• 9:17 صباحاً
logo



رواية سعودية قصيرة جدا

إضافة رد
عضو فـعّـال
تاريخ التسجيل: Mar 2015
المشاركات: 1,458
معدل تقييم المستوى: 4
Eleena is on a distinguished road
23 - 04 - 2015, 08:00 PM
  #1
Eleena غير متواجد حالياً  
افتراضي رواية سعودية قصيرة جدا
حاطه يدها على طاولة الطعام وتدقها بأظافيرها بنفاذ صبر تستنى أولادها يشرفون الكل صحى ماعاد هم تأخرو مانزلوا على الفطور بالموعد المعتاد 8 ونص الصباح

قام مفزوع من نومه دخل الحمام "الله يكرمكم" غسل وجه بسرعه ونزل تحت مع الدرج يركض
أم لمى بصوت عالي ::وأخيراً شرفت وين اخووووووووووووووووووك

نايف بدون نفس :: جاي

سارا كانت متكيه على الطاولـة وعيونها شبه مفتحه تستنى نواف اتكلمت بصوت كله نوم ::ياخاله خلينا نأكل

أم لمى اعطتها نظرة تسكتها

نواف نزل وهو شبه مغمض عينه ويمشي بدون نفس لين جلس عالطاولة

أم لمى بعقاب :: نواااف بعد ماتخلص فطور جيب شنطتك تحت وذاكر ساامع

نواف فتح عيوونه المغمضه على كبرهم :: هـــــــا

أم لمى تمد يدها على الكراسون :: من قال هـــا سمع .. يلا سم بالرحمن وكل


نايف وسارا ضحكوا على شكل نواف المعصب

أم لمى ببرود وعيونها على الصحن :: وأنتم بعد مثله ابي اشوفكم بعد الفطور كل واحد جالس على هالطاولة وماسك كتابه لين مايأذن الظهر

نواف فطس ضحك
ككككككككككك وككككككككك وككككككك


نايف وجهه تغير 180 درجه

أمــا سارا شرقت بالاكل :: كح كح كح ( رفعت عيونها على خالتها شافتها تاكل بصمت ) نـــعم وش قلتي ..؟

أم لمــى:: نــعاااامه ترفسك قووولي آآآآآآآآآآمين
نــواف ناظر سارا :: ههههههههههههههه

أم لمى:: ضحكت بلا ضرووس قول آآمين

نـــايف ناظر نواف :: ههههههههههههههه

أم لمى :: ضحكت من سرك قول آآمين

بشاير وتهاني ولمى اللي ماسكين من أول ضحكتهم فكوها :: هههههههههههههههههههههههه

*
*
الساعه 11 صباحاً

ع النت بالمـــاسن كانت فاتحه محادثه كالعاده "

# فحط وجدع وخلي البنت تشجع #

بلى نذاله يالله ارسليها قبل ماجي اكفخك

// ReEmoOo //

نو نو ماتفقنا على كذا

# فحط وجدع وخلي البنت تشجع #

ياربييييييييييه منك لازم تذلين الواحد

// ReEmoOo //

يؤؤ يؤؤ كل هذا عشان قلت لك اطلبه مني بأسلوب ترجي صار مذله ( خشة واحد رافع حاجب )

# فحط وجدع وخلي البنت تشجع #

ياشيخه الله لايحطني بين يدينك والملف اشبعي فيه ماعاد ابيه

// ReEmoOo //

( خشة مندهش ) افا افا لاعاد كله ولا اخوي حبيبي .. خذ هااا

# فحط وجدع وخلي البنت تشجع #

الغى الملف " مسوي نفسه زعلان "

// ReEmoOo //

خلاص عاد بندووووووريتو كنت امزح معاك .. لاتخليني اجي غرفتك

// ReEmoOo // يرسل ::

قبول(Alt+ق) حفظ باسم...(Alt+ف) رفض(Alt+ر)

// ReEmoOo //

اقببببببببببببل يادبه

# فحط وجدع وخلي البنت تشجع #

طيب لاتدفين خخخخخخخ

* لقد ‏‏تلقيت C:\Documents and Settings\Bandar\My Documents\الملفات المتلقاة\remoo من . بنجاح.

