رد: اْسـتـراتـيــجــية ...... وتــوصــية ....... هــــتــكــســــبــــك كتــــــــــــير
اليورو مقابل الدولار EUR/USD
دخول بيع من مستويات 1.2219
بهدف 50 نقطة عند مستويات 1.2171
اقتباس:
المشاركة الأصلية كتبت بواسطة THE-ZERO
في هذه الصفقة الستوكاستيك في مناطق تشبع بيع وبدأ في إعطاء إشارة عكسية والإتجاه للأعلى .. كيف نعتبر هذه إشارة بيع موثوقة ..؟؟
الاستوكاستك هنا مش تقاطع ولا شئ لكن حدوث تقاطعة فى الحاله دى
هيكون بعد عدد نقط كتيره ما تتخطى ال50 نقطة لان الفريم هو فريم اليوم
والتقاطع فى فريم اليوم مش بيكون فى يوم
دا ممكن يطول لايام لحين حدوث تقاطع فى الاستوكاستك
وهنا الاتجاه العاط هابط من 3 شمعات وهابط تقريبا 350 نقطة وقتها
وان السعر فى الحاله دى تخطى خط الدعم الموجود قبله وصولا للترند
الهابط يعنى مزيد من الهبوط
والدولار كان وقتها عليه تقريبا خبر قوى وكان الدولار قوى فى وقتها
مما يدعم الهبوط لليورو مقابل الزوج
كمان البولينجر هو السعر حاليا فى الخط الثالث للبولينجر يعنى هبوط فتره ثم صعود
QQE كان هابط
ودى اسباب الدخول والحمد لله الصفقة نجحت بتحقيق هدفها
************************************************** ***************
الدولار النيوزلاندى مقابل الدولار الامريكي NZD\ USD
دخول بيع من مستويات 0.7744
بهدف 60 نقطة عند مستويات 0.7686
والاستوب 0.7809
اقتباس:
المشاركة الأصلية كتبت بواسطة THE-ZERO
هذه ايضاً صفقة تحتاج لتوضيح ..
دخلت بيع بالرغم من تقاطع الستوكاستيك للأعلى مما يدعم الشراء وليس البيع ..
لا يوجد إشارة متزامنة من مؤشر QQE لان المؤشر مستقر تحت مستوى 50 ويسير بشكل عرضي او فلات ..
بصراحة النتائج المحققة ممتازة جداً والغريب في الأمر أنك تدخل على الفريمات الكبيرة اليومي وال4 والتي تجعل إنعكاس السعر عشرات النقاط أمر محتمل ولكن ماشاء الله بفضل الله ثم بفضل قوة طريقتك تستطيع خطف هدفك 15-30 نقطة بكل سهولة ..
وهذا ما يجعلني مصر أسأل عن كل شيء لأفهم الطريقة .. وإن كنت أعتقد أنك تحتفظ لنفسك ببعض شروطها الخاصة وهو حق مشروع تماما لك ..
كانت الصفقة هنا بيع
ودا لاسباب كالاتى
اولا الارتداد من الترند الهابط اعلاه المرسوم امامك فى الصوره
ثانيا السعر هابط من الخط الاوسط للبولينجر ودا مؤشر لانه هيوصل للثالث
ثالثا QQE هو عرضي تحت خط ال50 يعنى انو مش مؤشر للصعود
ولكن مؤشر لاستمرار الهبوط وف الوقت دا هو مش مؤشر غير هبوط
رابعا AC اخر نقطتين فيه باللون الاحمر والتانية اكبر من الكبيره يعنى مؤشر
لان هناك بعض الهبوط قادم ومستمر
خامسا الاستوكاستك فاحنا لو كنا واضعين خط ال50 كان هيكون السعر
تحت خط ال50 مباشره واحنا على فريم اليوم
كمان الاخبار وقتها على الدولار كانت قوية ومؤشره لارتفاع الدولار
والدولار كان قوى وقتها جدا مما ادى الى ارتفاعه مقابل النيوزلاندى
يبقى ال5 مؤشرات الى انا قولت عليهم دلوقت مش بيحددلى صعود
لكن بيحددوا هبوط + الاخبار على الدولار
والحمد لله حققت هدفها
************************************************** ***********
الدولار النيوزلاندى مقابل الين اليابانى NZD\ JPY
دخول بيع من مستويات 92.81
بهدف 40 نقطة عند مستويات 91.81
والاستوب 92.51
اقتباس:
المشاركة الأصلية كتبت بواسطة THE-ZERO
هنا مؤشر الستوكاستيك متقاطع للأعلى مما يدعم الشراء ..
وكذلك مؤشر QQE متقاطع إيجابي حتى لحظة التوصية مما يدعم الشراء .. وبالرغم من ذلك كانت التوصية بيع وبحمد الله حققت الهدف ..
