ورشة القنوات السعرية و الترندات

بالتوفيق الدائم ان شاء الله

مرفق شارتات الاسبوع متتالية لكل عملة

MiroGraphic الاسبوع 30-5 الى 3-6.rar

بصراحة مش عارف اشكرك ازاى او اقول ايه على المجهود ده
اكبر من المجهود المبذول فى الورشة انا نفسى اتعلمت منه كتير لما راجعت كل الكلام على كل عملة لوحده

واكبر درس اتعلمته كان من الدولار يابانى لما لقيت نفسى قايل اكتر من مرة شروط الخروج من الشراء و الدخول بيع و الشروط اتحققت قدامى وانا لسه بدور على فرص شراء و كلها ضربت استوبات تحس ان كان بيحلل الشارت حمادة واللى بدخل الصفقات حمادة تانى خالص
بس الحمد الله ده فعلا اكبر درس اخدته من تجميعك للعملات

شكر واجب ليك صديقى

صباح الخير يا شباب وكل سنة وانتم طيبين رمضان كريم

الباوند و البداية القوية النهاردة تخلينا نحترس من التعامل مع الباوند وازواجه

نظرة سريعة على الباوند دولار وبعد كده نشوف باقى الازواج

الاسبوع السابق الباوند دولار انهى الاسبوع بشمعة هابطة عكس معظم العملات قدام الدولار
ومن رسم منطقة البيع من اول شمعة صاعدة اعلى السعر كان السعر وصلها قبل نهاية الاسبوع نموذج بن بار ومع بداية الاسبوع مداش اى فرصة و هبط حوالى 200 نقطة

حاليا هو عند منطقة الشراء لكن مع كسر الترند 4 ساعات و خسارة كل مكاسبه اللى حققها قدام الدولار فى وقت ضعف الدولار يخلينا نقف نستنى ونفكر
خطة التعامل معاه هى البيع بكسر منطقة الشراء او البحث عن البيع عند سعر 1.445 منطقة بيع على فريم الساعة او 1.458 منطقة البيع من فريم ال 4 ساعات

اليورو دولار حاليا تحت المتابعة

مش عارف ليه لسه بدور على شراء اليورو يابانى و الدولار يابانى

الاسترالى نيوز على منطقة شراء على فريم اليومى
وعلى فريم الساعة كون منطقة شراء

ممكن نشترى من السعر الحالى 1.061 باستوب تحت منطقة شراء الساعة 1.055
هدف اول 1.07

هنتابع اليورو يابانى لو رجع ل 121.40
الدولار يابانى لسه هستنى اغلاق اربع ساعات

بالتوفيق
الله و أكرم

نتابع اغلاق الساعة للباوند