• 8:36 صباحاً
logo




ايهاب ماجد : علشان بكره وبعده

إضافة رد
عضو فـعّـال
تاريخ التسجيل: Jun 2009
المشاركات: 1,600
معدل تقييم المستوى: 12
حسااام is on a distinguished road
22 - 01 - 2011, 06:30 PM
  #1
حسااام غير متواجد حالياً  
افتراضي ايهاب ماجد : علشان بكره وبعده


قولى ايه هيبقى حالك بعد 5 سنين ؟ هيكون مين معارفك بعد 5 سنين ؟ هيبقى ايه وزنك بعد 5 سنين ؟ هيبقى ايه مرتبك بعد 5 سنين ؟ هتسكن فين بعد 5 سنين ؟ ...... طبعاً انت هتقولى " دى حاجة فى علم الله ، هقولك طبعاً ربنا عارف .
طيب قولى هتصيف فين الصيف اللى جاى ؟ هتعمل ايه الاسبوع اللى جاى ؟ هتعمل ايه بكره ؟ هتعمل ايه بعد متخلص المقالة دى ؟
اكيد أجابتك اختلفت المرة دى ، اكيد عندك ولو فكرة بسيطة عن المكان اللى هتصيف فيه وعن اللى هتعمله بكره وعن اللى هتعمله بعد متخلص قراءة ! صح ! مع ان كل الاسئلة دى اجابتها فى المستقبل وكله برضه فى علم الله ولكنك شبه متأكد من الحاجات اللى هتعملها فى المستقبل القريب !
لو نفسك يكون وزنك مثالى بعد 5 سنين ،
وتكون علاقاتك على أعلى مستوى ،
وتكون خبير فى مجال معين،
ويكون مرتبك 5000 دولار فى الشهر .
ايه اللى انت بتعمله النهارده وبكره وبعده علشان توصل للى انت بتحلم بيه ؟
خلينا نتكلم عن مرتبك بعد 5 سنين كمثال يمكن تطبيقه على كل حاجة تانية انت عاوزها فى حياتك ، مثلاً لو عاوز مرتبك بعد 5 سنين يكون 5000 دولار، المرتب ده ما هو إلا نتيجة او محصلة لمجموعة كتيييرة من العوامل والعناصر اللى بتتفاعل مع بعضها البعض فى معادلة معقدة جداً ومرتبطة ببعضها بشكل يصعب معرفة الحدود الفاصلة بين تلك العناصر والعوامل ."ركز معاى و أقرأها تانى "
خلينى أبسطها اكتر من كده علشان تأخد مرتب 5000 دولار لازم تكون عندك معرفة متخصصة فى مجال معين ( مثلاً التسويق ، خدمة عملاء ، ميكانيكا ، سكرتارية ، كهرباء ، إدارة ، ......الخ ) وبتعرف تتعامل مع الناس بمختلف ثقافتهم ، وتعرف تشتغل فى فريق عمل وتعرف كمان تشتغل لوحدك وتعرف تشتغل تحت ضغط وتعرف تدير وقتك بفاعلية وبتعرف تتعامل مع المشكلات اللى ممكن تواجهك وتعرف تأخذ قرار وتكون منظم ودقيق وغيره كتير من العناصر والعوامل اللى هتخليك فى الأخر تقبض وتستحق تأخد 5000 دولار ، طيب كل الحاجات والمهارات دى هتتعلمها بعد انقضاء ال 5 سنين ولا من دلوقتى ؟
طيب ايه اللى انت بتعمله النهارده علشان بكره وبعده ، ايه المجهود المبذول المقصود المنتظم المستمر اللى انت بتعمله من النهارده علشان تكون خبير فى مجال معين بعد 5 سنين ، ايه المجهود المبذول المنتظم المستمر اللى انت بتعمله من النهارده علشان يكون
مرتبك 5000 دولار بعد 5 سنين، ايه المجهود المبذول المقصود المنتظم المستمر اللى انت بتعمله علشان تحصل على وزن مثالى بعد 5 سنين ؟
من الأخر علشان تعرف ترد على الاسئلة الاولى لازم يكون عندك هدف واضح ومحدد واتجاه تتجه ناحيته وتقوم وتعمل مجهود منتظم
مستمر مقصود ومقصود هنا معناها انت محدد هتعمل ايه بالضبط وهتعمله امتى وازاى هتعمله ومستمر معناه مستمر فى كل الاحوال
حتى لو الظروف مش سامحة حتى لو ملكش مزاج هتستمر ومنظم معناه يكون منظم بوقت وتاريخ محدد وليس بشكل عشوائى .
ابحث وركز و اعمل كل حاجة ممكن تعملها النهارده علشان بكره وبعده
واشوفك المرة الجاية وحياتك لسه فيها أكتر


[عذراً, فقط الأعضاء يمكنهم مشاهدة الروابط ]




منقول

التعديل الأخير تم بواسطة hames ; 13 - 02 - 2011 الساعة 09:29 PM
رد مع اقتباس


عضو الماسي
 
تاريخ التسجيل: Jan 2010
المشاركات: 37,809
معدل تقييم المستوى: 47
محمد حمدى ناصف is on a distinguished road
افتراضي رد: ايهاب ماجد : علشان بكره وبعده
2#
23 - 09 - 2015, 10:49 AM
جزاكم الله خيرا

ودى واحترامى



سبحان الله وبحمده سبحان الله العظيم
بعدد خلقه وزنة عرشه ورضا نفسه ومداد كلماته
محمد حمدى ناصف غير متواجد حالياً  
رد مع اقتباس


إضافة رد

أدوات الموضوع


جديد مواضيع استراحة بورصات

المواضيع المتشابهه
الموضوع كاتب الموضوع المنتدى مشاركات آخر مشاركة
شكل الحياة قبل الزواج وبعده linker استراحة بورصات 0 13 - 09 - 2009 02:50 AM


08:36 AM