اقتباس:
المشاركة الأصلية كتبت بواسطة amjadona1
ماهو سبب ارتداد الأسترالي نيوزلندي امس ؟الرجاء قراءة الموضوع لأنه مهم جدا جدا السلام عليكم ورحمة الله وبركاته كيف حالكم ياشباب ايش اخباركم عساكم طيبين كيف اموركم وكيف الأرباح معاكم اتمنى انكم تكونو بخير ومبسوطين وبصحة وسلامة طبعا كل الشباب تسائلو ليش الأسترالي نيوزلندي ارتد على الرغم من ان كل الشروط كانت مكتملة في الحقيقة وابغاكم تركزو معايا شويا الله يعطيكم العافية لو تتذكرو في احد المشاركات السابقة قلت ان العمل يكون على فريم الساعة 5 ايام والساعة يومين لمن شرحت استراتيجية المتعثرين لو كان تفتكرو وقلت في مشاركتي والهدف من الساعة يومين هو معرفة الدعوم والمقاومات وقلت في نفس الوقت واللي فيكم مايبغى يشتغل على الساعة يومين يشتغل على الساعة 5 ايام فقط ولكن اللي اتضحلي الان شي مهم جدا جدا جدا واتمنى تركزو فيه امس اللي سار واللي حصل ان الأسترالي نيوزلندي كان مكتمل الشروط على فريم الساعة 5 ايام لكن على فريم الساعة يومين كان في قاع وكان السعر قاعد يلامس 3 دعوم وهيا خط ال 100 وال 200 وال 1000 وكان خط ال 21 مخترق خط ال 100 فقط وفشل في اختراق خط ال 200 وال 1000 مما ادى وبشكل طبيعي الى ارتداد السعر اكثر من 200 نقطة على الرغم من اكتمال الشروط على فريم الساعة 5 ايام الا ان الهبوط المتوقع لم يتم بسبب عدم اكتمال الشروط على فريم الساعة يومين ومن هنا نستنتج التالي بالنسبة للأخوان اللي يحبو يشتغلو على فريم الساعة 5 ايام لازم لازم لازم وضروري جدا جدا ان الشروط تكون مكتملة كمان على فريم الساعة يومين ولا احد يتهاون في المسئلة هذي الله يرضى عليكم ويستر عليكم ثانيا اكتشفت حاجة جدا جدا جدا حلوة وجميلة ورائعة وهيا ان فريم الساعة يومين ممكن تتوفر فيه فرص ونقدر نستغلها بشكل ممتاز ولكن لازم نكون محترفين في الخروج من الصفقة على سبيل المثال الباوند استرالي هبط امس على فريم الساعة يومين اكثر من 100 نقطة والسبب هو اكتمال شروط الإختراق والهدف كان القاع اللي امامنا في فريم الساعة يومين او نروح نشوف فريم الساعة 5 ايام راح نلاقي ان القاع اللي هو اصلا على فريم الساعة يومين هو نفسه خط ال 200 على فريم الساعة 5 ايام يعني كان بإمكاننا ندخل في الصفقة بيع ونخلي الهدف القاع او نروح نشوف اقرب دعم ممكن السعر يرتد منه اللي هو خط ال 200 ونقفل الصفقة على طول طيب ايش نستفيد الان من هذا الكلام اللي نستفيد منه اننا من بعد اليوم مانفوت فريم الساعة يومين ابدا ولمن نجي ندخل في اي صفقة نشوف وضعها على فريم الساعة يومين وعلى فريم الساعة 5 ايام وبعدين ندخل في الصفقة ولو مااكتملت الشروط على احد الفريمات ماندخل في الصفقة ابدا ابدا عشان لايسير فينا نفس اللي سار في الأسترالي نيوزلندي بمعنى لو احد امس شاف الأسترالي نيوزلندي على فريم الساعة 5 ايام على طول راح يقول الصفقة بيع بيع بدون نقاش لكن لو انتقلنا على فريم الساعة يومين الصفقة كانت غير واضحة لاهي بيع ولاهي شراء بدليل انحصار السعر في منطقة معينة لمدة 6 ساعات لأن الشروط حقت البيع من ناحية اختراق خط ال 21 لجميع الخطوط مااكتملت على فريم الساعة يومين وفي نفس الوقت مااكتلمت شروط الشراء الا بعد صلاة الظهر لمن اخترق خط ال 21 خط ال 100 من تحت لفوق فوقتها صعد السعر زي ماشفتو 200 نقطة وياخسارة اننا مااستغليناها كصفقة شراء لكن معليش راح اعوضكم غيرها وغيرها ان شاء الله شباب انا مقتنع بالإستراتيجية انها جدا جدا قوية وناجحة وحلوة ورهيبة بس يبغالها شوية تركيز وهذا الكلام خاص للأخوان اللي راح يشتغلو على فريم الساعة لكن اللي يحب يشتغل على فريم الربع ساعة ينسى كل الكلام السابق لأنه غير مهم ابدا بالنسبة له قد يكون المهم فيه هو فقط تحديد الأهداف من خلال الخطوط الموجودة على فريم الساعة يومين وعلى فريم الساعة 5 ايام وسلامتكم يعني لااحد فيكم يقول ان الإستراتيجية ناجحة مع عملات وفاشلة مع عملات او ممكن تنجح مرة وممكن تفشل مرة لا ياشباب الإستراتيجية ناجحة ان شاء الله مليون في المية ولكن كل دقة بتعليمة يعني نخلي شغلنا بروفيشينال ونتابع كل الفريمات الساعة يومين والساعة 5 ايام وبعدها ندخل في الصفقة واي سؤال واي استفسار انا تحت امركم بس لاتنسو تستغلو فريم الساعة يومين ترى فيه فرص جدا جدا حلوة نقدر نستغلها حتى مع عدم اكتمال الشروط على فريم الساعة 5 ايام يعني زي امس خط ال 21 اخترق خط ال 100 في الباوند استرالي على فريم الساعة 5 ايام وفي نفس الوقت خط ال 21 اخترق جميع الخطوط على فريم الساعة يومين بالعقل كذا فين راح يكون الهدف اكيد القاع اللي قدامك على فريم الساعة يومين او خط ال 200 على فريم الساعة 5 ايام فهيا الشغلة يبغالها تشغيل مخ شويا ومهي محتاجة ذكاء محتاجة فقط انكم تركزو وربي ان شاء الله يرزقنا اجمعين 
شكراً للأستاذ أمجد على هذا الشرح الطوييييييييييل
لكن تريد مني أقولك كيف كلامك هذا يترسخ بالذهن؟
لازم تطبيقات عملية لايف حتى نشوف ونقارن ونفهم
وشكراً
رد: توليفة رائعة
المواضيع المتشابهه 
72Likes