اقتباس:
المشاركة الأصلية كتبت بواسطة ريان.
البدايه من 2009 مسكت كل المنتديات وكل الكتب باللغه العربيه عن الفوركس مخلتش شيء مطلعتش عليه لانى بحب القراءه طبعا اخدت السنه كلها كده
2010 بدات اروح اتعلم فى الدورات اللى بيقدمها اى محلل مبتدا او محترف ومعظمها كانت غير معتمده كل واحد كان بيشرح باسلوبه علمنى حاجه جديده حسيت انى لسه لان الخسائر لسه معايا
2011 قررت اضحى وادخل عالم الاحتراف قدمت على cfte1 واخدتها كان الكورس الاول سهل الثانى مقدرتش احصل عليه من اول سنه تانى سنه حصلت عليه cfte2
2012 بداتها باحتراف وتنازلت عن الطمع فى سبيل الاستمراريه يكفى 10% شهريا كتاجر ابحث عن دخل دائم للقمه عيشى وفى نفس الوقت قدرت اتقدم لشركه فوركس براتب ثابت وعقد سنوى
2013 تفرغت للعمل فى الفوركس كليا كليا واصبح حياتى
ومازلت اتعلم مخصص لقرائه كتاب للمحللين العالميين كل اسبوع
احاول تطوير تحليلاتى للشركه
اضع جزء بسيط منها فى المنتدى المحبب لى بورصات فقط
مش معنى كده ان كل حاجه سهله بس مع التعب والاجتهاد ربنا بيعوضك خير دائما
احسن متعه عندى انى اتعلم حاجه جديده والافضل انى اعلمها لحد غيرى
بتاجر اسبوعى يعنى صفقه على حسابى فى الاسبوع تكفى
احب عملى كمحلل فنى
محققتش اى ثراء من السوق فقط كنت احتاج شقه واشترتها
وخلال سنتين احلم بعربيه
وخلال سنتين - ان شاء الله - بعدهم احلم ب مش عارف
بس اهم شيء لازم اضع هدف امامى للوصول له
معرض للخساره دائما وده طبيعى لكن بفضل الله المكسب اكبر فى المجمل
احب بورصات واعضاء بورصات فى الله طبعا
بالتوفيق أخي... تستاهل كل خير...