رد: ورشه الاخلاص لله ((وليكن شعارنا نتكاتف لا نتشاجر ))
اقتباس:
المشاركة الأصلية كتبت بواسطة flymero
ياعم عمرو فى مشاركة ورا ممكن تعجبك واحتمال تعرفك احنا وصلنا لفين بعد الثورة
يا عم عمور حئك عليا شوفتها والله وكنت ناوى ارد بس انا شغال حاليا فى 10000 حاجه وقلت لنفسى أول لمل هفضى هرد على العمور بس بعد كده نسيت ( نسألك السماح ) يازعامه
شوف ياسيدى انا زمان أيام الشقاوه ربنا يغفر لنا كان الرجاله فى مصر حابسيين نساوينهم وبناتهم فى البيوت
ومشافوش الشارع الا لما المانيا نورت بيا
لما ام ياسين ربنا يكرمها زفت لى الخبر انها حامل قلت احمدك واشكر فضلك يارب بس يارب يكون ولد علشان لو بنت هتبقى مصيبه ( افعل ما شئت كما تدين تدان ) انا طول عمرى بخاف من الجمله دى
رحت لواحد شيخ بحبه اوى بعد كده بقينا صحاب , المهم سألته لو مراتى حامل فى بنت ينفع اسقط ولا حرام بالرغم انى عارف الأجابه فضحك وقالى طب ماهو ممكن يجيلك ولد ويطلع (خوخو ) شاذ جنسيا , ايه الفرق بقى . يادى الفضايح فى الدنيا والأخره
خفت اكتر واترعبت وقاعدت اصلى لله ان ربنا مايعاقبنيش فى عيالى لأنهم ذنبهم الوحيد انى ابوهم .
شوف ياعمور ربنا سبحانه وتعالى كريم جليل ذوالجلال لا يخلف العهود ولا الوعود , اعمل عهد مع الله انك تبطل معصيه تكون بتحبها أوى فى مقابل ان ربنا يحافظ لك على أولادك , صدقنى ربنا هيوافق وينفذ لك طلبك وعمره ماهيخلف عهده ابدا .
وبما ان اجمل معصيه بالنسبه لى كانت الحريم فأنا عاهدت ربنا سنه 2001 انى اتوب عنهم فى مقابل انه يحافظ على عيالى ويبارك فيهم
الله خير حافظ وهو ارحم الراحمين
وبعدين تعالى هنا ,خلينا صرحاء مع نفسنا بذمتك ياشيخ مش لو على احنا كان فى موبايل مش كنا عملنا زيهم ؟؟ بل بالنسبه لى يمكن اكتر
متشغلش بالك يازعيم هو عارف بيعمل ايه
التوقيع
الحمد لله وداعا للخساره يافوركس واهلا ثم اهلا بالربح النَّاسُ أَعْدَاءُ مَا جَهِلُوا
اتَّقُوا ظُنُونَ الْمُؤْمِنِينَ، فَإِنَّ اللهَ تَعَالَى جَعَلَ الْحَقَّ عَلَى أَلْسِنَتِهِمْ.
خَالِطُوا النَّاسَ مُخَالَطَةً إِنْ مِتُّمْ مَعَهَا بَكَوْا عَلَيْكُمْ، وَإِنْ عِشْتُمْ حَنُّوا إِلَيْكُمْ.
لِسَانُ الْعَاقِلِ وَرَاءَ قَلْبِهِ، وَقَلْبُ الْأَحْمَقِ وَرَاءَ لِسَانِه