اقتباس:
المشاركة الأصلية كتبت بواسطة forexssp
السلام عليكم اين اجد الطريقة النهائة التي تم التوصل اليها
اقتباس:
المشاركة الأصلية كتبت بواسطة amjadona1
الدمج بين التوليفتين
الان ابغاكم ياشباب ترجعو لصفحة 96 وتشوفو االصورتين الموجودة للباوند على التوليفتين وتقرو الشرح اللي شرحتو للأخ كتيبة عشان تفهمو الدمج بين التوليفتين وللمعلومية راح ارجع اعيد اشرح طريقة الدمج مرة اخرى بس الان ابغاكم تستفيدو من الحالة هذي اللي سارت على الباوند واللي انا شايف فيها اشياء كثير تخص التوليفتين وراح تعرفو طبعا ليش الباوند ارتد بعد ماوصل حد البولنجر السفلي
اوكي عزيزي راح امشي معاك خطوة خطوة وراح اشرحلك على التوليفتين الأولى والثانية شوف ياعزيزي الان في التوليفة الجديدة في يوم الجمعة خط ال 7 اخترق خط ال 14 ووصل السعر الى خط ال 21 ثم قام خط ال 7 بإختراق خط ال 21 ووصل السعر الى الدعوم المتلاصقة وهيا ال 100 وال 200 وال 1000 طيب عشان السعر يهبط ويوصل للقاع 5950 لازم يتحقق شرط واحد على الأقل وهو اما اختراق خط ال 7 للخطوط ال100 وال200 وال 1000 او اختراق الخطين ال 7 وال 21 للخطوط السابقة ال 100 وال 200 وال 1000 وهنا في هذي الحالة نقول للباوند شكرا لك على هذا الهبوط مادام الإختراق النهائي ماتم وماحصل عشان يهبط الباوند للقاع هذا الكلام الان خاص بالتوليفة الجديدة
طيب نجي الان للتوليفة القديمة ايش اللي سار قدامك السعر هبط قدامك الى ان وصل ال خط ال 55 وال 65 وفي نفس الوقت وصل الى قاع البولنجر باند طيب تعال نشوف ايش وضع الخطوط راح نلاقي ان ترتيبها ترتيب صعود من تحت لفوق الترتيب كالاتي 65 وبعدين 55 وبعدين 30 وبعدين 9 وطبعا زي ماانت شايف قدامك خط ال 9 مااخترق خط ال 30 يعني ماسار عندي كسر ترند حقيقي ورئيسي ورسمي للباوند فكيف نبغى الباوند يهبط الى القاع الموجود في المنصة صعب جدا يهبط مادام ماحصل كسر الترند يعني بالعربي اللي كان داخل بيع في صفقة الباوند المفروض يقفلها بمجرد ماالسعر وصل لحد البولنجر باند او وصل للدعوم الموجودة في التوليفتين ويقعد ينتظر ويراقب ويشوف ويشاهد هل خط ال 7 راح يخترق كل الدعوم اللي ذكرناها او هل خط ال 7 وال 21 راح يخترقو الدعوم اللي ذكرناها عشان الباوند يواصل الهبوط هذا بالنسبة للتوليفة الجديدة لكن بالنسبة للتوليفة القديمة نراقب هل خط ال 9 راح يخترق خط ال 30 ومن بعدها يخترق خط ال 55 وال 65 ومن بعدها يخترق خط ال 30 الخطين ال 55 وال 65 عشان نقدر نوصل للقاع كل هذا الكلام ماسار وماحصل فكان القاع حق البولنجر باند افضل منطقة شراء للباوند خصوصا انها قفلت قدامك شمعة زرقة مليانة وطويلة بعد الشمعة الحمرة وكان اقفالها عند 6056 فوق خط ال 55 وال 65 ممايدعم صعود الباوند وبقوة يعني بالعربي اللي سار على الباوند بالزبط هو نفسه اللي سار على اليورو لمن هبط بعد مالامس حد البولنجر العلوي ونفس اللي حصل على الدولار كندي بعد مالامس حد البولنجر العلوي بس المرة هذي كانت الصفقة صعود للباوند وفي اليورو والكندي كانت هبوط ولا كل الشروط تعتبر نفسها اتمنى انك تكون فهمت شرحي ولو مافهمت اي نقطة انا تحت امرك مستعد اشرح لك من جديد