• 12:25 مساءاً
logo



روايات سعوديه جريئه 2014

إضافة رد
عضو فـعّـال
تاريخ التسجيل: Mar 2015
المشاركات: 1,458
معدل تقييم المستوى: 4
Eleena is on a distinguished road
23 - 04 - 2015, 08:57 PM
  #1
Eleena غير متواجد حالياً  
افتراضي روايات سعوديه جريئه 2014
سويسرا

الساعه 7 صباحاً


كانو جالسين على الكرسي وقدامهم حديقة
نواف وهو يطالع في البنات اللي يسوون رياضة وهو مستانس عليهم :: طالع بالله شوف الجسم كيف
نايف ويحط يده على قلبه :: احس بتجيني سكته قلبيه
نواف ضحك :: ياحليلك
نايف :: آآآه يانواف .. بالله شوف هالاشكال عيون ملونة وشعر شي ولا الجسم فااااااااتح مو مثل اللي عندنا
نواف عدل جلسته كان حاط رجل فوق رجل :: وش فيك أنت على بناتنا تراهم أحلى منهم
نايف بتريقه :: كثر منها .. قال وش أحلى من بناتنا
نواف ويرفع كاسة العصير :: ايه والله أحلى منهم .. وبعدين حنا أصل الجمااااااال والدلال يادلخ
مرت وحده من جنب نايف كلمة ملكة جمال قليله بحقها .. صفر لها :: أمووووووووت انا اللي تجي زي كذا
نواف دقه بكتفه :: ياشيخ استح على وجهك كل ماشفت لك بنت قمت تتغزل فيها استح .. بعدين وش يقولون على السعودين متخلفين
نايف تنهد ::آآآآآآآآه ..والله ما قلت شي غلط بس أول مره تقول شي صحيح
نواف طالع باخوه :: احلف بس
نايف :: قسم
نواف ضحك

قطع عليهم سواليفهم رنين جوال نواف ..
نواف شاف المتصل مات ضحك..

نايف استغرب من ضحكه :: خير وش عندك تضحك

نواف رفع الجوال يوريه مين المتصل نايف لما قرأ اسم المتصل ( لا ترفع ) مات ضحك
نواف ويأشر له بمعنى اسكت بـ رد ..

نواف رد على الجوال ::.ياهلااا والله
::. هلااا فيك .. كيفك ..؟
نواف ::. بخير ياطويل العمر أنت أخباااارك وش مسوي ..؟
::. الحمدلله .. إلا وش أخبار أخوك نايف وأختك لمى وأمك عساكم مرتاحين ومبسووطين

نواف طالع باخوه بمعنى تعال تعال اسمع , قام نايف مثل البرق وقرب أذنه من الجوال عشان يسمع ..

نواف ::. والله يا ابوي حنا مبسووطين على الآخر ياليتك بس معانا
كان اكتملت
ابو لمى ضحك :: ياحليلكم والله من عيال , وكيف الجو عندكم
يقولون عليكم أمطاااااااار وغيوووم
نواف طالع باخوه وهو ماسك ضحكته :: ايه يا ابوي علينا أمطار وغيووم .. تعرف أنت عاد جو أبها كيف جناااااااااااااااان
ابو لمى :: ايه مدام رحتو أبها ليه خليتووني أجدد جوازكم واسوي لكم تصريح ..؟
نواف ويكمل الكذبه ::. لا حنا كنا بنسافر مصر بس طلع مافي حجز لغو حجزنااا.. فـ خلااص قلنا نروح ابها بالسياره
نايف ماقدر يمسك نفسه مات ضحك :: ههههههههههههههههههههههههههههه
نواف حط يده ع طول في فم نايف :: ايه وش كنت تقول ماسمعتك
ابو لمى سمع صوت ضحك ::. مين عندك ..؟
نواف :: نايف
ابو لمى ::. اعطيني اياه
نواف مد جواله لـ نايف اخذ الجوال نايف :: هلااا .. الحمدلله بخير .. لا كنت اتفرج الفليم .. ما كنت ادري

*


*


*

السعودية
" جـــدهـ "
..الظهر ..


