تسلم حبيبي نسيم وده ديما عشمنا في روحك الطيبه وتقبلك جميع الاراء
بالنسبه للذهب متفقين مع بعض ان الاستثمار فيه على مدار سنوات هو افضل للمستثمرين
لكن الاختلاف بسيط وهو محاولة الشراء من اقل سعر ان شاء الله
هشرحلك الاختلاف موجيا لاني بصراحه ومش هخجل منها معرفش في التحليل الاساسي
طبعا لكل تصحيح نهايه زي ماانت قولت تماما عملات السلع والسلع كلها بتنهي دوره تصحيحيه كبرى تقريبا تصحيح مستمر على مدار 4 سنوات ماضيه
اسبابي الموجيه باني اتوقع مزيد من الهبوط للذهب وهي :
السوق ده سوق مرتبط في تحركاته , وهناك علاقات مشتركه بين السلع الذهب والفضه والنفط وعملاتها اي عملات السلع مثل الكندي والاسترالي والنيوزيلندي بالاضافه لقوة الدولار حاليا
لما احلل موجيا مش ينفع افصل السوق عن بعضه لازم اربطه لانه زي ماقولت سوق مرتبط _مش بتكلم عن الحركات اللحظيه بسبب خبر او ماشابه _ بتكلم عن الترند
الترند في السوق ده مرتبط ومازال موجيا ترند عملات السلع امامها مزيد من الهبوط الهبوط لم ينتهي
ده بالاضافه ان الدولار مازال قوي وده مش لضعف العملات ده لانه هو فعلا قوي _ وده من ناحيه موجيه بحته _ طبعا اكيد ليها اسباب اقتصاديه لكني زي ماقولت مش بتابعها او مش اعرفها
بالاضافه الى تحليلي الموجي السابق لعملات السلع بمزيد من الهبوط السلع هو تحليل السلع نفسها (الذهب _ الفضه _ النفط) بعض المحللين الموجيين بيقول ان الهبوط للذهب انتهى عند 1131 لكن من وجهة نظري ان الهبوط مازال مستمر _
حتى يثبت العكس _ لايوجد اي علامه تخليني اقول ان الهبوط انتهى لحد الان السعر صعد من القاع في 3 موجات فقط ABC يعني تصحيح ومازال لم يحدث تلف في الموجه الهابطه واقصد تلف وهو ان السعر يكون اخترق النقاط الارتكازيه للتحول
يبقى لحد دلوقتي لايوجد تأكيد موجي ان الهبوط انتهي ده بالاضافه لما قولته بان عملات السلع عندها مزيد من الهبوط ولو قولنا ان الذهب صاعد وعملات السلع مازالت هابطه يبقى كده احنا فكينا ارتباط السوق ببعضه وده مش بيحصل
قد تكون سياسيا رصدت قاع للذهب بدلائل سياسيه لكني موجيا فعلا لم يحدث تأكيد على ذلك من وجهة نظري المتواضعه فقط لانه زي ماقولت هناك محللين موجيين وفنيين بيقولوا ان الهبوط انتهى
سؤالك امتى اقول ان الهبوط انتهى موجيا لاني بحلل موجي فقط ؟
اقول ان الهبوط انتهى انه يحدث
استنفاذ في الموجه الهابطه
للسوق ككل بالاضافه للاهم وهو حدوث تأكيد باختراق نقاط التحول من موجه هابطه لنتحول لصاعده
اسف للاطاله حبيبنا نسيم
( استفضت في الحديث لاني في موضوع محلل اقتصادي رائع مثلك )
نسيت اقول حاجه رجاء بلاش كلمة ان حصل هبوط هتنسحب احنا بنحلل ونضع الاحتمالات بناءا على المعطيات وان فشل احتمال فهناك البديل وصدقني اذا الذهب اكدلي موجيا صعوده من القاع 1131 انا هكون من اوائل الناس مع الصعود فدائما الاولويه للسوق وليس التحليل
وتحياتي لشخصك الكريم ياغالي