الله يــخـرب بيــت الــطــمــع

مارجن كول

اكبر صدمة يتلقاها المضارب فى الفوريكس

مجرد الخسارة سواء كبيرة او صغيرة ايضا تسبب الصدمات
وما اكثر الخسارة فى الفوريكس

اسباب الخسارة كثيرة جدا
ولكن

المصدر الاساسى الذى يفرز هذه الاسباب هو مصدر واحد فقط
اكبر واقوى عدو لمضارب الفوريكس

نعم اتحدى ان يخسر احد خسارة كبيرة ويكون لها سبب غير الطمع

واحد يقولى : لا ياعم فى اسباب كثيرة غير الطمع

ارد انا عليه واقوله : طب تعالى مع بعض نشوف السبب الحقيقى

وسأعطى الامثلة على مضارب رأس ماله 700 $

مثال 1

انا خسرت علشان دخلت صفقة كنت واثق 100% منها بس للاسف عكست عليا ولم تمشى مع التحليل الفنى

عادى ايه المشكلة لو كنت دخلتها بلوت قليل 10 او 20 سنت للنقطة وملتزم بالاستوب كنت هتخسر 3 او 4 دولار

بس حضرتك دخلتها بلوت 3 دولار للنقطة والسعر عكس عليك وعلشان اللوت كبير حضرتك خفت تغلقها لان الخسارة كانت كبيرة

وفضلت تخاف والسعر يعكس اكتر واكتر لحد لما وصلت للمرجن كول
اذن السبب الحقيقى ان التحليل كان غلط ولا علشان سيادتك طمعت ؟

مثال 2

انا اغلقت الصفقات على مكسب قليل او على خسارة قليلة علشان خفت السعر يعكس عليا

اولا : اغلاق الصفقات على مكسب قليل غير الذى كنت تريد تحقيقة لايعتبر خسارة ابدا

مادمت اغلقت الصفقات والنتيجة رقم موجب اذن مبروك

ثانيا : انت اغلقت الصفقات على خسارة قليلة لانك كنت خائف من انعكاس السعر

وحضرتك كنت خائف من انعكاس السعر على الرغم من تأكدك من الصفقة لانك دخلتها بلوت عالى جدا ولو كنت دخلتها بلوت صغير مكنتش هتخاف ... اذن مكنتش هتغلقها

اذن انت اغلقت الصفقة بسبب الخوف الذى نتج عن طمعك اولا

مثال 3

انا خسرت فلوسى بسبب دخولى على فجوة و المفروض الفجوة بتتسد على طول لكنها وسعت جامد وبالتالى خسرت وده حاجة مش فى ايدى

طبعا تعتبر الفجوات من اكثر الاسباب التى يخسربسببها المضاربون
لانهم بيخشوا عليها وكلهم ثقه انها هتغلق فورا

وطبعا عندما يجد المضارب صفقة عالية الثقة فى الربح بيدخلها بلوت عالى ويحصل المعتاد اللى انتوا عارفينه

لو انه صبر عليها وخش نام وصحا اليوم التالى ووجدها وسعت 200 نقطة مثلا ساعتها كان يخش بس برضه بعقل ومن غير طمع
واى لوت قليل مع مكسب 200 نقطة يعتبر هائل وجيد

مثال 4

الدخول على الاخبار

يحب معظم المضاربين وبالذات المبتدئين الدخول على الاخبار لسرعة المكسب وطبعا بيخش بلوت عالى

لكن زى مالخبر سريع وكبير المكسب فهو ايضا سريع وكبير الخسارة

والدخول بلوت عالى يجعل المضارب حساس جدا نحو اى انعكاس للسعر ويغلق الصفقة بدون تفكير لو وجد السالب كبير

يا عم خش على الخبر بس بلوت قليل واربح مكسب سريع ولكن قليل

لكن تقول ايه على الطمع !!

مثال 5

مضارب مش عارف ينام ويتقلب يمين وشمال على السرير وبعديها يقوم يجلس على الكمبيوتر ويفضل طول الليل على كده
ربع ساعة فى السرير وربع ساعة على الكمبيوتر
علشان داخل صفقة مهمة

لكن هوه مش عارف ينام علشان الصفقة داخلها بلوت عالى علشان كده قلقان

لكن لو داخلها بلوت قليل هيخش ينام ومش هتفرق معاه


مش الخوف لان الخوف نتيجة الطمع

واحد يقول انا مشكلتى انى لا التزم

انت لم تلتزم بالاسلوب لانك طمعت فى مكسب اكثر

واحد يقول انا فتحت الصفقة بدرى شوية

انت فتحتها بدرى لانك طمعت فى نقاط اكثر

واحد بيجرب كل شهر استراتيجية مع ان الاستراتيجية التى شغال عليها تعطيه 20 صفقة رابحة من كل 25 صفقة

يعنى خسر 5 صفقات فقط لكن صفقة من الخمسة كانت خسارتها كبيرة وتقريبا اخذت مكسب ال20 صفقة الرابحة

بس اتضايق من الاستراتيجية وقرر يغيرها

مع ان العيب فى طمعه وليس الاستراتيجية

يعنى هوه مثلا هيجد استراتيجية تعطيه ربح لجميع الصفقات !!