ام مشاري وتنادي خالد :: خويلد وين أخوك مشاري ..؟
خالد مارد عليها كان مندمج بـ البلاي ستيشن مع العنود يلعب :: ياالله اركبي السياره بسررعة الشرطه جاات ..
العنود وتصارخ :: وجع انطم يدك خربانه
خالد :: اضغطي اكس بسررررررررعة
العنود :: طووووووووويب
ام مشاري وتصرخ :: خااااااااااااااااااااالد وصمخ أكلمك أنا
خالد ::............لارد
دقت العنود كتف خالد :: انت هي رد على أمك
خالد توه انتبهـ على امه تناديه قال بكلام سريع وعالي وعيونه مركزه في الشاشه التلفزيون ::. هـا وش تبيييييييييين ..؟
ام مشاري عصبت :: وش ابي .. ياللي ماتستحي تعلي صوتك علي وهذا أنت صغير اجل لو كبرت وش بتسوي ..؟ علمني ..؟
وين مشاري عنك يربيك..
العنود بهمس له :: ياويلك من مشاري كككككككك
خالد اعطاها نظره والتفت لـ امه وابتسم لها من الخوف ::. يـاهلاا آمري يالغالية تبغين شي ..؟
ام مشاري:: ايه خلك كذا لا اربيك بالعصا ..
خالد ضحك: ههههههههههه
ام مشاري :: وين أخوك ما اشوف اليوم له حس ..؟
خالد رجع نظره للتلفزيون ويكمل لعبه ::. أنا وش يدريني عنه .. ( التفت لـ العنود ) وجــــــع لا تطخين رصاص علي .. من زود الدم يختي
طالعت فيه وهي ميته ضحك :: توني ادري هههههههههههههههه
خالد :: غبيه .. وينك يالمى وينك ياقلبي
العنود طالعت فيه بنص عين :: وش خليت للكبار ..؟
خالد يتنهد بتنهيده قويه :: آآآآآآآآآآه والله لها وحشه هالبنت من جد ..
ضربته العنود بخفه على راسه :: أقول مابقي إلا وتقول قصيده كمل لعبك بس وأنت ساكت ..
خالد ضحك وكمل لعبه هو والعنود ..

ام مشاري طلعت فوق الدور الثاني تشوف ولدها يمكن نايم بغرفته دخلت الغرفه ما حصلت احد مسكت جوالها واتصلت تتطمن عليه .. بعد ما اطمنت سكرت منه وهي تطلع من الغرفه كانت بتحط رجولها على الدرج بس شافت الهنوف توها قايمه من النوم وعيونها محمره وحالتها حالها قالت بحنيه الام :: يمه الهنوف وش فيك ..؟
الهنوف ارتبكت من خالتها ::: ولا شي ياخاله ..

ام مشاري قربت منها وحطت يدها على كتفها وقالت وهي تطالع بعيونها :: قولي لي وش فيك ..؟
الهنوف ابتسمت لها عشان تطمنها .. وهي ماسكه دموعها لا تفضحها :: ياخاله ياقلبي قلت لك مافيني شي ..
ام مشاري شدت يدها اللي كانت على كتف الهنوف ..
الهنوف ماقدرت تستحمل وبكت وحضنت خالتها على طول ..
ام مشاري خافت على بنت اختها :: يمه هنووف وش فيك تبكين ..سمي بالله يابنتي ( الهنوف تزيد بكي وتشهق)
ام مشاري مدت يدها تمسح على ظهرها وشعرها :: ياااااااابنتي ياهنوف قولي لي وش فيك خوفتيني عليك..
الهنوف ماترد عليها بس تبكي وتشهق ..
ام مشاري بعدت الهنوف عنها وهي تمسح دموعها :: ياقلبي يابنتي ليه تبكين ليه هالدموع ..؟ قولي لي انا مثل امك ..
الهنوف حضنت خالتها مره ثانيه وهي تقول بصوت مبحوح من البكي ::. تعباااااااااانه ياخاله تعبااااااااااانه .. احس نفسي بموت خلااص
ام مشاري حضنتها بقوه وبفجع :: بسم الله عليك .. وش اللي يتعبك يابنتي قولي لي ..

الهنوف بعدت عن حضن خالتها وطالعت بعيونها والسؤال يردد في بالها ..( وش اللي متعبني ولدك ياخاله ولدك مشااري تعبني ..الله بلاني بحبه .. هو السبب هووووووو ) تنهدت بقوه تبي تطلع كل شي بقلبها بهذه التنهيده :: آآآآآآآآآآآآآآآآآآآآآآآآآآآآآآآآآآآآه
يااااااااااااااااااااقلبي
آآآآآآآآآآآآآآآآآآآآآآآآآآآآه