*
*
الساعه 12 ظهراً

:: نوافوووووووووووه نوافوووووووووووووه
نواف :: ها يمه
أم لمى :: ليش مارحت للمسجد ؟؟
نواف :: انتظر نايف جالس يتروش
أم لمى :: زين اطلع عجله لاتتأخرون
نواف :: زييييييييييييييين
غرفــة بشايـــر
:: تكفيييييييييين سمعي لي والله أخر مره
بشاير بنفاذ صبر :: هذي عشرين مره تقولين أخر مره لاحفظتي زين تعالي اسمع لك
سارا :: الله يخليك الله يخليك اخر مره
بشاير وهي تتأفف :: اااااااااف منك يالله هاتي الكتاب
انفتح الباب عليهم :: وش تسوون؟
بشاير بطفش :: جالسه اسمع للبقره
سارا:: انتي البقره
:: خلاص عييييييييييييب وش هالألفاظ
سارا :: حركااااااااات توته اجل مين يقول ياحماره خخخخخخخخ
تهاني :: خخخخ اقول بس خلصي مذاكرة بدري عشان نخرج العصريه
سارا :: والله ؟
تهاني :: يسسسس يالله شدي حيلك ولا ترا خالتي بتخليني أنا وبشاير نروح ( حركت حواجبها )
سارا تحمست :: الحييييييين اذاكر بسرعه واخلص
تهاني :: عفيه عليك
بشاير :: اقول سارا اخلصي تبيني اسمع لك ولا بطقينها سواليف
سارا بخوف:: لا خلاص ... تهاني اطلعي وسكري الباب
تهاني :: بالتوفيق باااااايو ( وخرجت من الغرفه)

*

*

*

:: خووووووووويلدووه
:: خوووويلدوه وصمخ
خالد ( مسك الريموت قصر ع الصوت


رواية سعودية قصيرة جدا

التلفزيون ):: هااه يمه وش تبين
:: اخوك مشاري وينه ماشوفه ماجاء من الصلاه!!؟
خالد :: إلا وطلع غرفته .. ( رجع رفع صوت التلفزيون )
أم مشاري :: وش يسوي بغرفته .. هالولد مايشبع من النوم
خالد :: ماهو نايم جالس يذاكر
أم مشاري بدهشه وفرح :: لابالله يذاكر !! شفته بعينك؟
خالد :: ايه يمه دخلت عليه وطردني من الغرفه عشان يذاكر وقالي اخلي الشغاله تسوي له عصير برتقال
أم مشاري :: الله يهديه ويوفقه ياااااااااارب .. وانت ماعندك مذاكره
خالد :: يووه يمه باقي اسبوع على الاختبارات ملحق على المذاكره
أم مشاري :: اقول هالإجازه معطينكم هي عشان تذاكرون مو تجلس لي على الأفلام .. لو ماقمت الحين ومسكت كتابك غير اعلم عليك ابوك
خالد :: يمه بس يخلص الفيلم اقوم اذاكر

*

*

*
كان منسدح على جانبه الأيسر ع السرير . يده الشمال ع خده.. ويده اليمين ماسك فيها القلم ..يكتب و يلخص الأشياء المهمه بالدفتر !!
بعد مرور ساعه .. وقف كتابه !! وجلس يفكر ,, القلم مازال بيده ( يلعب فيه ) يدخله بفمه ويطلعه !! ..
قطع تفكيره .. صوت الباب .. طق طق !!
:: مييييييييييين !!؟
:: عصير برتقال
مشاري بضحك الله يخلف أجل عصير برتقال مو آتي.. قام وفتح الباب ..
الشغاله دخلت وحطت العصير على المكتب !!
مشاري :: مافي كيك لوزين ؟
الشغاله :: مافي خلاص اخر واحد ياكل خالد
مشاري :: هبببببب يادب ..
الشغاله :: مايبغى غداء
مشاري :: لامايبغى سكري الباب وراك