الصفقة دى كانت المفروض على فريم الاربع ساعات مش اليوم
لكن انا تقريبا اتلغبط فى الصوره وانا بسيفها وبنزلها للمنتدى
ودليل كلامى ان الشمعة الحالية هابطه بشكل كبير جدا
تقريبا 70 نقطة وانا طبعا بتاجر اسكالبينج وانا ومتأكد ان كل المؤشرات فى فريم
الاربع ساعات كانت قوية جدا على دخولى الصفقة ولو كانت ضعيفة مكنتش حددت 40
وانا مش هدخل صفقة متنافره مع الاستراتيجية طبعا وكمان مش هدخل اى صفقة
لا دا حسابي الشخصى مش تجريبي فأكيد انا على ثقه فى كل صفقة
************************************************** ********
شوية ملاحظات كدا
اولا الاستراتيجية مش قايمة على مؤشر واحد فقط
بل هى قايمه على عده مؤشرات ومنها الترند العام ودا اقوى مؤشر
والبلوينجر والموفينج والمؤشرات دى قوية للغاية وعلى النماذج السعرية
ودى استراتيجية بسيطة جدا فى مؤشراتها وقويه فى نتائجها
ومش من المعقول ان انا لما ادخل صفقة اخد بمؤشر واحد فقط
ثانيا اى متاجر اسكالبينج من شروط دخوله على اى صفقة يكون فى اكتر من مؤشر
وبتكون المؤشرات الاساسية هى الاتجاه العام وغيره من اى مؤشر ثالثا متاجر الاسكالبينج لما بيدخل على اى صفقة بردوا مش بيتابع على فريم واحد
ولا حتى فريمين لكن المتاجر الصح بيتاجر على اكتر من فريم وبينظر فى لحظه
على كل الفريمات الموجوده فى الشارت وبيحلل عن طريقهم هيدخل الصفقه او لا
وبيحدد الصفقة دى بيع او شراء رابعا من الطبيعي ان انتا لما تدخل على فريم وتحدد صفقتك عليه بيع او شراء
ولو دخلت على فريم تانى اقل او ازيد من الفريم الاول
بتلاقى ان الفريم مختلف عن الى انتا حددت علية الصفقة فى الاول
وممكن تحدد علىه صفقة بعكس الصفقة الى انتا فيها خامسا : الاصدق فى الفريمات هى الفريمات الكبيره
للمتاجر العادى والى الاهداف بتاعتو كبيره الى حد ما فوق 40 نقطة
بينما المتاجر بالاسكالبينج بتكون الاصغر هى الاصدق
لان اهدافه صغيره جدا ما تحت 25 نقطة
وانا بتاجر بالاسكالبينج بالاهداف الصغيره حاجه اخيره
انا كنت فى مسابقة وانا كمتاجر على اهداف صغيره
اكيد مش هحط فى اليوم صفقة او اتنين لا بالعكس
انا هضع اكبر عدد من الصفقات الى تمكني من الربح
والى تخليني احقق عدد نقاط اكتر
فعلشان انا اشرح كل صفقة بنزلها فى توصية اكيد مش هقدر
وانا اصلا مش عايز اقول لحضراتكم اانا تعبت قد ايه فى تنزيل الصفقات
وكل صفقة بصورتها وبكل شرح لدخولها من اسم العمله ووقت سعرها
وتحديد هدفها والصفقات الكبيره تحديد خسارتها وشوفو انتو كمية الصفقات الموضوعه
وكل دا على حساب وقتى وحساب دراستي وانا ضيعت وقت كتير جدا
فى كل التوصيات دى ومحاوله اعطائكم كل صفقة ممكن تحققوا منها ربح
واى عضو وقت التوصية كان بيسأل اى سؤال انا كنت بجاوبة بكل ما عندى
وانا من طبيعتي مش بمنع وصول اى معلومه عندى لحد لا بالعكس انا بطلع كل
معلوماتى لاي شخص لان انا لما اعلم حد ويكسب اكيد انا هستفاد انى علموتو ا
وهكسب منو دعوه ع الاقل وكمان هو لو كسب انا مش هخسر حاجه ***ياريت تقدروا ظروفى فى شرح الصفقات
**كان نفسي اشوف تصويت انى افأدت ناس فى الاستراتيجية
لكن انا كنت مخطىء فى دخول المسابقة ودا لعدم وجود وقت افيدكم بيه اكتر
وان الاستراتيجية فى اى مسابقة عايزه وقت كبير جدا فى التوصيات
*اسف لعدم وجودى الفتره الجاية لظروف الامتحنات لكن اى استفسار انا ان شاء الله
هرد عليه فى اول دخولى
ارجو ان اكون افادتكم
واتمنى التوفيق للجميع