• 5:18 مساءاً
logo



قصص سعوديه قصيره جدا

إضافة رد
عضو فـعّـال
تاريخ التسجيل: Mar 2015
المشاركات: 1,458
معدل تقييم المستوى: 4
Eleena is on a distinguished road
23 - 04 - 2015, 08:02 PM
  #1
Eleena غير متواجد حالياً  
افتراضي قصص سعوديه قصيره جدا
ع الساعه 10 الصباح كانت خارجة من قاعة الإختبار والإبتسامه مرسومة على وجها... طلعت جوالها من شنطتها ...ودورت على اسم "ضحكة زماني " واتصلت..
ماطول الرن إلا وانرفعت السماعه :: لك هلا هلا هلا هلا هلا هلا
بضحك قال :: وش فيك علقت ع الكلمة
:: لك مية هلا عيوني .. يسعد لي هالضحكة يارب
:: المهلي مايولي
:: ها شهودة حياتي كيف كان امتحانك
شهد :: زفتتتتتتتتتتتتتتتتتت الله يخذها جابت لنا أسئلة صعبة
:: اللي يسمعك يقول كأنك مقطعه نفسك أمس من المذاكره .. إن شاء الله بس تنجحين
شهد :: يااااااارب يسمع منك المهم بمناسبة اني خلصت الاختبارات عزمت نفسي على مطعم وعلى حسابك
:: لك تأمريني أمر...كم شهودة عندي أنا ؟
شهد :: وحده وآخر حبة بالكرتون
بضحك قال :: الله يغربل ابليسك يالله ربع ساعه واكون عندك
شهد :: اووووووووك قلبو سلام
:: باي حياتو
بعد ماقفلت الجوال لبست عبايتها واتجهت للبوابه عشان تستناه .. وهي ماشيه بطريقها شافت وحده لابسه تي شيرت ابيض بسماوي ورافعها شعرها .. وتكلم صحبتها بصوت عالي :: لاااااااا تقولي اهئ اهئ كنت حاطتها صح بعدين مسحتها وحطيت خطأ
:: كم مره اقولك لاتراجعين الورقه
:: وربي قهرررر على أخر لحظه غيرتها
شهد راحت على طول عندهم وهي ميتة ضحك :: بشار
بشاير وهي تطالعها :: مين نحووووووول وقربت منها وباستها وضمتها
شهد :: الله يقطعك صوتك واصل برا الجامعة وأنتي تصيحين على فقره حليتيها غلط .. صدق انك دافوره ... ( ومدت يدها تسلم على ليان صحبة بشاير )
بشاير :: ليان أعرفك على بنت خالي شهد
ليان :: اهليييين شهد كيفك
شهد :: ياهلا فيك بخير انتي كيفك وكيف سويتي بالاختبار لايكون زي الخبله
ليان :: ابشرك من بدري حامله الماده
شهد :: لااا ألف ألف مبروووك ماقلتي لي من ابوه
ليان حولت عيونها وبعدين ضحكت :: ابوه استاذه مرفت
بشاير + شهد :: ههههههههههههههههههههههههه
بشاير :: يالله الحمدلله على كل حال حنا سوينا اللي علينا .. وربي مايضيع مجهود أحد
ليان :: اي والله ...اهم شي اننا خلصنا اوووووف
شهد:: وأخيرا ودعت الجامعة وبعيش طول وقتي بإجازه
بشاير بضيق :: ومن زين الإجازه
شهد بمرح :: اذا مره مره ميته ع الدراسه خذي صيفي وبطلي سفر
ليان :: هههههههههههههههه

شوي رن جوال شهد رفعت السماعه :: هلا حبيبي ........... اوك خلاص الحين بطلع .. يلا سلام

