الفوركس من الالف الى الياء

السلام عليكم و رحمه الله و بركاته
استاذى العزيز الدكتور اسامه بارك الله فيك يا رافع لواء وطنا الاول الاسكندرية و من ثم مصر عاليا
بدون اى مجاملات اقسم ان ده افضل موضوع تعليمى وجده فى منتدى لعده اسباب
1- سهولة و بساطه الاسلوب و الالفاظ
2- البعد عن شرح العديد و العديد من المؤشرات فتكون النتيجه تشتيت المتلقى و خصوصا انك تستهدف شخص جديد فى المجال و يادوب بيتحسس طريقة
3- الموضوع لم يقتصر على الشرح و باقى المشاركات عباره عن مشكور و بارك الله فيك و مثل هذا مما نراه فى جميع المواضع اللى من النوع ده بالعكس الموضوع تفاعلى و ده اجمل ما فية و ده اللى خلانى قرات جميع المشاركات حتى مشاركات التهنئة لارى كيف ستقوم بالرد على الاسئلة و كنت اجاوب عليها و اراجع اجاباتى من اجابات حضرتك و اصحح لنفسى و دى افاده اخرى غير الشرح الاساسى و يمكن اكبر منه بكتير
بارك الله فيك و اثابك بما علمتنا و اتمنا انى اكون احد تلاميذك

اشكرك كثيرا يا امير على مرورك الطيب و الحمد لله الموضوع راقى جدا بفضل الله و بفضل الشباب الرائع الذى جعل منه ذلك..


بداية انا لست استاذا و لازال امامى الكثير و الكثير لاكون كذلك و لن اقبلك احد تلاميذى و لكن اقبلك و بحرارة اخا لى..

اما عن موضوع رافع راس الاسكندرية فكثيرا ما اجد نفسى محل سخرية من كثيرين بسبب هذا العشق للاسكندرية و لكن ما بيدى فانا اعشقها حتى الثمالة,و هذا الموضوع و ورشة المتوسط و النظرية النسبية اهديه الى هذه المدينة و هذا اقل ما اهديه لها و عارف ان فى ضحكات خبيثة من بعض ما يقرأ ما اكتبه الان..
لكن هذا انا ممكن يكون مخى مفوت حبتين بسبب الموضوع ده و لكن لا استطيع فهذه طبيعتى..

اشكرك على اطرائك على الموضوع و الحمد لله على ظهروه بهذا الشكل فالله اعلم كم المجهود الذى بذل فى الكتابة و المراجعة و الشرح..
اسال الله ان يجعلها صدقة جارية و علما ينتفع به..
و انا تحت امرك فى اى شيئ..فقط اكتب سؤالك و سنرد عليك..

الله كريم.,

التوقيع

..:: مواضيــــــعى ::..

شرف كبير ان تكون اخا لى لكن اسمحلى لا تقول موضوع مخك مفوت دى لعشقك للاسكندرية لان هذا يعنى انك حكمت على اغلب ابناء الاسكندرية ان لم يكن جميعهم ان مخهم كمان مفوت و انا بقى مجنون مش مخى مفوت
المهم استاذى عاوز اخد رايك فى صفقة على السريع انوى دخولها على حسابى الحقيقى لكن الاهم من ذلك اريد معرفة رايك فى عده نقاط
اولا طريقة رسمى للتريندات على الشارت
ثانيا نقطه الدخول و الهدف و الاستوب
ثالثا فهمى للنظرية النسبية
بناء على الاتى
1- العملية بيع لاكثر من سبب اولا الخروج من نموزج المثلث نحو الهبوط ثانيا كسر خط 61.8 فيبو ثالثا كسر خط دعم قوى و الاغلاق تحت الثلاث اسباب على شمعه الساعه
2 على شارت ال4 ساعات محققة نسبية تفوق 80% لان الجسم من 98.10 الى 97.45 و الهاى 98.15 و اللو 97.35 و طبعا كاسرة الدعم القوى و خط فيبو 61.8