*

*

*

العصر .. الساعه 5

:: ياخاله نبغى نروح السوق

أم لمى وهي جالسه ع الكنبة بالصاله وتشرب شاي :: وليش ؟؟

تهاني :: بقضي للسفر ..
أم لمى ( تحط فنجان الشاي ع الطاولة ) :: عاد الله يهدي خالك حجز لنا يوم الإربعاء نهاية الإختبارات .. مايمدينا حتى نقضي ولا نروح ونجي !!
تهاني :: يمدينا باقي 3 اسابيع
أم لمى :: وين يمدينا .. اختك سارا عندها اختبارات وعيالي بعد !!
تهاني :: مو اختباراتهم تبدأ السبت الجاي .. يعني هذا الاسبوع فاضيين يصير نقضي فيه ونرتب الشنط !!
أم لمى :: لالا راح ينشغلون ويلتهون عن المذاكره
تهاني :: ياخالتو ياحبيتي مو بشاير بتخلص اختبارها بعد بكره .. يصير أول ماتخلص نروح انا وهي نقضي ونشتري لهم الأشياء اللي يحتاجونها ونرتب شنطهم
وهم يجلسون بالبيت يذاكرون يعني ماراح ناخذهم معانا ولا بنستشيرهم !! حنا نزبط امورهم
أم لمى :: دام كذا زين
تهاني :: بس اليوم بروح وباخذهم كلهم منها نتسوق ومنها يغيرون جو
أم لمى :: زين دامهم بيروحون معاك.. اطلعي فوق وخذي البطاقه من شطنتي .. وخليهم يشترون مره وحده للسفر ..
تهاني :: اووووووووكي
أم لمى :: بس ها مو تلعبين بالفلوس اشتري الأشياء الضروريه !!
تهاني :: طيييييييب .. بطلع اقولهم يتجهزون ( وراحت طيرااااااان للمصعد )
أم لمى رفعت سماعة التلفون وبدأت تتصل :: رن رن
:: الوووووووو
أم لمى :: السلام عليكم
:: وعليكم السلام
أم لمى :: مين خالد ؟؟
خالد :: ايه
أم لمى :: كيف حالك وش اخبارك .؟
خالد :: الحمدلله
أم لمى :: ها تذاكر ولا تلعب
خالد بضحك :: افا عليك كيف ماذاكر
أم لمى :: الله يوفقك .. امك وينها ..؟
خالد :: بالمطبخ .. لحظة اناديها
:: يمممممممممه .. يمممممممممممممه
أم مشاري :: هاه وش تبي ؟
خالد وهو ماسك السماعه :: تعالي تلفوووووووون
أم مشاري جات واخذت السماعه منه :: هلا
أم لمى :: ياهلا والله فيك كيف حالك وكيف حال عيالك ..؟
أم مشاري :: بخير الله يسلمك انتي كيفك وكيف البنات والعيال إن شاء الله بخير
أم لمى :: الحمدلله .. وينك ماعاد شفناك ؟؟
أم مشاري :: أعذريني .. والله انشغلت بملكة بنت أختي
أم لمى :: مبرووووووك .. متى ملكتها إن شاء الله
أم مشاري :: بأول يوم من الإجازة الصيفيه .. يوم الخميس .. ها عاد انتم معزومين
أم لمى :: يوووه خساره .. ماراح نقدر نجي
أم مشاري :: افا ليه ..؟
أم لمى :: رحلتنا يوم الاربعاء قبل الملكة بليله
أم مشاري :: طيب ماينفع تأجلوا الحجز
أم لمى :: خلاص قصينا التذاكر ..
أم مشاري :: والله عاد أختي بتزعل لمن تدري
أم لمى :: إن شاء الله لمن ارجع من السفر بجيها لبيتها وابارك لها .. إلا انتي مانتي ناويه تسيرين علي ؟
أم مشاري :: والله كنت بدق عليك واقولك اذا فاضيه بجيك ..
أم لمى :: حياك الله تعالي .. ماعندي شي البنات بيروحون للسوق
أم مشاري :: زين بعد المغرب بجيك
أم لمى :: حياك الله .. يالله انتظرك مع السلامه
أم مشاري :: فمان الله

*

*

*
كانت جالسه تشارك بالمنتدى وترد على مواضيعها .. انفتح الباب عليها
سارا باستغراب :: بشااااااااير مالبستي !!
بشاير التفتت عليها :: وليش
سارا :: بنروووووح السوق .. يالله قومي بسرررعه .. تهاني طلعت السياره
بشاير تضرب راسها:: اوف نسيت .. ( وتسكر الاب توب حقها ) ..
سارا باستعجال:: يالله انا نااااااااازلة .. لاتتأخرين
بشاير قامت واخذت شنطتها من على التسريحة وسحبت عبايتها من الشماعه ولبستها بسرعه ..
جات بتنزل مع الدرج (رياضيه البنت تفضل الدرج على المصعد ) انتبهت انها لابسة شبشب .. رجعت بسرعه لغرفتها وغيرت الشبشب ونزلت صاااااروخ وركبت السيارة

