رد: اعلى نسبة ربح ممكن ان تراها
اقتباس:
المشاركة الأصلية كتبت بواسطة simsim77
طيب يا أخت ابتهاج شاركينا بطريقتك ونطورها مع بعض ونوصل لنتيجة افضل ان شاء الله. لكن إعطائك لتوصيات بدون طريقة ماهي عملية.
يا اخت ما تحبي يكون لك صدقة جارية وتجارة لن تبور.
انا بس هسالك سؤال واحد فقط
هل تعرف كم الاستراتيجيات والطرق الموجوده بالمنتدى؟
لو عرفت قولى كل الناس الى حطت الاستراتيجيه وشرحتها قولى ليه بيخسروا مع انهم اتعلموا الاستراتيجيه دى وطوروها وبرضه الخساره موجوده
الموضوع مش موضوع شرح طريقه الموضوع انت بعد الشرح بتعمل ايه
اقولك انا
المعظم هنا فى كل المنتديات يعيبهم شىء واحد اولا عدم التعلم والاعتماد على النفس ودا اهم شىء
ثانيا حتى لو اتعلموا طريقه او اشتغلوا مع واحد فى توصياته ايه اللى بيعملوه
لو اشتغلوا توصيات بتلاقيهم يشتغلوا مع اكتر من موصى فى نفس الوقت طيب ازاى ودائما بتكون التوصيات عكس بعضها قولى ليه بتدخل مع اكتر من واحد
ولو صاحب التوصيات خسر مره ولا اتنين ولا عشره ايه اللى بيحصل
يسيبوه ويدوروا على غيره مع انه مدلوش فرصه يثبت نجاح توصياته فيها
والامر برضه كده بالنسبه للطرق اللى بتشرح فى المنتدى
بعد الشرح والتعليم تروح تشتغل على الطريقه دى وتكسب فتره وبعدين تخسر ايه اللى بتعمله
على طول تروح سايب الطريقه دى وتدور على غيرها
دا اللى المعظم بيعمله كثرة التنقل بين الموصين من ناحيه وبين الاستراتيجيات من ناحيه اخرى
معلش طولت عليك بس كان لازم الكلام دا يتقال
اغلب الناس اللى بتخسر بتخسر اما لعدم تعلمها من الاساس او للتنقل بين الموصين والاستراتيجيات
وفى النهايه تمنياتى للجميع بالتوفيق ان شاء الله