نقطه البيع اسفل شمعه الكسر
الهدف 60 نقطه و اعلى من خط فيبو 100 و فى نفس الوقت عند المنطقه التى بيها الدعم القوى الذى اندلع منه السعر و الذى كان يسبقة ذبذبة طويلة فى هذه المنطقة
الاستوب تم تحديده اعلى من خط 50 فيبو و اعلى من خط التريند المكسور و اعلى من الشمعه اللتى تسبق شمعه الكسر و مقدار الاستوب 50 نقطه لان اذا وصل السعر لهذه المنطقة معناها ان السعر عكس اتجاه الهبوط و ارتد اعلى الترند من جديد و اعلى من خط فيبو و دخل نموزج المثلث من جديد
ارجو التصحيح اذا كانت وجهه نظرى خطأ



تقبل تحياتى

يا أخى لا مفوت ولا حاجة كل الأسكندرانية كدا أنا لما كنت فى أمريكا كنت على طول أغنى للأسكندرية ( وطبعا دى مغامرة لأن أنت عارف أدارة البيئة عندهم عاملة أزاى وصوتى عامل أزاى لكن ربنا كان بيسلمها) دا حتى يا راجل الناس اللى مش من أسكندرية خالص بيغنولها ومتنساش أغنيتى المفضلة شط أسكندرية يا شط الهوا .

التوقيع

أسف لم أرى المشاركة الا الأن ممكن تنزل الفرص فى ورشة عروس البحر المتوسط هيكون التفاعل أسرع ومن مختلف الأعضاء . وهناك كان الساعة 5 و نص كدا تقريبا أسامة قال لا شراء ولا بيع حتى تتضح الصورة ( لية : بص هناك وتعرف ) ...المهم :
فنيا نعم حدث كسر للترند السفلى أنتظر أعادة الأختبار لتقليل الستوب وهو بيحصل الأن على شارت الساعة ( أنتظر أغلاقها تحت الترند لو أنعكاسية يبقى 100% ) أو لو حتدخل بالنسبية أنتظر 10 نقط تحت لو الشمعة النسبية .... الهدف النهائى كويس بس لو أنا حرفعه فوق شوية مش حأدخل منطقة المقاومات وخللى الهدف الأول 50 نقطة وبعدين رحل الستوب لنقطة الدخول لباقى العقود والأستوب تمام أو أغلاق شمعة فوق الترند ...... والله أعلم

ومنتظرين تعليق دكتور أسامة .

التوقيع

مشكور اخى العزيز على التواصل هو بالفعل السعر يقوم بالتصحيح الان بس انا حبيت احط الفرصة بدرى علشان يبقى فى وقت دكتور اسامه يرد علية لان بعد التصحيح انت عارف امريكا ممكن الهدف يحصل فى ثوانى و ممكن يقعد ساعات على حسب امريكا و جنانها علينا بقى فقول ابقى فى السيف سايت

طبعا دلوقت الأربع ساعات قفلت مش نسبية عشان كدا بنستنى الأغلاق لكن باقى التحليل زى ما هو وأن شاء الله للهدف .
ومنتظر رأى أسامة لأن له علاقات سرية مع برنانكى وتيليفونات وميسدات وكلام من ده

التوقيع

ربنا يبالكلة يا عم انا لسة شايف اخر مشاركه لية فى ورشة عروس البحر كان على اخره و مخنوق
يا رب يكون خير

كلامك سليم فالترند يتم كسره و لكن رسم الفيبو مش مظبوط لانك لازم ترسم الفيبو من اول الموجة مش من منتصفها و الترند عندك مش ملامس الركايز بدقة..

اتفضل ده الرسم الادق..
الله كريم.,

التوقيع

..:: مواضيــــــعى ::..

الف الف الف شكر استاذى الفاضل احنا علطول بنتعلم منك