• 2:53 مساءاً
logo




إهداء لكل خائنة .... ثلاث سنين

إضافة رد
عضو برونزي
تاريخ التسجيل: Oct 2008
المشاركات: 2,169
معدل تقييم المستوى: 14
Light is on a distinguished road
04 - 04 - 2009, 02:00 AM
  #1
Light غير متواجد حالياً  
افتراضي إهداء لكل خائنة .... ثلاث سنين
.

قصيدهـ للشاعر الإماراتي فهد بن معتوق

[ ثلاث سنين يأبو سعود ]

آهااااااااااااااااااااات ...


..





ثلاث سنين انا اخطط لهذا اليوم يابو سعود
تيسر حـالي وجاهـز اوفي وعـدي بوقته

وفجاءة جتني تتعذر تـقول تأخرت الوعود
وانا مسـتغرب واسمع كـأني وعدها خنته


حسبت انها تمازحني وتتصنـع جفا وصدود
ضحكت بوجهها من قلب معنها بايخه النكته
وقالت ارضى بالوقع قلبي مـاهو بالمعهود
تغير كل شي صوبك نصـيبي ما اظـن انته


كنت بيوم محبوبـي لكـن ماظـن نعود
وصل من قبل ما توصل وانا ذاك الصبر عفته
ولكن تكفى صدقني ويشهد ربي المعبود
ترى ما ختنك بغفله ولا كلمته وشفته


بصراحه اهلي قالولي انه ولد اصل وجود
وجتني امه بالصوره وبكلمات المدح اخته
سكت وقلت هي فرصه مدام الجود بالموجود
وقالوا كل من حولي علامات الرضى سكته


وانا فكرت مدام امه واخته ماعليهم زود
اكيد اني براضيهم اذا وافقت واخترته
واراضي اهلي واخواني مدام الفرح مقصود
عطيت الناس انا كلمه ومعاهم وقت حددته


ولا اقدر اغيرها ترى عند العرب منقود
اوافق واعتذر باجر واقول الراي غيرته
تبي تشرحلي المنقود تصدق عاد يا بو سعود
تبيني اقتنع وارضى بحال عمري ماعشته


انا ماني بقايلها عسى يفرش ثراها ورود
بعد ماحطمت قلبي وطعم الموت جربته
عسى بفستانها اشواك وبثوبه عقارب سود
ونارن تحرق الكوشه وتحرق بيتهم حته


وموت بليله الدخله يبرد حرتي يا كود
ولا احس انها بحظنه يلامس خد لامسته
علي اهون اذا ماتوا ولا في بفس السرير رقود
ترى صعب علي اتخيل الي ما تخيلته


عسى قاع الثرى يقسى ويتحول صخر جلمود
وحفار القبر يرفض يسوي فوق مقدرتة
ترا دفنت عديل الذات تلوع حتى جبد الدود
ومن خان العهود ومات تعافه حته مقبرته


عسى ربي يجازيهم حبل من مسد مدود
يعلقهم من اطرافه وفوقه نار وتحته
انا ماني حقود وشين ولاني من نسل منبود
ومن حط نفسه بوضعي يقول الي انا قلته


مدام الفعل له ردت فعل والله ابشري بردود
بدعي دام اني حي وابغرس بالدعا نبته
وبسيقها نزيف القلب ودمعن مارحم الخدود
وتكبر والثمر ثاري من الي خانني وصنته


انا نذرن علي اكتب وافجر القصيد رعود
واسمع كل البشر صوتي عجبته ولا زعلته
واردد للي يسمعني اذا حبيت حط حدود
انا حبيت دون حدود وشوف الي تكبته


ثلاث اسنين وانا ابني وجت صوره بكل برود
وخذت مني شقا عمري وحلم قلت حققته
ثلاث سنين وانا اخطط لهذا اليوم يابوسعود
توافق من كلام اخته وصورة اربع بسته
رد مع اقتباس


عضو الماسي
 
تاريخ التسجيل: Jan 2010
المشاركات: 37,809
معدل تقييم المستوى: 48
محمد حمدى ناصف is on a distinguished road
افتراضي رد: إهداء لكل خائنة .... ثلاث سنين
2#
23 - 12 - 2015, 03:52 PM
جزاكم الله خيرا

ودى واحترامى



سبحان الله وبحمده سبحان الله العظيم
بعدد خلقه وزنة عرشه ورضا نفسه ومداد كلماته
محمد حمدى ناصف غير متواجد حالياً  
رد مع اقتباس


إضافة رد

أدوات الموضوع


جديد مواضيع استراحة بورصات


02:53 PM