بشاير :: غريبه السواق جاك بدري ؟؟

شهد بدلع :: ماغريب إلا الشيطان .. بس حبيبي هو اللي جاء

بشاير :: الحمدلله والشكر

شهد بعجله :: يالله بااااااي

*

*

*

بعد ماخلصت وقضت من السوبر ماركت هي وجدتها ركبت السياره وحطت راسها ع الشباك وتفكر بينها وبين نفسها ( ياربيييييه وش البس في عزيمة خالتي هند
اممم البنطلون والبلوزة السوداء ولا الفستان القصير الخربزي مع الإكسسوار الناعم وافلت شعري اللـه بطلع اجننننن ..... صحيت من سرحانها على شد اذنها ..... :: هنيييد ياقليلة الحياء اكلتي الرجال وانتي تطالعين فيه
هنادي انتبهت على نفسها انهم واقفين عند اشارة وجنبهم سيارة لكزس فيها شاب وسيم يطالع فيها ويأشر بجواله .. قامت مدت يدها بعلامة كشششش عليك ( بمعنى مالت عليك) والتفتت لجدتها :: نواااري يابعدي لو تبين احذفه بشبشبك حذفته قال اطالع فيه قال
جدتها :: ياللي ماتستحين شايفتني اختك يوم تناديني باسمي
هنادي :: وه ياقلبي فديتوو اللي يستحي من دلع اسمو
جدتها وتقرصها مع يدها :: متى تعقلين انتي .. الظاهر ماحد بيعقلك الا الزواج
هنادي :: يالله على ايدك إن شاء الله ( وقربت منها وباستها ع راسها ) .. واشرت ع سياره فيها شايب .. تكفييين زوجيني هذا ابيه
جدتها قامت تضحك على خبالها
هنادي وهي مطيحه الميانه صقعت يد جدتها بشويش :: قولي انه عجبك وتتمنينه لنفسك والله لاخطبه لك ..
هنادي بهبال نطت فوق جدتها وفتحت شباكها .. :: ياعم ياعم
الشايب كان راكب وانيت ومنزل الشباك ( مكيفه خربان ) التفت عليها .. قالت له ايه انت ياعم المزيونه اللي جنبي تسلم عليك
الشايب لف براسه يناظر على اللي تأشر عليها .. ابتسم وبانت أسنانه التركيبة لما
جدة هنادي سحبتها مع يدها وتضربها ع راسها وتقول للسواق قفل الشباك
هنادي ماتت ضحك :: استحيتي نواري
جدتها وهي تبوس يدها وجه وقفى:: الحمدلله والشكر على نعمة العقل ( ورفعت يدها ) يالله يارب تعقل هالبنت .

*

*

*

في المطعم

قطع حديثهم وصول الفطور .. فـ تحول انتباه شهد للنادل اللي وضع الأكل أمامهم وغادر

.... :: ها متى رحلتكم إن شاء الله

شهد :: بعد اسبوعين

...:: اها افكر الحقك (وبنبرة حزن ) ماقدر والله على بعدك
راح اشتاق لك شهووده مالي غيرك

شهد بإبتسامه :: ياقلبو أنت .. أنا أكثر منك راح اشتاق لك بس إن شاء الله (وبغمزه ) اشوفك قدامي بالطياره...

..:: حطيني بشنطتك
شهد:: هههههههههههههه

" شهـد 22 سنـة تخرجت هالسنة من قسم علم الإجتماع راح تتعرفون على شخصيتها من خلال الأحداث "

*

*

جالسه ع الكنبه ببجامتها القطنيه ( بلوزة طويله لونها ابيض وبنطلون مخطط بلون ابيض وموف ) وحاضنه الخداده وتتكلم بالجوال :: هههههههههههاااااااااااي .. بس خلاص حبيبي لا تحرجني ...والله تسلم ..ههههههههههه.. بس لا تحرجني اكثر ..أنا وين .. لا مو بغرفتي .. ايه ... ياروح توته أنت ماقدر .... والله مسويلي مفاجأة ياحياتي أنت( رفعت بصرها على الدرج شافت خالتها متجهه للمصعد خافت إذا خالتها سمعتها أو مجرد إنها تعرف انها كلمت فارس غير تهزئها ( بهمس قالت ) حياتي بعدين اكلمك اوك باااااااااااااااي حبيبي وسكرت منه ..
أم لمى جات عندها :: ماشاء الله صوت ضحكك واصل لفوق .. مين كنتي تكلمين ؟
تهاني ترقع :: ها .. لا بس هذي صديقتي روان تنكت مع الصباح
أم لمى:: إلا هي وش اخبارها واخبار ابوها إن شاء الله خرج من المستشفى
تهاني :: الحمدلله بخير وأبوها أمس اللي طلع من المستشفى
أم لمى :: الحمدلله على سلامته .. الله يحفظه لهم .. لازم نروح لهم ونتحمد لهم بسلامته
تهاني :: والله ياخالتي ماتقصرين دايم راعية واجب ورافعه راسنا عند صحباتنا
أم لمى بإبتسامة :: الله يسلمك يابنتي ( وبمزح ) اجل بس عند صاحباتكم ؟
تهاني :: لاوالله مااقصد أنتي دايم رافعته لنا يا تاج رووسنا