ام مشااري انفجعت :: بسم الله بسم الله عليك .. وش فيه قلبك يوجعك ..؟
الهنوف هزت راسها بـ لا وتبكي ..
ام مشاري وترفع خصلات شعر الهنوف اللي كان طايح على وجهها وبقلق :: تبين اودك المستشفى ..؟
طالعت الهنوف فيها بـ عيون سهتانه وقالت سؤال وهي عارفه إجابته ..:: مين بيودينا المستشفى لو رحنا
ام مشاري ابتسمت لها :: مشااري ياقلبي
الهنوف بعدت عيونها عن خالتها :: لا ياخاله انا ما ابغى مستشفى ابغى انااااااام ..
ام مشاري مسكتها مع يدها :: ياقلبي خليني اوديك المستشفى عشان اطمن عليك ..
الهنوف مسحت على يد خالتها :: ياخاله والله مافيني شي بس سهر وارهاااق وامس مانمت كويس
ام مشاري :: طيب يـلاا اوديك الغرفه اجلس عندك لين ماتنامين ..
الهنوف هزت راسها بـ ايه من دون لا تتكلم وهي تمسح دموعها .. وتشهق دخلت غرفتها انسدحت على السرير لحفتها خالتها وهي تجلس بجنبها وتلعب بخصل شعرها :: بس ياهنوف لا تشهقين كل ماتشهقين قلبي يطيح
الهنوف وصوتها رايح فيها :: والله مو مني من من م.......( سكتت كانت حتقول من مشاري السبب بس تداركت الكلمه وسكتت )
ام مشاري طالعت فيها بشك : من مين ..؟
الهنوف غطت نفسها بالبطانية :: ما ادري ما ادري ..
سكتت خالتها وهي حاسه انه فيه ان في الموضوع ولكن ما حبت تتجادل مع الهنوف لأنها باين عليها تعباانه فسكتت
الهنوف نزلت البطانيه بشويش بس عيونها باينه:: خاله لا تقولين لـ امي ولا العنود اني بكيت قدامك ولا تجبين سيره الله يخليك
ام مشاري ابتسمت تطمنها :: اكيد ياعمري مراح اقول لـ احد
الهنوف سكتت ..
جلست خالتها تسمح شعرها ..
الهنوف غمضت عيونها تفكر بمشاري وتتخيل مشاري يمسح على شعرها ويهديها ويقول لها كلمه احبك .. غرقت في تخيلاتها واحلاامها لين غطت بنوم عميق

لما شافتها غطت بنومها .. نزلت من السرير بشويش وسكرت اللمبه طلعت وهي تكسر الباب وراهـا ..
نزلت من الدرج وهي تشوف مشاري واقف قدام الباب يتنحنح ..
العنود بسرعة البرق رمت اليد على الارض وطفت البلايستيشن عناد في خالد وراحت جري على المطبخ .. عند امها ..
عشان مشاري ..

دخل مشاري بعد ماشافها تجري تدخل ..
خالد يسب بـ مشاري :: وجع مشاااااااااااااري مو وقتك ابد ترجع البييييييييييت ماصدقت القى احد العب معاه بدل لمو بعد قلبي

مشاري لما سمع لمو بعد قلبي مات ضحك :: الله يخلف عليك من ولد حتى وانتي بزر تحب ههههههههههههههههههه
خالد .. قام وفصل افيااااااش السلك :: ايه احبها اخذت روحي وكياني يا بابا
مشاري هز راسه بأسف :: اقول والله انك خربان خربان
انتبه لـ امه اللي واقفه بنص الدرج .. راح لها وسلم عليها
ام مشاري طالعت فيه بنظرات تفحص
مشاري استغرب من امه :: خير يمه وش فيك تناظريني كذا ..؟
أم مشاري بعدت عنه عشان تنزل :: وليدي ماشفته لي كم ساعه وتبيني ما اناظرك .. وجلست على الكنبه
مشاري طالع باستغراب بـ امه مو من عوايدها تطالع فيه كذا ..قال :: اقول وين خالتي ..؟
خالد :: تلقها في المطبخ تطبخ لنا الغداء
مشاري :: وليه تتعب حالها الله يهديها
خالد رفع يدينها :: عاد انت تعرفها كل ماتجي عندنا تطبخ ..
مشاري كان بيدخل المطبخ وقفه صوت ام مشاري :: على وين
مشاري : بـ اروح المطبخ بـ كلم خالتي
أم مشاري وتأشر له تعال :: العنود موجودة بالمطبخ ..
مشاري :: آهـا
وقام ينادي خالته لين ماجات عنده سلم عليها وقال :: وراك متعبه عمرك .. خلي الشغاله تسوي كل شي
ضحكت ام تركي :: تعرفني انت يامشاري ..
ابتسم لها :: ايه خالتي واعرفك ..( حط يده بجيبه طلع تذاكر السفر ) اليوم موعد رحلتكم في الليل على الرياض
ام تركي وتشكره :: الله يجزاك خير ياولد اختي ماقصرت معانا لا انت ولا امك
ام مشاري :: وش ذا الكلام يا اختي ..
ام تركي طالعت فيها وابتسمت ..
مشاري دقها بكتفه :: خالتي افاا عليك إذا ما عملت الواجب اجل اعمله مع من ..
ضحكوا
سمعو صوت العنود وهي تنادي امها وتقول .. الحقي يمه الرز انحرق
راحت ام تركي بسرعه للمطبخ