*

*

*
واقفه على بلكونة الصالة المطلةع الشارع العام .. لابسه قميص سماوي مشجر بابيض قصير تحت الركبة .. ومغطيه شعرها بربطة الحناء ..
:: ياربيييييه ايش هالملل .... وصرخت باعلى صوتها آآآآآآآآآآآآآآآآآآآآخ
حارس العمارة فز من مكانه من قوة الصووووت .. انفجع التفت على جهة العمارة شافها واقفة ..
انتبهت له وصرخت عليه :: خيييييييييييييييير وش فيك تطالع .. انقلع هناك
مسكين الحارس انتفض منها .. رجع جلس في مكانه
ضحكت وقالت بينها وبين نفسها " ناس ماتجي الا بالعين الحمراء"
طالعت بساعتها شافتها 6 .. :: يووه ماباقي شي على اذآن المغرب خليني اقوم اتروش واغسل هالبلا اللي حطته لي جدتي ( جدتها أم ابوها ساكنه بالشقه اللي مقابلتهم عندها سواق وشغاله خاصين لها ، جاتهم الظهر تغدت عندهم وخلت الشغالة تحني لها شعرها واجبرت هنادي تتحنى معاها على قولتها الحنة تزين الشعر .. )

*

*

*

جالسين بمجلس الحريم ويسولفون :: والله يام مشاري مدري وش اقولك
أم مشاري ::استغفر الله هذا الحسد بعينه .. ولا هذي فعايل يسوونها
أم لمى :: والله اني مقهوره منهم .. اشوا ان البنات مايدرون ولا ايش كان موقفهم بالذات بشاير !!
أم مشاري :: الحمدلله انها جات ع كذا .. قبل مايصير شي رسمي
أم لمى :: اي والله .. بس ابي اعرف هم وش يدريهم ان في واحد تقدم لبشاير !!
أم مشاري :: يمكن اخوك قالهم !!
أم لمى :: والله تجي عليه هالخبل .. قايله اسأل عن الولد واذا طلع تمام بنفتح بشاير بالموضوع !! ماقلت روح لعمها وعلمه !!
أم مشاري :: الله يكفينا شر الحسد .. خربو الخطبه قبل ماتم
أم لمى :: كله من السوسه سلوى تلاقينها هي اللي مكلمه اللي متقدم وشوهت صورة بشاير قدامه لين الرجال فركش وقال انسو طلبي الخسيس
أم مشاري :: يابنت الحلال انتي ليش معصبه .. زين الله فك بشاير منه هذي خيره من الله .. واذا بنت عمها سبب اللي صار بتلاقي جزاها
أم لمى :: والله على قولك ...


*

*

*

بالســــوق

ماسكه بيدها فستانيين قصيرة تجي لين الركبه ونعووووووومه مرره .. تطالعهم بنظرات حيره
جاتها اختها وضربتها بخفه ع كتفها :: لسه ماخلصتي
تهاني بحيره التفتت على بشاير وهي رافعه الفستانين:: وش رايك .. أي واحد اخذ ؟؟
بشاير تنقل نظرها على الفستان :: اممممم كلها حلوووين بس خذي هذا الفوشي بيطلع اشيك باللبس .. انتي وش عجبك ؟
تهاني وهي تفكر :: مدري انا عجبني الأبيض نعومي مرررره
بشاير وهي تطالع بسعره :: والله مايستاهل هالسعر وفوق هذا كأنه قميص نوم خذي بس الفوشي حتى شوفي صدريته فيها شغل بالذهبي ومن اطراف الفستان برضو ذهبي .. وتشتري طقم شنطة وصندل بحبال لون ذهبي بيطلع عليك روووعه
تهاني اقتعنت بكلام اختها رجعت الفستان الابيض واخذت الفوشي :: يلا خلينا نحاسب
وحاسبو وطلعو من المحل ..
بشاير :: الحين هذولي وين ذلفوا ؟؟ و انا قايلتلهم لاتتحركون من مكانكم
تهاني وهي تلتفت وراها تدورهم ..شهقت لمن شافت سارا !! .. ::بشاير بشاير
بشاير وعيونها بمكان ثاني :: هلا
تهاني :: شوفي المجنونه اختك وش قاعده تسوي
بشاير ناظرت على جهة سارا شهقت من الصدمه :: فضحتنا الله يفضحها
تهاني وتسحب يد بشاير وتمشي بخطوات سريعه لناحية سارا !!

