J كل العالم رايحه وجايه
كل الدنيا دايسه عليا
والانسان الصادق فيا
بقا متغرب وسط الدنيا
وسط الدنيا مفيش احلام
وسط الدنيا بعيش وحديا
كله بيسمع مني ويبكي
من ورا ضهري بيقعد يحكي
والانسان الصادق فيا
بقا متبهدل وسط الدنيا
رغم العمر ده كله مفيش
ولا أمنيه كانت ليا
كل حياتي تمللي لغيري
وغيري اهو سابني وباعني لغيري
ساب لي دموعي وألمي وندمي
وسط الضلمة بعيش وحديا
والانسان الصادق فيا
بقا متمرمط وسط الدنيا
والانسان اللي انا حبيته
وفرح قلبي لما لقيته
اول ما الايام اسودت
والاحلام في طريقها اتسدت
ساب لي الدبله وروح بيته
بس ياريته استنه ياريته
فاتني لوحدي ف وسط الدنيا
سابني لهمي وألمي وندمي
وسط الضلمة بعيش وحديا
والانسان الصادق فيا
حسرة عليه وحسره عليا
قبل ما اشوفك ولا علي بالي
ان العالم كله ضلالي
وان اللي بيضحك لي الضحكة
مستني تمنها بالغالي
كله وشوش كدابه غبيه
ساعة الجرح تقول وانا مالي
كله بيجرح وانا بتحمل
عايز اعيش عايز اكمل
بس خلاص مش قادر استحمل
الموت ليا اكبر امنيه
والانسان الصادق فيا مات مقتول جوه الاغنيه