ام مشاري +مشاري +خالد .. ماتو ضحك على ام تركي
مشاري راح عند امه حط راسه على رجولها وهو يقول :: حطي يدك على راسي والعبي بشعري..
ام مشاري ابتسمت بحنيتها المعتادة :: حاضر أنا كم مشاري عندي
خالد غار على طول قام وحط راسه عند امه مثل مشاري :: وانا بعد بس ابغاكي تغني لي نونو يانونو
مشاري ضحك :: تكفي يانونو
خالد :: مالك دخل
ضحكت ام مشاري ومشاري
وجلست تغني نونو يانونو هوه ياهوه ..

دخلت ام تركي وهي تضحك على اشكالهم : ياحليلكم مثل الاطفال
ضحك الكل وجلسو على طاوله الطعام ..
جات الشغاله وحطت الصحون والاكل
ام مشاري وتوجه الكلام للشغاله :: حطي اكل للعنود اما الهنوف لا تحطين لها ولا تصحينها خليها نايمه ..
مشاري كان يشرب مويه ولما سمع اسم الهنوف شرق ..
ام مشاري طالعته بنص عين وهي شاكه بالموضوع ..
مشاري شاف نظراته امه ابتسم لها بتوتر خاف لا الهنوف علمتها على حركه امس ( امي اليوم وش فيها تطالعي لي كذا .. لا يكون الهنوف .. لالا ياشيخ
جلس يأكل وهو ساكت )
ام تركي باستغراب :: وليه ..؟
ام مشاري :: لا بس توها نامت المسكينه كانت سهرانه امس واليوم شكلها تعبان
ام تركي :: ايه والله وش اقولك .. هالبنت صارت تسهر كثير وماتنام زي الناس
ام مشاري وبتنكيت :: مراهقه ماعليها شرهه
ضحك الكل إلا مشاري

مشاري كان عيونه على الصحن يفكر فيها ..

راحت المطبخ الشغاله وحطت الاكل للعنود وجلست العنود تاكل بعد ماعلمتها ان الهنوف ماما يقول لا تصحينها

*


*


*


الساعه 2 الظهر

لـبنى تتمغط على الارض واللحاف مرمي على الكنبه والمخده بحضنها : يمااااااااااااااه جوعاااااانه متى يستوي الغداااااااااء
في المطبخ الصغير اللي على قد حالهم ..

روايات سعوديه جريئه 2014

ام منصور تضحك : اصبري يابنتي مابقي شي ..
لبنى وتمسك بطنها من الجوع :: طييييييييييييييييييييب بس بليز عجلي ..
ام منصور بـ ابتسامه :: ان شاء الله ..

لبنى قامت من الارض واقفه ترجع كتوفها على وراء :: آآآآآي يااعظامي توجعني الله لا يبارك فيك يامنصوور كسرت يدي من دق الباب ( نقلت نظرها لـ غرفه اخوها بعد ثواني ابتسمت بـ مكر .. مشت بسرعه متجه للغرفه .. مدت يدها لـ مقبض الباب حركت المقبض لليمين عشان يفتح الباب ولكن تفاجأت لـ قته مقفل .. هين يامنصوريتاا .. عامل حسابك ها .. بس والله ما اتركها لك وانا لبنى بنت ابوي .. شالت يدها من مقبض الباب وهي تتأفف اعطت ظهرها للباب بـ تمشي .. وإلا سمعت صوت قفل الباب يـ نفتح .. قامت تدور بـ عيونها وين تتخبى .. كان قدامها الحمام .. على طول جرت واستخبت داخل الحمام ..
منصور يفتح الباب بشويش ويدعي ربه ان لبنى نايمه نقل عيونه على المكان مافي احد فتح الباب على كبرهم وعلى طوووول دخل الحماااااام وسكر الباب بيده ..وهو منزل عيونه للارض وياخذ نفس عميق :: اشو ( وإلا انتبه لـ رجول شخص ..)
رفع عيونه بشويش وإلا انصدم من اللي قدامه صرخ :: لبنىىىىىىىى ..
فك الباب بقوه وحط رجوله شرد ..
لبنى مادرت وإلا الباااااب بوجهها ينطبع .. صرخت ذيك الصرخه هزت البيت بكبره:: منصوريتااااااااااااااااااااااااااااااااااااااااااا ااا
منصور شرد على غرفته وهو يرتجف سكر الباب وقفله وهو يقول :: اعوذ بالله اعوذ بالله .. بلع ريقه بخوف .. ياربي يااااااااربي ساعدني .. ياربييييييي كبرني بسرعه عشان اربيها من اول وجديد .. ياربيييييييييي
ام منصور طلعت المطبخ وبيدها ملعقه :: بسم الله وش صااااااير
لبنى طلعت من الحماام وخشمها كله دم :: ولدك الزفت والله لا اربيه
ام منصور رمت الملعقه على الارض وراحت لها :: ارفعي راسك ارفعي
لبنى سوت مثل ماقالت امها ..
ام منصور :: لا تتحركين بروح اجيب الثلج واجي
لبنى بألم :: طيب