" تهانـي الأخت الكبرى لبشاير وسارا عمرها 23 سنـة ، لها سنة متخرجة من كلية التربيه تخصص رياضايات ، مملكة على حبيبها وروح عمرها فارس " يقرب لأبوها ا"لله يرحمه" بس من بعيد "

*

*
وصلت البيت الظهر على الساعه وحده دخلت غرفتها ، غيرت ملابسها ونزلت للصاله اللي جالس فيها ابوها سلمت على راسه ويده وتغدت معاهم
بعد ماخلصوا الغداء جلست جنب ابوها وحضنته وهي تقول :: بااباا تكفى تكفى كلم عمي عبدالله .. خلينا نروح شاليهات درة العروس مع بعض بما أني ودعت الدراسة ..

أبو شهد أبتسم لها:: ماطلبتي شي وأنا أبوك

رغد كانت جالسه على الكنبه وتطالع فيهم بنص عين وبهمس تقول :: ايه يسمع كلامها لو انا طلبته كان طنشني ..

طالعوو فيها باستغراب

رغد ابتسمت مجامله لهم ..

أبو شهد مد يده واخذ جواله إللي كان على الطاوله
ودور على اسم أخوهـ "أبو رائد ".. وضغط على الاتصال ..

*
*

أبو رائد ::ههههههههههههههههههههههههه
ولـيــه طيب تسووين كذا؟؟

هنادي وتتكلم بحماس :: عشان ( قطع عليهم صوت جوال ابوها )

طلع الجوال من جيب ثوبه
شاف المتصل أبو شهد رد وهو يقول ::
هلا وعليكم السلام .. بخير الله يسلمك أنت اخبارك .... ايه طيب ماعندي مانع .. ماتبون كبينتي .. اها يعني نغيير نروح درة العروس . ..زين .. خلالاص

متى ..العصر اووكي ..الله وياك

هنادي واللقافه ذابحتها :: وش العصر .. وش إللي ماعندي مانع .؟.؟

ضحك أبو رائد :: اقول هنادي وراك ماتقومي تجهزين نفسك ..

هنادي باستغراب :: أجهز نفسي لـ ايش .؟



قصص سعوديه قصيره جدا

أبو رائد:: آآآممممم ماتبغين ترووحي شاليهات درة العروس.؟.؟

هنادي وتهز راسها ::ايه .. ليه

أبو رائد:: طيب رووحي اتجهزي بعد العصر بنروح مع عمك الشاليه وكلمي جدتك شوفيها تبي تروح معانا

هنادي قامت ترقص من الفرحه :: يس يس

أبو رائد ضحك عليها

وشوي مالقاها إلا مختفيه من الصاااااااله ..


*

*

رغد طالعت فيهم ::يعني بنروح الشاليه

ابو شهد :: ايه

رغد : طيب انا ما ابغى ارووح معاكم ..


طالع ابوها فيها باستغراب

شهد على طول قالت:: مو لازم اصلا من قال حنا بناخذك

أبو شهد طالع في رغد :: وليـه ماتبغين ترووحين .؟

رغد :: باختصار لأن سارا موموجوده هناك ..

شهد ضحكت :: لو سارا مكانك كان مافكرت فيك

رغد طالعت فيها :: انطمي مالك دخل

شهد:: هييييي شفري شفري اشووف

رغد قامت من الكنبه :: اقول أنا بروح اذاكر احسن من مقابلة وجهك .. وعلى فكره ماراح أروح إلا وسارا معاي

وراحت عنهم طلعت لـ فوق غرفتها وسكرت الباب وقامت تضحك ( على بالها بيجون يراضونها )