واخيرا

مشكلة المضارب مثل مشكلة البعيد عن الله

فالبعيد عن الله يجد نفسه مكتئبا وزهقان وقرفان فيبحث عن الحل فى جميع الاشياء

يغير اصحابه

يعرف بنات جديده

يخرج على طول فى فسح

يلعب حديد او حتى فى مناخيره

يشرب حشيش واى حاجة تانية

يغير من تسريحة شعره وممكن يغير من شغلة

مع ان الحل معروف وهو القرب من الله وغسل القلب من المعاصى

المضارب برضه كده

يغير من اسلوبه

يغير من الاستراتيجيات

يغير المنتدى

مرة يفتح حساب ب 500 $ ومرة ب 3000$

يغير من الازواج الذى يعمل عليها

يغير من اسلوبه فى التحليل الفنى

مع ان الحل معروف

ان يبتعد عن الطمع

واخيرا كنت احب انى فى اخر الموضوع ان اقول على حل لهذه المشكلة وكيف نسيطر على الطمع فلم اجد الا حل واحد لا ثانى له

اللهم اغننا بالرضا
وجزاكم الله خيرا اخى

التوقيع

آي و الله صدقت يا أخوي الطمع هو العدو الأول للمضارب بكل قسوة

السلام عليكم
مشكلة الخسارة فى الفوركس
هو الطهور وليس الطمع
الانسان بطبعه طماع
المشكلة فى الطهور ودخول صفقات خطا
السوق ياصاعد ياهابط يا متذبذب
المشكلة هنا كيف تعرف الى اين يذهب السوق
طيب فى حاجة مهمة جدا
ان كل زواج عملة يتكون من عملتين كل عملة منهم لها بلد واقتصاد
فى حاجة اسمها قوة العملة
انا بعمل حاجة حلوة
بشوف اضعف عملة واحدة مع اقوى عملة واحدة
مثلا
عندى اليورو .... الدولار ... الباوند .... الين .. الفرنك .. الاسترالى ... الكندى
اتابع التحليل الاساسى
واشوف مؤشر قوة العملة
واختار اقوة عملة ضد اضعف عملة
يعنى مثلا اليورو اقوى ما فى المجموعه و الفرنك اضعف ما فى المجموعة
ادخل الصفقة بحجم لوت مناسب مع راس المال ولا اطهور
واحدد ربح معين مثلا 20 الى 30 نقطة
واقول الى السوق شكرا والى اللقاء غدا
وافعل نفس الطريق
وان شاء الله لايوجد خسائر
المهم الثقة فى النفس
شكرا الى صاحب الموضوع الذى سمح لى ان اكتب هذا
شكرا لكم جميعا واتمنا لكم التوفيق والنجاج

صدقت أخي الطمع من أسوأ ما يواجه المتاجر بصفة عامة
لكن أيضا الخوف أحيانا لا يقل سوء
الأهم هو إدارة رأس المال
تحياتي وتقديري

التوقيع

والله يا باشا دى المفروض اول حاجة بتعلمها المضارب بس برضوا مبقدرش عليها
تحياتى لك

التوقيع

شكرا لمروركم ومنورين الموضوع

السلام عليكم
اخي الكريم فعلا كلامك صحيح لان الطمع هو الخصم الوحيد لديك في تجارة الفوركس وفي حياتك عام
والف شكر علي الموضوع تعرفي اخي انا من وجهة نظري ان حل الطمع هو انك يجب ان تكون الفكرة دايما في بالك
ها اقولك مثل
انا كنت بشحن رصيدي ب 20 دولار
وبدخل صفقات بلوت قليل جدا علي حسب راس مالي وباجي في اسبوع بلقي راس مالي كبر وبحسبها بلقي اني لو فضلت كدة كل شهر ها القي المحصلة كويسة
بس المشكلة اني اجي في يوم اللي صفقة واثق من التحليل فيها ادخل بلوت كبير جدا يعكس السعر عليا ادخل مضعفات وبلوت اكبر وبردو السعر يعكس عليا لحد ما راس المال يعني انا جات وصلت ال 20 دولار دولا في اقل من شهر الي 100 دولار وفي يومين راح 100 دولار ودا من الطمع
واجي واقول انا سبب خسرتي الطمع واول ما اتاجر ها ابعد عن الطمع وفعلا اول ما اتاجر احرص بس وقت وبيروح ويرجع الطمع تاني يسيطر
وشكرا ليك علي الموضوع الجميل

التوقيع

'' اللهم إني أسالك إيمانا دائما وأسألك قلبا خاشعا وأسألك علما نافعا وأسألك يقينا صادقا وأسألك دينا قيما وأسألك العافية من كل بلية '
دعاء دخول السوق
لا إله إلا الله وحده لا شريك له له الملك وله الحمد يحي ويميت وهو حي لايموت بيده الخير وهو على كل شئ قدير
{الحمدلله الذي تواضع كل شيء لعظمته}
{الحمدلله الذي استسلم كل شيء لقدرته}
{الحمدلله الذي ذل كل شيء لعزته}
{الحمدلله الذي خضع كل شيء لملكه}

موضوع أكثر من رائع

يجب علي الإدارة تثبيته لأهميته

بالتوفيق

لقد أصبتَ كبد الحقيقة!

ولا يدرك عمق هذا الكلام إلا من اكتوى بنار الطمع!

بارك الله فيك..