*


*


*

بسويسرا الساعه 9 الصباح

الكل صحى استأذنت بشاير عمتها إنها تخرج تفطر مع أختها تهاني تحت بالفندق
جالسه على الطاوله تسولف مع أختها اللي جالسه قبالها وتضحك ، رفعت يدها اليمين وبعدت خصلات من شعرها اللي كانت طايحه على عينها ، وكملت سالفتها وهي تمد يدها لكوب الكوفي اللي كان ع الطاوله وتشربه :: عاد أمه سوت نفسها مريضه لمن عرفت أني أكلمه
بشاير وهي تتأمل ملامح أختها ردت عليها بهدوء:: واضح أنها تغار عليك من ولدها هذي تسوي كذا قبل الزواج اجل بعدين وشلون؟ ماقول غير الله يعينك عليهم ، فارس عديم الشخصيه وأمه مقويه
تهاني والحزن انرسم بوجها :: اكره أمه ماحبها ، بس لعيونه والله مستحملتها ، هو معاه حق هذي أمه ماهما سوت مايقدر يقولها شي
بشاير رافعه حاجبها وكأن الكلام مو عاجبها:: أنتي كبيره وتفهمين مايحتاج انصحك ، بس أنا للمره الأخيره أقولك فارس ماله شخصيه مايمشي إلا بكلام أهله ، أنا مانكر أنه طيب ويحبك بس هذا كله ماينفعك دامه ماله شخصيه لو تصير مشكله لك مع اهله وقال طلقها يطلقك ،
تهاني بإبتسامه باهته :: احبه يابشاير احبه واموت فيه ، ماراح نعيش مع أهله بنروح انا وهو بعيد عن الكل ، والله ماقدر اعيش من دونه مستعده اضحي بكل شي عشان ابقى معاه ،
بشاير :: تهاني اصحي اصحي من جنانك أنتي من أول مشكله معاه ماقدرتي تستحملين ومافي يوم نمتي فيه ودموعك ماهي ع خدك أو مرتاحه من ملكتي واحنا ماشفنا من أهله إلا المشاكل
تهاني بتنهيده :: آه مافي حب يجي بالساهل لازم في مشاكل ومصاعب ببداية الطريق ولا ليه سموه الحب عذاب
بشاير ضحكت ع وضع أختها :: هههههههههههه مأثره فيك الأفلام يالله قومي بس نروح النادي



*


*


*


بعدت المخده عن وجهها وهي تتثاوب بكسل .. قامت من سريرها
ودخلت للحمام تغسل وتبدل ملابسها بعد مابدلت
خرجت من الغرفه تدور عليهم
شهد بحيره ::غريبة وين راحو ليكون خرجو يتمشو وخلوني نايمه ياسلام
يتمشون وانا لا
ورفعت تلفون الفندق واتصلت على رقم تهاني وهي تتحلطم عليهم
:: الوووووو وينكم انتو ..تروحون من دوني
تهاني باستغراب منها :: خير الناس تقول سلام بالاول وانت متصلة تهاوشين
شهد :: انتي بالاول قولي وينكم ماشاء الله الكل خارج وما احد فيكم صاحني بتضيعون اليوم علي وانا نايمه
تهاني :: هههههه هدي بس عادي ماصار شي الحقينا يلا
بشاير:: طيب وينكم الحين يعني كلكم مع بعض
تهاني :: لا ياحلوه انا وبشاير بنادي الفروسية والبــ ..
شهد وتقاطعها :: ايش ايش نادي الفروسية وكيف عمتي رضيت تروحون
هههههههه ولا ماعلمتوها
تهاني :: هههههه اما مانعلمها لا قووية قالولك شهد تسوي كل شي من راسها
شهد بضحكة :: لا طبعا مافي احد مثلي
طيب والباقين وينهم
تهاني :: الباقين راحو يفطرون ويتمشون بالملاهي
شهد :: اها طيب انتي وبشاير مطولين بالنادي طفشت ابغى اخرج
تهاني :: بشاير ماراح تتطلع من النادي الحين المدرب يقول راح تبدأ تدريب اليوم وانا راح امر المركز بتسوق وش رايك تجين معاي
شهد :: اكييد بروح اجل ايش بسوي هنا واصلا ناقصني كم شغلة ..
تهاني :: خلاص حلو اجل نتقابل بعد الظهر بــالمول ...
وخلي جوالك معاك راح اتصل عليك.. بااااااي
وقفلت بدون ماتسمع ردها
شهد :: اش فيها الغبيه قفلت بدون ما اقولها .. يلا اقابلها بالمول
وراحت تتجهز للطلعه..