""ســـــارا ""

كانت تتسوق مع بشاير ونايف ونواف ولمى
بعد ماخلصو من شراء الأشياء الضروريه اللي تهمهم بالسفر .. بشايرالتفتت عليهم وقالت:: خليكم هنا بروح انادي تهاني واجي لاتتحركون .. عشان بنروح البيت
بصوت واحد لمى + سارا + نايف + نواف :: طيييييب
راحت بشاير عنهم ..... لمى :: عطشااانه ابي مويه
نايف :: الحين نروح البيت وتشربين
لمى :: تكفى نايف اشتري لي مويه والله ماقدر مره عطشااااانه
سارا :: رووح اشتري لها لاتموت علينا
نايف :: اففففففف ماعطشتي الا لمن نزلنا مو كنا عند المطاعم ليش ماتكلمتي
لمى وشوي بتصيح :: اففففففف منك .. نوااااف انت تكفى روح جيب لي مويه
نواف رحم اخته :: زين .. يالله تعالي معاي
نايف وهو يغير رايه :: استنى بروح معاكم
سارا :: روحو بسرعه لاتتأخرون تلاقوني هنا
بعد ماراحو عيال خالتها ...
وقفت مكانها وتطالع بالناس .. وتتلفت كل شوي .. وقعت عينها على محل رياضه .. قالت بنفسها " يووه اشوى اني تذكرت وش اللي ناقصني "
مشيييت بسرعه ودخلت المحل ..
اشترت 4 كابات صفراء وربطات يد ..
جات بتحاسب إلا وقعت عينها ع لوحة التزلج .. :: لو سمحت
البائع :: نعم اختي
سارا :: ممكن تعطيني هذي وتأشر وراه ..
البائع التفت وراه :: لوحة التزلج
سارا :: اي هاتها
البائع :: اخذها واعطاها
سارا وهي ماسكه اللوحة :: بكم سعرها ؟
البائع :: 90 ريال
سارا وهي تتفحص كفرات التزلج :: طيب ممكن اجربها قبل ماشتريها ؟؟
البائع كان بيضحك عليها بس مسك نفسه .. طالعها بإبتسامه وهو مستغرب :: وين بتجربينها
سارا وتأشر بعيونها يعني برا .. وابتسمت:: .. ها وش قلت اخذ واجربها ولاعجبتني اشتريتها
البائع ضحك على حركتها بعينها :: اوكي
سارا رمت اكياسها .. واخذت لوحة التزلج .. وطلعت برا المحل ... نزلت لوحة التزلج ع الأرض .. وحطت رجولها فوقها
والبائع واقف عند باب المحل يشوفها !!
سارا التفت عليه بطفاقه :: لاتخاف ماني سارقتها اكياسي عندك وغمزت له !!
حطت رجل وحده ع لوحة التزلج والثانيه تمشي فيها ...بدأت تمشي .. تمشي .. تمشي
شوي ..رفعت رجولها اللي بالارض وحطتها فوق اللوحة ( بحيث صارو الاثنين ع لوحة التزلج ) وتمشي فيهم وتلف بمهااااااااره !!
والناس تطالعها !!
وهي مبسوووطه ..
كانت الطرحة لافتها ع رقبتها
وتتزلج بسرررررررعه مرت من جنب واحد كان واقف وبيده مويه .. بحركه سريعه سحبت المويه من يده ومدت لسانها له بشيطنه .
وقفت مكانها .. وقلبت الزلاجة برجلها بحركه سريعه بحيث انها بترجع للمحل ..
شافت قدامها بنتين واقفين وعيونهم تطاير منها الشرر
سارا وهي تضحك :: بسم الله من وين طلعتوا لي
تهاني مسكتها مع اذنها :: وش قاعده تسوين فضحتينا الله ياخذك
سارا :: والله ماسوي شي غلط شي بشتريه وقلت اجربه
بشاير :: لاوالله ..انتي وجهك امشي امشي قدامنا .. لاتشوفين شي ماشفتيه
سارا بتذمر :: اوووف منكم معقدين وتشيل الزلاجه بيدها .. ومشيت معاهم
بشاير :: والله لو دريت عنك خالتي غير تذبحك
سارا :: وش يدريها اصلا
