رد: طريقتى رقمية .. والاومر معلقة
اقتباس:
المشاركة الأصلية كتبت بواسطة kilioo
ان شاء الله ما فيش توهان ولا حاجة مع شوية تركيز .. وربما يكون الشرح غير واضح منى لكن نشرحها بطريقة تانية
احنا لما نبيع من الزاوية 180 فوق الافتتاح يكون هدفنا الزاوية 135 فوق الافتتاح
ولما نشترى من الزاوية 180 تحت الافتتاح يكون هدفنا الزاوية 135 تحت الافتتاح
وتقدر تراجع الكلام ده على الشارت اللى فى المشاركة قبل مشاركة حضرتك مباشرة وشارت شرح الطريقة ببدايه الموضوع وشارت اول امر للاسبوع الماضى
-------------------
تصحيح ثانى : الاوامر اليومية محسوبة طبقا لافتتاح شمعة الساعة 11 مساء بتوقيت مصر ( منتصف الليل بتوقيت مكة المكرمة ) مش شمعة الافتتاح اليومى ويكون الدخول بيع من الزاويه 22.5 تحت افتتاح هذه الشمعة وهدفنا الزاوية 45 تحت الافتتاح ( ولو حسبت الهدف تلاقية مقدار الزاوية 22.5 من الدخول )
والشراء من الزاوية 22.5 من فوق افتتاح هذه الشمعة وهدفنا الزاوية 45 من فوق الافتتاح
----
وهمسة : ممكن ناخد الاوامر من الافتتاح اليومى ايضا لكن نسبة تحقيق الهدف بيكون اقل قليلا من شمعة منتصف ليل مكة المكرمة وده بيدفعنى لدراسة الامر على كل شمعة من شموع ساعات اليوم لارى نسبة تحقق الهدف خلال 24 ساعة التالية له لكنه موضوع مرهق شوية لكن ان شاء الله اقوم به وبصراحة الارقام والوقت فيهما اشياء عجيبه .. خلينا فى المهم
--------------------
تصيح ثالث الزاوية 36 وليست الزاوية 38
انا حاولت اشرحها باختصار قدر استطاعتى لان عارف ان فى ناس عاوزه نقطة الدخول والخروج وما يهمهاش السبب ولاجل عيونك اعيد شرحها باستفاضة اكثر ومختصرة ايضا
طبعا انت عارف ان دورة السعر 360 درجة .. طبقا لكلام من شرح طريقة جان ( وانا عارف انك من المعجبين بموضوعات الدكتور حماده ومتابع معاه موضوعة عن مربع التسعة يعنى ها تقدر تفهمنى اكثر لو انا نسيت جزئية .. ) المهم ان جان لما كان بيشتغل كان شغال على بورصة المحاصيل الزراعية والمعادن وكان السعر بيحدد بالسنت وما كنش فيه اجزاء السنت .. انما فى الفوركس السعر بيتحرك باجزاء السنت ووصل ببعض الشركات لواحد فى الالف من السنت ( الشركات التى تتعامل ب 5 ارقام ) .. خطرت ببالى فكرة ان اجرب ان تكون الدورة على جزء السنت اللى هو واحد من عشرة من السنت واشوف دورة السعر هتكون اد ايه .. باختصار ومن غير ما ندخل فى عمليات حسابيه تتوهنا طلع معايا الناتج هو الزاوية 36 باضبط وتاكد من ذلك بكل الطرق لقيت ان هى مرسومة لوحدها على كده .. يبقى انتهيت على ان دورة السعر بالنسبة لحسابها على واحد من عشرة للسنت هى مقدار الزاوية 36 بالضبط .. طيب من اين يتم الحساب .. طبقا لكلام الدكتور حماده لانه مش متوافر عندنا اول سعر للزوج ها ناخد السعر من قمة تاريخية او قاع تاريخى يعنى ادنى قاع وصل له السعر او اعلى قمة وصل اليها السعر ونحسب من عندها .. وده اللى انا عملته وضبط المؤشر على الزاوية 36 وعلى ادنى قاع مرة واعلى قمة مرة وقارنت بينهم لقيت ان الحساب من القاع نتائجه افضل من نتائج القمة ولقيت ان السعر غالبا ( وخلى بالك من غالبا دى يعنى مش حتما ) اذا ما انهى دورة على حسابى المقدرة بمقدار الزاوية 36 اما ان يرتد ليدخل فى دورة جديده فى اتجاة عكسى او يكمل دورة اخرى فى نفس اتجاه وفى الغالب ايضا انه لو دخل فى دورة جديده وارتد ولم يكملها فالغالب انه يعود لانهاء هذه الدورة
وده شارت للمجنون حسبت الدورة من سعر 116.81 شوف تناغم السعر مع خطوط الزوايا بمقدار الزاوية 36 [IMG]
[/IMG]
طولت عليك يارب ما تكون زهقت منى ويارب اكون وفقت فى ايصال المعلومة
تقبل تحياتنى
شرح ممتاز جدااااااا من شخص اكثر من ممتااااز
ربى يخليك يارب
طيب لو انا حابب الرقمى ده وعايز اقرى فيه استراتيجيات جميلة زى ديه كدة
فى مواضيع معينة او كتب ممكن اقرأها؟
التوقيع
"إذا اردت ان تحدث الناس عن النجاح, لا تحدثهم كيف ستنجح, بل حدثهم بعد نجاحك كيف نجحت"
"ستكتشف فى النهاية ان كل ما كنت تبحث عنه كان امامك من البداية"