بالمووووول ..

واقفه قدام احدى المحلات الشهيره ..
وهي تتصل بالجوال :: اووف وش فيها هذي مقفله جوالها وانا توقعت بـ لقاها قبلي.. بكيفها بروح اتسوق واكيد بشوفها قدامي

لكن مامداها تمشي خطوتين الا سمعت صوتها ينادي بـ اسمها
شهد :: تهاني تهاااني وقفي يابنت
تهاني وهي تلتفت عليها :: وينك انتي ساعه استناك وبعدين ليش مقفلة جوالك
شهد :: جوالي ؟ اصلا ماعندي جوال وما لاحظتي اني مكلمتك من تلفون الفندق
بس ذكرتيني اصلا انا جاية وناويه اشتري جوال جديد واطلع شريحه
تهاني بتسأول :: ليه وين جوالك ؟؟!!
شهد بكذب :: ها ضاع مني بالحفلة
تهاني بعدم اهتمام :: طيب يلا ولا وش رايك نروح نتغداء وبعدين نتسوق
شهد وهي تحط يدها على بطنها :: ايوا نروح نتغداء مره جعانه ..
وبعدين نكمل تسويق وش ورانا ..

*


*


*


( المغرب ببيت أم منصور )

جالسه وسط سريرها المتهالك او الفردي
ومتربعه عليه بقميصها الوردي القصير
ماسكه شعرها وتلعب فيه بملل
:: اوووف ياربي وش هالطفش والله الجو اليوم روعه
خساره نجلس بالبيت ولا نخرج على ذا الجو
ضربت جبهتها بخفه وابتسمت ونطت من السرير وهي تنااادي:: يمه يمه

أمها كانت جالسه ع الكنبه الموجوده في الصاله
وحاطه يدها تحت خدها ومتكيه عليها
وتناظر حوالينها بنظرات مبعثره
وبقلبها:: آآآه يالغالي متى تجي وتنور بيتك وحياتي من ثاني
والله فقدتك وفقدت حبك وعطفك علينا وحتى الآمان ضاع من بعدك
ليتك تشوف اولادك ماشاء الله كبرو بس ان شاء الله اكون ربيتهم مثل ماتحب ويرضيك
يارب ياكريم انك تفك ضيقته وسجنه وترجع لنا بالقريب سالم
وتحفظه لنا وتحمي عيالي من كل شر
ياااااااااارب...
فجأة صحت من سرحانها ع صوت بنتها
:: يـــــــــــمــــــه

الام :: هلا ببنتي هلا بـ لبنى الحلوه..

لبنى بدلع وهي تحضن امها وتبوسها بقوه من خدها:: الله لا يحرمني منك يالغاليه منوره والله اموووواه (وتاشر على عيونها)هذي الحلو والله (وتبوسها ع عينها)
ام لبنى بابتسامه لبنتها ودلوعتها:: الله يخليكم لي ولا يحرمني منكم انت واخوك منصوور
لبنى :: ولا منك يالغاليه
(ومسكت اصابيع امها وتلعب فيها))
امها بضحكه ناعمه وهي فاهمه حركات بنتها الوحيده:: لبنى قولي وش عندك وهاتيها من الاخر.. بنتي واعرفك..
لبنى ضحكة بخجل:: امييييي
ام لبنى ::عيون امها
لبنى :: الله يسلم لي العيون وصاحبتها
اممم يمه مرره طفشانه خلينا نخرج بما إن السياره اتصلحت وخرجت بالسلامه
وبعدين الجو اليوم غير حلو ويساعد
اننا نتمشى(وبإبتسامه واسعه) نفسي اروح الملاهي تكفييين يمه
ام لبنى :: بس يابنتي ماقدر اروح معاك والله اني اتعب ماقدر على الخرجات زي أول
لبنى :: يمه طيب انتي ارتاحي بالبيت انا بروح لاتخافين علي الملاهي مخصصه للبنات هاليوم نفسي اروح واشوفها دايم اسمع هيله تتكلم عنها لمن تروح مع بنات خالاتها
تكفيييين يمه لاترديني
أم منصور بإبتسامة وهي ودها ماترد بنتها :: زين يابنتي روحي بس خذي هيله معاك
لبنى بااحباط:: يمممممه افرضي هيله ماتبي تروح
أم منصور :: ماتروحين
لبنى :: يمممممه وش هالكلام يعني بالله هيله وش تسوي لي وبعدين لاتخافين على بنتك تراها عن ألف رجال تعرفيني تربية يدك ولاتشيلي هم يالغاليه الملاهي زي ماقلت لك مخصصه للبنات منصور ينزلني عند باب الملاهي ويرجع يستلمني من عند الباب هههههههه ها وش قلتي قولي طييييب تكفين
أم منصور بقلة حيله من ترجيها :: زين يابنيتي روحي بس ها اصحي تضاربين أحد او تغلطين على أحد إذا وحده كلمتك طنشيها لاتردي عليها مالك ومال المشاكل ابعدي عنها الله يرضى لي عليك
لبنى :: ابشرري يمه والله ماكلمهم ولا ارد عليهم
أم منصور بإطمئان :: زين يابنتي روحي تجهزي وخذي من شنطتي 100 ريال تكفيك ؟

