رد: $$$## مسابقة افضل محلل فوركساوى ##$$$
اقتباس:
المشاركة الأصلية كتبت بواسطة Nesr
السؤال رقم 8 بما ان المنتخب خسر و انا قرفان شويتين اليكم السؤال.. اذكر تفسير لهذه الاخبار و تأثيرها على العملة: 1- الفائدة. 2-معدلات البطالة. 3-الميزان التجارى. 4- مبيعات المنازل 5-قروض المنازل.. يالا اشربوا بقى.. بالتوفيق.. الله كريم., بسم الله توكلت علي الله
1 الفائدة : هي ما يحدده البنك المركزي و البنوك عامة كفائدة علي العملة فمثلا ارتفاع الفايدة للدولار يجعل الجميع يتجه الي الدولار اكثر من باقي العملات مما يؤدي لارتفاع الدولار عن باقي العملات و انخفاض الفائدة او التثبيت مع ارتفاع الفائدة للعمات الاخري يؤدي الي الاتجاه للعملات الاخري و ترك الدولار مما يؤدي هبوط الدولار امام باقي العملات
2 معدلات البطالة : ارتفاع معدلات البطالة هو خبر سيء جدا علي العملة و يؤدي الي هبوط العملة امام باقي الاعملات
3 الميزان التجاري : ارتفاعه خبر جيد جدا علي العملة و يؤدي الي زيادة قوة العملة امام باقي العملات
4مبيعات المنازل : ارتفاعه ايضا خبر جيد علي العملة و لكن تاثيره يعتبر متوسط علي العملة امام باقي العملات
قروض المنازل : اظن ان ارتفاعه خبر سيء علي العملة و الصراحة دي الاجابة اللي مش متاكد منها
بس انا عامة حبيت اقول تاثير معظم الاخبار علي الدولار و ايضا علي باقي العملات و اللي عارفه ان الاتاثير ده تغير مع الوقت يعني تاثير الاخبار في 94 غير تاثير الاخبار في 2004 اصدي طبعا علي اهمية الخبر مش تاثيره نفسه لكن اهمية الخبر اختلفت بمرور السنين و بيبقي فيه تاثيرات لحظية او خلال ال 20 دقيقة زي مابيقولو و فيه تاثيرات بتبقي يومية
معدل الحركة خلال 20 دقيقة:
تقرير التوظيف الأمريكي: 124 نقطة.
قرار اللجنة الفيدرالية للسوق المفتوحة: 74 نقطة.
الميزان التجاري: 64 نقطة.
التضخم (مؤشر أسعار المستهلك): 44 نقطة.
مبيعات التجزئة: 43 نقطة.
المنتج المحلي الإجمالي: 43 نقطة.
الحساب الجاري: 43 نقطة.
السلع المعمرة: 39 نقطة.
المشتريات الأجنبية للسندات الأمريكية: 33 نقطة.
ده طبعا بالنسبة للدولار معدل الحركة اليومي خلال عام 2004:
تقرير التوظيف الأمريكي: 193 نقطة.
قرار اللجنة الفيدرالية للسوق المفتوحة: 140 نقطة.
المشتريات الأجنبية للسندات الأمريكية: 132 نقطة.
الميزان التجاري: 129 نقطة.
الحساب الجاري: 127 نقطة.
السلع المعمرة: 126 نقطة.
مبيعات التجزئة: 125 نقطة.
التضخم (مؤشر أسعار المستهلك): 123 نقطة.
المنتج المحلي الإجمالي: 110 نقطة. اتمني تكون اجابة وافية و كافية مش زي اللي حصل في الجزائر