شهد :: وجــع كبرت وصارت تتدلع

أبوشهد طالع فيها::من حقها تتدلع مو آخر العنقود

شهد :: مالت عليها

أبو شهد :: روحي قولي لأمك بس أننا بنطلع للشاليهات واستعدوا ، أنا رايح مشوار وجاي
شهد :: وين بتروح

أبو شهد : بروح عند عمتك أم لمى واشوفها إذا بتجي معنا

شهد صرخت :: واااااااااااااااااااااااو فلللله حاول تقنعها

أبو شهد :: إن شاء الله

شهد والفرحه مو سايعتها :: ايه ايه وقولها بعد بنجلس هناك يومين

أبو شهد ::لالا وش يومين ناسيه إنه عيال عمتك واختك عندهم اختبارات

شهد وتهز راسها بـ لا :: لا مو ناسيه وبعدين وين الإختبارات لسه باقي 4 ايام خلهم يجيبون كتبهم معاهم احتياط هههههاااي

أبو شهد :: يصير خير إن شاء الله

" رغــد أخت شهد عمرها 14 سنة رفيقة عمرها ودربها بنت عمتها "سارا " إذا اجتمعوا الأثنين تصير بلاوي !! "

*

*

*

بعد العشــاء

واقف بسيارته اللكزس عند فيلا صديقه اللي مواعده كان فاتح باب السياره ومنزل رجل والرجل الثانيه بالسياره ومتكي وهو كاشخ ومتشيك للآخر ( لابس تي شيرت الأبيض وبنطلون برمودا كحلي وكوتش لونه أبيض وفوق رأسه كاب ابيض)
وينتظر صاحبه شوي شم ريحة عطر تجنن قرب منه وكل ماله يقرب منه أكثر رفع عيونه شاف شي صغير عليه فوينكا لونه أبيض نط بحضنه قام مسكه وشاته برجوله بأقوى ماعنده وهو يلعن فيه .. وحرك بسيارته .. بعد 5 دقايق دق جواله وكان المتصل صاحبه راكان يسأله وينه ؟ مايشوفه .. قاله السالفه .. وتوعد فيه لو شاف كلبهم مره ثانيه بيذبحه لهم والحين رايح السوق وإذا يبيه يلحقه هناك .
وصل السوق واتوجه للدور الثاني جهة المطاعم وطلب له عشاء قبل مايتسوق وهو جيعان على قوله مايشوف زين لمن يكون ماهو ماكل شي ، جلس على أحد الطاولات وجلس يأكل ، بعد ربع ساعه دق جواله ، رفع السماعه :: هلا والله .. ايوه تلاقيني فوق عند المطاعم ... زين .... فمان الله
قام من مكانه وشاف صاحبه من بعيد ، أشر له يجي عنده ، وصله راكان وهو يقول :::: هـلا والله بـ أبو الشبااااااااب
بندر أبتسم ومد يده يسلم عليه :: هلااااا بــك
راكان بعد ماسلم عليه جلس على الكرسي اللي مقابل بندر وهو يقول :: ازيك عامل ايه وازاي حبيبتك
ضحك بندر :: الحمدوو لله كولنا كويسين انتا عامل ايه وازاي مراتك إن شاء الله كويسه بعد الحمل
ضحك راكان بصوت عالي :: حلووه هذي بعد الحمل
بندر :: اقول بس ما تدري آخر الأخبار
راكان يطالع فيه :: ايش ؟؟
بندر :: العيال بـ يسافروون
راكان عقد حواجبه : مــيــن قـصــدكــ .؟
بـنـدر :: ياسر وخالد
راكان وهو يفتكر أشكالهم :: آهـا طيب .. الله يهنيهم بالسفر

بندر :: المشكله بفتقدهم

ضحك راكان :: ياخي أحس إنك أمهم مو خويهم

بندر بإبتسامه :: من جد راح افتقدهم كثير

راكان وهو عاقد حواجبه وبابتسامه خفيفة :: وأنـا ويـن رحـت

بندر ودقه بكتفه :: بـ قلبـي

راكان بعد يده :: اقول تراني خويك مو خويتك

ضحك بندر عليه

*

*

في السووق ولكن بـ الدور الأرضي

سارا وهي معصبه لآخر درجه :: والله تعبت خلونا نريح شوي
تهاني وهي تدفها :: اقول امشي ترا المشي زين

سارا وهي تتأفف :: لا تدفين

سارا وهي توجه الكلام لـ تهاني :: اقول تهاني خلينا نروح المطعم ناكل ونريح وبعدين نكمل
تهاني بـلا مباله :: اوكــي اسبقووني ( ومشيت عنهم )
وقفتها بشاير :: هيه وين رايحه انتي
تهاني وتأشر على المحل إللي جذبها :: برووح هذا المحل وبعدين اسبقكم
بشاير :: اوكــي يـلا سارونه مشينا
راحوو سارا وبشاير للدور الثاني عند المطاعم ، أما تهاني راحت للمحل تتفرج على الملابس ..