لبنى قامت ترقص من الفرحه :: اي تكفي وتزيد أنا مابلعب بالملاهي بس بدفع حق الدخول واتفرج ياااااااارب يخليك لنا يالله يمه بروح اشوف منصور واقوله
كلمت اخوها واتجهزت واتكشخت وراحت الملاهي


*


*


*

خرجوا من بوابة السوق وكل وحده شايله بيدها
كيسها اللي فيه انواع العطورات وبعض الاغراض واليد الثانية ماسكين فيها ايس كريم بالتوفي اشتروه على طريقهم وهم خارجين من السوق ..
هم ماشين ويتذوقون من الايس كريم اللي في يدهم

رفعت شهد نظرها للسماء وابتسمت :: الله الجوو مغيم شكلها بتمطر

تهاني :: ياسلام لو تمطر تلقيني العب بالمطر خخخخخخخخ


شهد اطلقت ضحكتها :: نسترجع طفولتنا ههههههههههه
وإلا سكتت فجأة على صوت تهاني وهي تغني بصوتها الحلو

ليت الزمن يرجع ورى ولا الليالي تدور
ويرجع وقتنا الاول وننعم في بساطتنا
زمان اول احس انه زمان فيه صدق شعور
نحب ونخلص النية وتجمعنا محبتنا
زمان ما فيه لاغيبه ولا حتى نفاق وزور
ياليته بس او يرجع ونسترجع طفولتنا
صغار قلوبنا بيضا نعيش بعالم محصور
ولا نعرف ابد اغراب ما غير عيال حارتنا
صحيح صغار في التفكير لكن معلينا قصور
نخطط نكسر اللعبة وتسعدنا شقاوتنا
نروح المدرسة بدري ونضحك داخل الطابور
نحاول نزعج العالم في روحتنا وجيتنا
وعشان نأخر الحصة نخبي علبة الطبشور
نشاغب بس في الاخرتميزنا برائتنا
نحب الضحك والهيصة نحب ننط فوق السور
نفرفش ليه ما نفرفش مادام الضحك عادتنا
ولكن دارت الايام وبان الخافي المستور
وصار الهم متعلي على قمة سعادتنا
كبرنا وصارت الدنيا تصف احزانا بالدور
وتهدينا الالم والهم غصب عن عين رغبتنا
تعبنا من بلاوينا احد ضايق وحد مقهور
ولكن غارق بهمه وفي الاخر تشتتنا
وانا ما قول غير الا يا ليت ان الزمن يدور
ويرجع للورى فترة نعدل وضع عيشتنا

جاها صوت تصفيره من وراء

:: ياااااااااااااااااااااااااااااهو ما اقدر على الصوت انا ما اقدر

:: يا ارض احفظي ماعليك

تهاني وشهد ما إلتفتتوا لوراء كملوا طريقهم وهم ساكتين

الأول :: ياااااااااااااااهو علينا التغلي ياااااااااهو ما اقدر على كذا انا

الثاني :: طيب لوو نظرة ياااااااهو

الأول :: انتي ياهو إللي صوتك حلوووو اااااااااااااااااااااااخ لوتعرفي قد ايش صوتك عذاب

الثاني :: ياشيخه ليتني الايس كريم

:: لالا انا على كذا ماقدر ياهو كلمة لو جبر خاطر (يقصد شهد )الأول

الثاني :: لو سلام من بعيد.. ياقمر انتي إللي شعرها وصوتها بعد عذاب

شهد وقفت فجأءة وهي تغلي من كلامهم إلتفتت عليهم إلا وتـبي
تهاوشهم انصدمت وفتحت فمها وقالت بصوتها الناعم
(وتأشر على الأول) :: أنت