تهاني بتخويف :: ليه ناسيه نفسك انك بمكان عام وكلاً يشوفك افرضي وحده من بنات صديقات خالتك شافتك ووصلها اللي سويتيه
سارا شهقت وخبطت راسها :: والله اني بقره ليش ماتغطيت وانا اجربها
بشاير + تهاني ماقدرو يستحملون هبالة اختهم :: ههههههههههههههههههههههه
سارا وقفت :: هيييه استنوا هذا المحل اللي اخذته منه
بشاير وهي تناظر البائع اللي كان واقف برا .... اتقدم لسارا وقالها :: ماشاء الله عليك .. ها عسى بس عجبتك
سارا :: افا عليك .. عجبتني..يلا كم حسابك مع اللي اخذته
البائع :: 167 ريال
سارا وهي تطلع محفظتها حصلت 150 اعطته ....وقالت له ::لحظه ... (وراحت لتهاني اللي كانت واقفه برا مع بشاير يستنونها)
سارا :: بسرررعه اعطوني 17 نقصت علي الفلوس
بشاير :: والله تحلمين نقصي من اللي شريتيهم
سارا وتناظر تهاني بدلع قالت:: توووووتي اعطيني
تهاني وهي مقهوره من حركة اختها اللي قبل شوي :: لا اسفه
سارا انقهرت منهم :: طيب والله اوريكم
راحت للبائع وباين عليها انها معصبه :: معليش اخوي نزل كاب واحد
البائع سمع حوارها مع اخواتها اللي كان واضح بصوت عالي قالها بابتسامه وهويمد لها الكيس :: افا عليك " سوى نفس حركتها وغمز لها"تفضلي .. خفضت لك السعر
سارا فهمت حركته وابتسسسسسمت :: شكررررررررا
وخرجت وهي مستانسه .. وطنشت بشاير وتهاني وراحت تمشي لحالها لين وصلت لبوابة الخروج
بشاير :: شفتي النذل وش سوى
تهاني :: يبي يقهرنا اكيد سمعنا
بشاير :: عمى بشكله وهذي اختك يبي لها ذبح كل ماشافت سعودي بمحل طيحت الميانه معاه
تهاني بلا مبالاه :: ماعلي منها .. المهم وين عيال خالتي ؟
بشاير :: اصبري بدق عليهم .. ياخوفي مسوين مصارعه بالجهه الثانيه
تهاني :: ماستبعدها
بشاير :: طلعت الجوال واتصلت : ............. هلا نانووو .. وينكم؟......... اها بالسياره ...... طيب طيب...... معاك نايف ولمى .....زين الحين جايينكم .. سلام
تهاني :: وينهم ؟؟
بشاير وهي تدخل الجوال بالشنطة :: يقول لهم ساعه ينتظرونا بالسياره
تهاني :: خفي رجلك .. وامشي بسرعه
وطلعو من البوابه وقابلوا سارا واقفه تتنتظرهم ....واتجهو للسياره




رواية سعودية قصيرة جدا

التوقيع

توقيع
رد مع اقتباس


إضافة رد

أدوات الموضوع


جديد مواضيع القسم الادبي ، شعر ، قصص ، روايات

المواضيع المتشابهه
الموضوع كاتب الموضوع المنتدى مشاركات آخر مشاركة
رواية سعودية رومانسية جريئة جدا جدا Eleena القسم الادبي ، شعر ، قصص ، روايات 0 23 - 04 - 2015 05:13 PM
رواية سعودية جريئة جدا جدا الارشيف Eleena القسم الادبي ، شعر ، قصص ، روايات 0 23 - 04 - 2015 05:10 PM
رواية سعودية جريئة جدا جدا جدا Eleena القسم الادبي ، شعر ، قصص ، روايات 0 23 - 04 - 2015 04:58 PM
رواية حب سعودية ريما ونواف Polymers القسم الادبي ، شعر ، قصص ، روايات 0 17 - 09 - 2014 02:06 AM
رواية #وطن - رواية سعودية جديدة تجمع بين الحب والسياسة (للتحميل) وليد الجفيري القسم الادبي ، شعر ، قصص ، روايات 0 17 - 04 - 2013 04:08 PM


09:17 AM