليس له معهد او كلية معتمدة تابعة لوزارة التعليم العالى وبالتالى ليس تابع لاى نقابة وطبعا الكورسات اللى موجودة بيتم تقديمها بشكل خاص فى مراكز خاصة وليست معاهد او كليات
معتمدة ومسجلة ومرخصة لتدريس الفوركس وانما ترخيصها بيكون كمراكز تقدم كورسات خاصة فى مجالات متنوعة وده يعنى انك لن تستطيع وضع لقب متاجر فوركس مثلا باى حال من الاحوال مهما حولت من مبالغ بالعملة الصعبة داخل البلاد
وبعدين ايه رايك فى الناس اللى فاتحين حسابات بيتم ادارتها من قبل محترفين واصحاب الحسابات بيستقبلوا تحويلات كبيرة كل شهر
هل هذا يعنى انهم متاجرين فوركس ؟...بالطبع لا ..لانهم فى الحقيقة مستثمرين من اصحاب رؤوس الاموال

ارجو ان اكون قد اضفت شىء

همسة :
خليك كده احسن لانه اى تقنين لتجارة الفوركس معناه تحصيل ضرائب من المضاربين ولان حكومتنا فى مصر استاذة وخبيرة فى اتاوة الضرائب فساعتها حيخصموا الضرائب من المنبع عن طريق البنوك يعنى محدش حيعرف يفلفص

السلام عليكم ور حمة الله وبركاتو
اولا احب اوضح حاجة ان تجارة الفوركس ممنوعة فى مصر بسبب هجرة الدولار او العملة الصعبة يعنى مصر مش معترفة بالفوركس اصلا على شان تكتبها فى البطاقة لازم تستنا سنة3000 على الاقل
يعنى الاحسن تخليها فى سرك

و عليكم السلام و رحمة الله و بركاته

اتذكر اني كنت في كافيه و كان معي اخوة مهتمين بالفوركس ، و عندما طلبنا المشروبات - قال اخ عزيز للجرسون - عندك عصير فوركس ؟

رد عليه في كلمتين - و الله يا باشا ماعندناش الحاجات دي

الفوركس اساسا غير معروف ، ما بالك بإضافته كمهنة في البطاقة الشخصية ولا الاجراءات و الروتين في مصر - فلا اظن انه امر سهل ان تضيف الفوركس كمهنة في البطاقة الشخصية .

التوقيع

حلم المليون

كلام مظبوط لازم الموضوع ينتشر وهو بالفعل عندنا في مصر ابتدي في الانتشار

اخي الكريم اشكرك لردك
بس حابب اوضح نقطتين
اولا في نقابة للتجارين ولاكن ليس يوجد وزارة للتجارين
مابالك يوجد وزارة للاستثمار ولا يوجد نقابة للمستثمرين زي حالاتنا في الفوركس؟
ايهم اقوي ؟
الامر الثاني موضوع الضرائب لايوجد ضرائب علينا باي حال من الاحوال وتقدر تسال اي محاسب قانوني اومحامي
لان الرد الطبيعي بتاعهم كان
تعريف كلمة الضرائب
هو مبلغ من المال يفرض علي كل مصري او اجنبي يزاول احد المهن او المشاريع التي تعود بربح داخل الحدود المصرية
فهل انا ادير مشروع داخل مصر؟
انا استثماري كله برة البلد والعائد بستفيد بيه في بلدي
والبلد الي فيها الاستثمار ليها الحق انها تخصم ضرائب عليك وبالفعل في عمولات بتتخصم من السحوبات الناس ماتعرفش هي بتروح فين انما لو سالت صح في بعض الشركات في بعض الدول بتخصم ضرائب عليك برة قبل السحب مايوصلك مصر
وبالتالي بلدنا ماتقدرش تخصم ضرائب
وللعلم في البلاد الاجنبية كلمة
forex trader
معترف بيها في اي حاجة رسمية
والدليل علي كده افتح حساب حقيقي في اي شركة من الشركات الكبيرة الي بتدقق في الاوراق الرسمية
واكتب مكان المهنة
forex trader

هايقبلوا الورق عادي جدا انما لو كتبت اي مهنة تاني هايتصلوا بيك ويقولولك المبلغ الايداع من اين لك
ودي حصلت معايا في شركة وندسور وفي شركة
fxcm
من سنتين او ثلاث سنوات تقريبا

اسف علي الاطالة انا نسيت نفسي في الكلام

علي فكرة انا من يومين ماضحكتش
بجد انت زي العسل
وهاجربها في اقرب مرة اروح اقعد علي كافيه

3000 مش كثير؟

التوقيع

http://forum.borsaat.com/uploaded/229099_1402952573.jpg
اللهم اكفني بحلالك عن حرامك واغنني بفضلك عن من سواك: