• 3:34 صباحاً
logo




بس لا تحاول تتهور

إضافة رد
عضو فـعّـال
تاريخ التسجيل: May 2009
المشاركات: 1,560
معدل تقييم المستوى: 0
ahmed_ar is on a distinguished road
18 - 08 - 2009, 02:40 AM
  #1
ahmed_ar غير متواجد حالياً  
افتراضي بس لا تحاول تتهور


,


,


< مشكله الي يبي يسوي آكشن في الموضوع بس مآعرف


سالفتي ياعساكم سالمين





مدري وش ابدى في شي بقريحتي ابيه يطلع بس ماعرفت


يوحكى انا قبل 17 سنه كنت انا ونوير قد زرفنا ريالين من الوالده وورحنا بقاله ابو صلوح الي في الزاويه عند التقاطع حرف تي
نتشري لنا علك ابو نص وفشار البطل ابو نص
وبينما احنا استخرنا وحطينا الريالين في جيبونا وو سجلنا الحساب على جارنا ولد البطره
ابو أيآد اسمه يدل انه ولد بطره ياعمري عمرك ياابيي لو انك مسمي اخوي ناصر من ذا الاسماء الكشخه كان الحين حنا صرنا من ذولا الي يقال لهم عندهم فلوس مايدرون وين يحطونها فيه صدق من قال الاسم له دور فيه الهيبه
وبينما نحن راجعين إلى الحاره سيرا على الاقدام ( ملاحظه بعض الاحين نرجع واحنا ندربي جسما على الزفلت ) بس هـ المره شكلنا مكثرين من الغدا وبطونا منتفخه من قرصان ام ناصر الله يحفظها


آنآ: نوير
نوير: هاه
آنآ: هاه وش هاه انتي وجهس نعنبوس اخ بس
(وافصح شبشبي واضربها على شعرها وينشب الشبشب ونعجز نطلعه ونخليه في شعرها إلين يطيح من حاله)


دخلنا البيت ونلقى الوالده جالسه في الحوش وفارشه السجادهـ
وجبنها التمر مكنوز في باديه والدله وتوي بدخل إلا هي تطق على رجولها يعني احتريني إلين اخلص من الصلاة وانا وقتها كنت ابولع في العافيه ابولع جمع ابلع
امي ماتوقفنا تسذا الي وراها شي كايد لحوول الله


سلمت امي وبديت اشرق بذي العافيه الي مغير ابلع فيها
التفت قالت لي نديوو
قلت سسمي يمااه
قالت : الحين يابنت الـ ؟ يالـ ؟ جعلس الـ ؟
تشترين علتس ابو نص وتخنبقين وتحطين الحساب على ولد جيرانا
يالي ماتستحين ماعندس اهل يعطوس الرجال ماكمل اسبوع توه ساكن
وسجلتو الحساب عليه اجل لو كمل عندنا سنه بتصير بطاقة الصراف حتقه معكم
آنآ : يمه الله يهديس كبرتي السالفه ترا كلها ريالين


الوالده: اقول انقلعي عن وجهي واشوفس معتبه الباب غير المدرسه وبس


آنآ يمآآه حرام عليس والله اننا ناوين ندفع بس بنجرب هم بيدفعون ولا لا < ابوك يالمخرج


الوالده : اقول وخري عن وجهي بس ضيقتي خلقي على هـ الظهريه
آنآ : قربت وحبيته راسها واشوف 15 عبست تمر واقلب عليها


انآ : يماه الحين مهوب الدكتور معيي عليس تاكلين سكريات واذا طحتي علينا من بيوديس ان شاء الله < مسويه تبي تنسي امها عشان تطلع


الوالده : أ ....


واجي مسسرعه اصفط برطمها على برطمها الثاني عشان ماتهاوش وابوس خشمها وااقول الله يخليس لنا


وطيرررران على السطح (غرفتي)


انسدح على هـ القايله افكر بالشارع ووو وولد الجيران اياد


والكوره والبقاله ووكل شي حلو في حياتي


:



وبعد العقاب الصارم الي امي عطتنني اياه صار مشواري من البيت للـ المدرسه
صار شغلي الشاغل كتبي والسطح ونجوم القايله الي امي تورني اياها دايم


وبعد مانقلت نوير للشرقيه عشان شغل ابوها ضاقت علي الوسيعه صرت مدري وين اروح رقيت السطح وانا ابتسي بتسى الله اعلم به وانسدح على مطرحتي والدجاج من حولي يحووم < دجاج بالسطح ها ؟


وقفت على جدار السطح محاولتن الانتحار وانا اقز اياد ولد جيراننا


وووطاحت عيني بـ عيينه




وبعدها وانا مدري وش الله قايلن بي مافي قلبه إلا هو
كبرنا وكبرنا وانا احببه لكن محد يدري
- - -


ماره وانا راجعتن من المدرسه مشيا على الاقدام كـ العاده لقيت كل شي متغير مريت من بقاله ابو صويلح سموها تموينات وو البارحه لي يلعبون فيها كوره خططوها وحدو ثييل وزبطوها والزفلت عدلوه من جديد


دخلت البيت وامي شنطتي وشنطة الفسحه والمطاره


وامشي داعسه لـ اميميتي واوريها خبزتي الي متعوده عليها


بيض مع طيحينيه


واجي اوريها الحين واحاتسيها وماسكه الخبزه في يدي


والله ودي اشبها لكم ماسكه طرفها واولها طايح وكل ماهوشت وحركت يدي تفتتت


تقوم امي الله يحفظها وترمي عليّ الباديه المعديه هذي الباديه سلمكم الله كل ماحد نفخ على اميميتي ابد ترنعه به وويهجد


المهم انها يوم رنعتني حبيت راسها وو قعدت جنبها بركاده و


بهدوء وقلت لها الحين الله يهديس وراس مسويتن بـ تسذا راحيه وانتي تدرين ان عندي امتحان جولجيا ويبي لي تعزيز حاطه لي خبزتن فاضيه وحليب السعوديه مفتوح


< تعزيز مين عساس سالمه !


قالت ويييش اسوي بآخوس لا صار اكل البيض والطحينه وعطاس الحبزه تسذا ناشفه
يعني ماتبين اخوس يفطر . ؟
يمه يعني يفطر على حسابي جيبي خليني اقنح من هـ الهقوه


وبينما انا وامي على هـ الظهر نقنح هـ القهوه دخل اخوي ناصر


وهو تعبان وحالته حاله جلس جنب امي ودي يحسي بس ماش خاف امي ترنعه زي مارنعتني
امي سألته نآصر وش بلاك ياوليدي وش جايك ضربت شمس
ناصر مارد على امي ورى فوق بسرعه
مشيت وراه وافتح الباب اغدييه مقفل , جا وقت العصريه وهدت الامور وناصر للحين مقفل غرفته وش بلاه الولد عسى ماابه شي



زي مايقلون صرت مثل الاطرش بـ الزفه عدينا اليوم على خير



جا اليوم الثاني ونزل ناصر ولا كن به شي
راح حب راس امي وجا يحب راسي من التحمس بس كنه استوعب الامر


امي وش عندك لايكون بتجيب طاري امريكاع
ناصر يمه جتنا سفره لـ آمريكا عشان تعالججين


الوالده بعصبيه وش اعالج مافيني إلا العافيه اقول خل عنا خرطك


ناصر : يايمه لازم تروحين تشوفين علاج لركبس وماخفي كان اعظم


وامي إلى الحين معارضه


وبعد الحااااح شديد من اخيي ناصر وافقت امي
ونظرا لـ ظروف ناصر ماقدر يسافر معنا


ورحت انا وامي لـ امريكا


في المطار . . .


