السلام عليكم ورحمة الله وبركاته انا أخوكم في الله محمد عبد المحسن من منطقة العمرانية – الجيزة عمري 28 سنة عندي خبرة بالفوركس تزيد عن ثلاث سنوات كنت اتاجر بالفوركس واحقق ارباح معقولة إلا ان نويت ان اخطب ومن يومها وانا سحبت كل فلوسي من الفوركس لزوم تدابير الخطوبة ، والأن اريد ان اعود مرة اخرى بمحفظة محترمة لعشقي الاول الفوركس لكن المشكلة في عدم توافر المال اللازم.
على فكرة انا كنت من احد ضحايا هيثم الشامي النصاب المعروف وكنت محظوظ انه نصب عليا في 300 دولار فقط. بس انا كنت شايف انه عنده حق في حاجة (استني بس متزعلش) هو مكانش هيقدر يتعامل مع مئات العملاء وتليفونات وإدارة حسابات لوحده وبعدين جمع حوالي 200 مليون يبقى لازم يفكر في النصب حتى لو كان ملاك نازل من السماء الرقم فوق الخيال وانا كنت حاسس بنيته لكن للأسف كنت بكدب نفسي تخيل انت لو عندك 1000 عميل في شركتك كلهم بيكلموك على تليفونك الشخصي ده جنان يا جماعة, كان واضح قوي انه هيخلع ومش هيقدر يكمل وبعدين كان بيقول 60 % مكسب وعمره ماجاب سيرة الخسارة طبعا شيء غير منطقي مع الفوركس اللي في مكسب وخسارة لكن الشاطر هو اللي يطلع النتيجة الاخيرة المكسب اكثر من الخسارة.
بعد الكلام ده حبيت اعمل زي جمعية بين 9 اشخاص وانا العاشر لمده 3 شهور مثلا كل واحد يدفع 100 دولار (اعتقد ده رقم بسيط) ولما نكمل ال 1000 دولار افتح بيهم حساب في شركة الوساطة الخاصة بي وعلى مدار ال 3 شهور الارباح تتوزع على ال 9 افراد_وانا كمان_ بما يرضي الله. وقسما بالله لن ارضي إلا ب 9 افراد, والله المستعان.
طبعا مش عارف مين هيصدقني ومين هيقول ده نصاب لكن انا مستعد للضمانات اللي ترضيكم, ويعلم الله اني عايز اعمل الموضوع ده للإفادة لكم ولي فانا عايز اتزوج وعندي شقة عايز اشطبها وكمان نفسي اعمل محفظة محترمة. كمان عندي فكرة انه بعد اول شهر اكون ان شاء الله ضاعفت مبلغ المحفظة وارد لكل واحد ال 100 دولار بتاعته ونشتغل بالارباح. يارب الاقي حد يقتنع بالفكرة وانا على استعداد اني اقابل اي حد من الأخوة اللي هيقتنعوا بالفكرة ونتكلم في اي حاجة هو عايز يسأل عنها والله على ما اقول شهيد.
التوقيع
حسبي الله لا إله الإ هو عليه توكلت وهو رب العرش العظيم
اللهم يا مقلب القلوب والابصار ثبت قلوبنا على دينك