*

*

*
كانت بشاير جالسه على الطاولـة
تستنى سارا تـجـي وتجيب معـاهـا الطـلبات ..

تأخرت سارا على بشاير وكانت بشاير تتأفف كل شوي وعيونها على إللي رايح وإللي جاي
وقعت عيوونها على شخص كان يضحك جذبها صوت ضحكته " وكان شكله مألوف " قامت تطالعه وتحاول تتذكر يشبه مين !!
انتبه لها إنها تطالعه قام ابتسم لها ، شالت عيونها بسرعه وبقلبها تسب نفسها وتلعن لين سرحت بافكارها ، قطع عليها صوت سارا تحط الأكياس على الطاولة ومعصبه :: اووووووووووووووف
بشاير طالعتها :: وجــع فجرتي أذني .. وبعدين ليه تأخرتي
سارا جلست على الكرسي وهي تقول :: الله ياخذه ياشيخه قولي آمـيــن
بشاير وتفتح الأكياس وتطلع وجبتها :: مــين ؟
سارا :: المحـاســب في أحد غيره
بشايرتطلع المصاص وتعطيه سارا وعيونها على وجبة ماك تشكن وتقول :: ليــه ايش سوى لك ؟؟
سارا تحط المصاص في البيبسي :: من أول واقفه مو معطيني وجـه ولما جات بنت كاشفه حاطه ميك اب وتتكلم بكل دلع وترمش عيونها ( تقلدها سارا ) لو سمحت ممكن تعطيني وجبــه ماك تشكن سبياسي ههههاي ولما اعطها قالت .. مررررسي ورمشت بعيونها كذا مرره
وانا اقوله لو سمحت لو سمحت أبد مو جنبي والمشكله سعودي عمى بشكله
ضحكت بشاير :: ياحلووه شاف بنت تضحك له وتبتسم له وتدلع اكيد راح يعطيها وجه قبل البزره
سارا :: قسم بالله رفع ضغطي
بشاير :: اقول وين أختك هذي راحت ولا عاد جات ..
سارا رفعت كتوفها :: مـادري
بشاير :: ابغى ادق عليها ( فتحت شنطتها وتطلع جوالها وتدور توفي توفي لين لقته ضغطت الزر)

طلعت من المحل وبيدها كيس وماشيه دق جوالها وقفت بمكانها وفتحت الشنطه تدور الجوال حاست حاست لما طلعته كانت بترد إلا انقطع الإتصال وبعد ثواني رجع دق ولقت المتصل بشار ردت بسرعه : هـلا
ايه الحين جااااااايه .. ههههههههههههه .. طيب .. اشتريتوا لي ؟؟... احسب .. يلا باي
قفلت منها وحطت الجوال بشنطتها ومشت لين وصلت عند المصعد الكهربائي وضغطت الزر انفتح المصعد ودخلت ، وصلت للدور الثاني ، اتجهت للمطاعم شافت أخواتها جالسين بالطاولة اللي بالنص ، راحت لهم..
بشاير لمن شافتها جايه قالت :: بـدري
تهاني حطت كيسها على الطاولة :: بدري من عمرك ، مافي كرسي
بشاير :: لا مافي ماتشوفين زحمه