ناصر نديو انتبهي لـ اميميتي تراها امانه في رقبتك



انا : اقول انت فاهم غلط يالحبيب انا ندى هذي امي وصها علي مو توصيني عليها



ناصر : عقب ماخربت اخلاقه خلاص بس لاجينا شغل خنبقه تراني اعرفس



آنآ: رووح والالب داعي لك بس ولاتوصي حريص



ناصر يالله طيارتكم نادو عليها .

اخوي مشى وخلنا وكنه يقول هم ونزااااااح





انا بمآ اني اول مره ادخل المطار جبت العييد الين جا واحد جزاه الله خير


حشرنا بريحة الكراث


الولد : على ويين ياخاله


امي : لـ مورتينا ياوليدي


آنآ : !


وش مورتينا يماه امريكا امريكا


الولد : اييه انا زيكم والله شقى هـ الامريكا وهو يسولف مع امي


فجائه طلع من جيبه حزمة كرااث وعطاه امي
انا للحين على نفس الحاله


التفت علي وقال كم رقم رحلتكم وعلمته و قال


مشاء الله من محاااسن الصدف والله انا معكم


الله يجزاه خير دلنا على المكان ومن حظي انه جنبا بالمقعد امي حبت ذا الرجال
وبينما هم يسلفون
وانا للحين
فك شنطته وطلع منها كراااث والله مافي ملابس كلها كراث


انا ويين يابو الشباب انت رايح توكل غنم امريكا بذا الكراث


وهو ياكل بذا الكرث كل الي في الطياره تشنجوو من الريحه الين طلعوهم على سطح الطياره
الانها استاثم بالعالم ولحقووه بأمي بعد كم دقيقه


الان شكل امي ادمنت على الكراث
وانا جالسه احتريهم ينزلون امي من سطح الطياره
لقيت
لقيت
لقيت
لقيت


ايـــــــاد


خشم سيف عيون حاده حواجب مرسومه جسم


آنآ (ياربيييه ابيه يعرفني بس مشكلتي متبرقعه )
ابي اسوي حركات اغراء بس منيب عارفه
وبينما انا افكر شلون اعلمه اني انا نداوي اخت نويصر ام السطوح
اقشع ذا البرقع واشيل العبايه ويطلع القميص ابو لويس فانتون
واحوفير بـ الكيسه وتطلع لي شنطه محليه من الكرررف
واخذها لزوم الكشخه ووصرت امتر السسيب الي فيه مقعد اياد


يمكن مترته إلين قلت اميين


الولد بعد ماتكسرت رجولي ونشب قميص لويس فانتون في طرف مسمار وانشق وبعد ماضيعت مقعدي


للحين ماانتبه


رحت وقفت فوق راسه (فيس وحده حاطه يدها على خصرها وتهز منقهر)


قلت آيآد


رفع راسه قال امري اختي


قلت : عرفتني

رد مع اقتباس


عضو الماسي
 
تاريخ التسجيل: Jan 2010
المشاركات: 37,809
معدل تقييم المستوى: 48
محمد حمدى ناصف is on a distinguished road
افتراضي رد: بس لا تحاول تتهور
2#
21 - 09 - 2018, 05:58 AM
جزاكم الله خيرا

ودى واحترامى

سبحان الله وبحمده سبحان الله العظيم
بعدد خلقه وزنة عرشه ورضا نفسه ومداد كلماته
محمد حمدى ناصف غير متواجد حالياً  
رد مع اقتباس


إضافة رد

أدوات الموضوع


جديد مواضيع استراحة بورصات

المواضيع المتشابهه
الموضوع كاتب الموضوع المنتدى مشاركات آخر مشاركة
تداول الاهلي السعودي - تداول الاهلي اون لاين المجاني - بلس sam73 منتدى الاسهم السعودية 0 12 - 10 - 2009 05:20 PM
تداول الراجحي الالكتروني - تداول الراجحي مباشر عبر الانترنت للافراد sam73 منتدى الاسهم السعودية 0 12 - 10 - 2009 05:20 PM


03:34 AM