انصدم الثاني هاذي نفس البنت اللي جاتهم بالفيلا


شهد زادت عصبيتها وهي تذكر كلمته "عليك فيها ياتركي" وقامت تهزأ فيه
:: انت ياقليل الأدب يااللي ماتستحي على وجهك ماعندك شي اسمه حياء وخوف من ربك وش فيك تلاحقني من مكان إلى مكان


فيصل عصب وطالع فيها :: احترمي ألفاظك اشوف

شهد :: انت اصلك ماتستحي جالس تتغزل في بنات خلق الله ياشيخ خاف ربك ماعندك خوات

فيصل بعصبيه :: وربي ان ما احترمتي نفسك لا ..
(قاطعته شهد )

( نزلت الأكياس على الأرض وحطت يدها على خصرها ) :: وش بتسوي يعني

فيصل وهو مقهور من كلامها وتحديه لا شعوريا كب الببسي بوجهها :: اسوي اللي اسويه ياقليلة الأدب ولا نسيتي نفسك مين تكونين

شهد فتحت فمها بصدمه وشهقت


تهاني منصدمة وبنفس الوقت مستغربه


عبدالعزيز توه يتسوعب مسك فيصل :: فيصلوهـ امش خلاص


شهد صرخت :: ياكلب
راحت عنده ومسكته من التي شيرت حقه وحطت الآيس كريم كله بوجه :: وانا بعد اسوي اللي اسويه

فيصل انصدم
لحظه صمت بـيـن الطرفين
شهد تناظره بنظرات حقد وكره
وهو نفس الشيء
عبدالعزيز مسك فيصل ويبعده عنها :: امش يابن الحلال
تهاني تحركت من مكانها تمسك شهد إللي تبي تضاربه :: شهد يابنت اهجدي
شهد :: اقولك فكيني بذبح قليل الحيا هذا

فيصل ويبعد يدين عبدالعزيز عنه :: لومأنتي بنت كان ذبحتك هنا ودفنتك



شهد :: هاهاها ماتقدر يلا وريني
فيصل عصب :: ا ( سكته عبدالعزيز ) :: فيصل وش فيك تحط عقلك ببنت ماني خابرك كذا

فيصل :: هبله خلني أدبها

شهد سمعته وتبي تروح غير تهاني ماسكتها :: مالأهبل إلا أنت وأشكالك

عبدالعزيز إلتفتت عليها واعطها نظره حادة وبعدها إلتفت على فيصل ماعليك امش يلا امش إذا لي معزة عندك اخصرها وامش ( ودفه من قدامه بقوه )

لين فيصل وعبدالعزيز ابتعدوا عنهم
تهاني وتمسك بـ شهد ::
يابنت فضحتينا تبين تضاربين مع الولد هو وش سوالك ماسوا شي غلط
شهد :: إلا سوى قليل الحيا والله إن شفته المره الثانيه بفقشه

تهاني :: تبين تذبحين الولد ما انتي قدها

شهد بعصبيه :: إلا قدها بس خليني اشوفه مره ثانيه لا اوريه مين شهد لسى ما عرفني زين
بعد صمت لمدة ثواني
تهاني تكلمت :: شهد قد تعرفينه
شهد بسرعة قالت :: لا
تهاني بتسألها قاطعتها شهد :: اقول تهاني لاتفتحي لي محضر يالله مشينا


*



روايات سعوديه جريئه 2014

التوقيع

توقيع
رد مع اقتباس


إضافة رد

أدوات الموضوع


جديد مواضيع القسم الادبي ، شعر ، قصص ، روايات

المواضيع المتشابهه
الموضوع كاتب الموضوع المنتدى مشاركات آخر مشاركة
روايات سعوديه جريئه جدا جدا Eleena القسم الادبي ، شعر ، قصص ، روايات 0 23 - 04 - 2015 07:09 PM
روايات سعوديه جريئه جدا جدا جدا Eleena القسم الادبي ، شعر ، قصص ، روايات 0 23 - 04 - 2015 04:59 PM
روايات سعوديه جريئه جدا جدا Eleena القسم الادبي ، شعر ، قصص ، روايات 0 23 - 04 - 2015 04:50 PM
روايات سعوديه جريئه كامله 2014 Eleena القسم الادبي ، شعر ، قصص ، روايات 0 23 - 04 - 2015 04:44 PM
روايات سعوديه جريئه UoZa القسم الادبي ، شعر ، قصص ، روايات 0 09 - 06 - 2012 01:29 AM


12:25 PM