تهاني :: ياربيييه ليش مامسكتو لي واحد ، مالت عليكم ( ظلت واقفه تلتفت يمين وشمال تبحث بعيونها على كرسي شافت شخصين جالسين وبجنبهم كرسي فاضي
بدون تردد راحت لهم على طول وسحبت الكرسي
مادرت إلا واحد يمسكها من يدها ويقول بإبتسامه تذوب الصخر :: ماعلموك أهلك شي اسمه استئذان ؟؟
تهاني على طولت سحبت يدها وطالعت فيه من فوق لـ تحت بإستحقار وقالت :: وماعلومك اهلك الأدب ياوقـــح
اعطته ظهرها ومشيت من عنده إلا وتصدم بشخص ، بعدت عنه ورفعت عيونها
طالع فيها وبأدب قال :: آسف ما انتبهـت
تهاني سمعت صوت الشخص إللي بخلفها يضحك
انقهرت منه وبنفس الوقت انحرجت على طول مشيت من عندهم وهي معصبه ، وصلت عند أخواتها شالت كيسها وقالت :: أنا بالسياره استناكم وإذا ماجيتم والله لا أروح واخليكم

سارا بترد ، إلا تهاني قاطعتها :: سمعتوو؟؟ ( وراحت عنهم )

سارا وبشاير طالعو بعض مستغربين
سارا وهي رافعه حاجبها اليمين :: وش فيها اختك ؟؟

بشاير بإستغراب ::: مدري عنها ، يمكن فارس دق ونكد عليها كالعاده

سارا :: الله ياخذه ( قامت من الكرسي ) يـلا قومي خلينا نلحقها لاتروح وتخلينا

بشاير قامت وشالت الاكياس ، وخرجو من السوووق

عند مواقف السيارات
شافو تهاني تفتح باب السياره وتسكر الباب باقوى ماعندها
مسكوا ضحكتهم وطلعو السياره وهم ساكتين

*

*

*

بندر يضحك :: طلعت ما أنت بهين
راكان مات ضحك
جلس خويهم ماهر :: حرام عليكم احرجتوها
بندر ويطالع بـ راكان ويقول :: ياوقـح ياراكان ماعلومك أهلك الأدب
راكان + ماهر + بندر ::هههههههههههههههههههههه
وكملوو سواليفهم ..
لين قطع عليهم جوال راكان ::ياهلا وغلا
حسن :: ياهلا والله السلام عليكم
راكان :: وعليكم السلام
حسن :: كيفك يارجال وينك ماعاد نشوفك مره وحده اختفيت عنا
راكان :: الحمدلله بخير ، أعذرني والله انشغلت ولا ماعاش مين ينقطع عنكم
حسن :: معذور يالغالي ، قلت اتصل اطمن عليك
راكان وهو سامع صوت الاغاني اللي عند حسن :: الله يسلمك يارب .. أنت وينك ايش هالرجه اللي عندك ؟
حسن بضحك :: بالشاليه مجتمعين أنا والشباب
راكان :: يالخووونه من وراي ها تسهرون ، بس غريبه مو المفروض يكون بكره
حسن :: انا دقيت عليك عشان اعلمك أنه اليوم في سهره بمناسبة وصول صاحبي من الرياض ، تعال بالله والله الجلسه ماتحلى إلا فيك
راكان بإبتسامة :: الحمدلله على سلامة وصوله ، أنا الحين بالسوق معاي بندر وماهر يمكن اجيكم بعد ساعه
حسن :: حياك والله ... وجيبهم معاك خلنا نستانس
راكان :: إن شاء الله
حسن :: اوكي انتظركم بالشاليه اللي دايم نأخذه . مع السلامه
راكان :: اوكي فمان الله

قصص سعوديه قصيره جدا
*


التوقيع

توقيع
رد مع اقتباس


إضافة رد

أدوات الموضوع


جديد مواضيع القسم الادبي ، شعر ، قصص ، روايات

المواضيع المتشابهه
الموضوع كاتب الموضوع المنتدى مشاركات آخر مشاركة
قصة حب سعوديه حقيقيه قصيره Polymers القسم الادبي ، شعر ، قصص ، روايات 0 17 - 09 - 2014 04:39 AM
قصه حب واقعيه قصيره سعوديه Polymers القسم الادبي ، شعر ، قصص ، روايات 0 13 - 09 - 2014 05:36 PM
قصص حب قصيره سعوديه مادنيس القسم الادبي ، شعر ، قصص ، روايات 0 16 - 04 - 2011 01:55 AM
قصص حب سعوديه قصيره مادنيس القسم الادبي ، شعر ، قصص ، روايات 0 15 - 04 - 2011 11:40 AM


05:18 PM