غباء البنك المركزى المصرى

الموضوع ببساطه زى العنوان فكره ان البنك يرفع سعر الدولار الى 16 جنيه فكره غبيه بكل المقاييس لاان السؤال الحقيقى لحل هذه الازمه هى مش ان الدولار سعره كام؟
لكن الدولار موجود ولا مش موجود؟
طيب لما يرفع البنك السعر ل16 جنيه هل ده معناه انك معاك دولار وعايز تخلى الناس تجيللك عشان تقضى ع السوق السوداء انا شخصيا اتمنى ذلك لكن كل المقاييس بتقول ان لسه الوضع كما هو وان هناك ازمه فى وجود الدولار
طيب ماهو لو البنك معاه دولار يبقى تمام اما بقى لو ممعهوش يعنى لوروحت البنك بكره قلتله لو سمحت عايز 10 الاف دولار هيقولى منين ؟ هقوله شكرا
يبقى بكره هنلاقى السوق السودا الدولار فيها بقى ب30 جنيه وده نتيجه غباء البنك والقائمين عليه ده غير المشاكل المرتبطه بغلاء الاسعار والتضخم لااننا بلد مستورد الايام القادمه هتوضح ولكنى اشك ان يكون البنك هيقدر يلبى احتياجات الناس من الدولار وتبقى الخطوه ايلى عملها دى ماهى الا زياده وتسريع فى وتيره ارتفاع الدولار امام الجنيه فى السوق السودا

ياريت نتكلم عن البنك المركزى باسلوب أحسن من كده

البنك المركزى ده بتاعك وبتاعى وبتعنا كلنا

التوقيع

اهلا اخ احمد انت لو تعليقك على كلمه غباء اظن ان انت المفروض متزعلش ع البنك المركزى وتزعل على المواطن المصرى ايلى هو انت وانا والناس ايلى فى الشارع ايلى بتدفع ضريبه الغباء انا للاسف مش هقدر اعتذر عن كلمه غباء ايلى اختصتها بالبنك المركزى لاانها فعلا تصرفات بتأذى المواطنين فى لقمه عيشهم
يعنى معلش مع احترامى لحضرتك لو جت بكره الحكومه عملت قرار بسببه ناس كتير هتتأذى وجيت انت قولت الحكومه غبيه هل ده معناه انك مثلا بتهين بلدك لا طبعا لاان انت ساعتها هتبقى بتهين ايلى بيضر بلدك والاختلاف فى الراى لايفسد للود قضيه ياابو حميد

اقتباس:

المشاركة الأصلية كتبت بواسطة هيثم احمد

اهلا اخ احمد انت لو تعليقك على كلمه غباء اظن ان انت المفروض متزعلش ع البنك المركزى وتزعل على المواطن المصرى ايلى هو انت وانا والناس ايلى فى الشارع ايلى بتدفع ضريبه الغباء انا للاسف مش هقدر اعتذر عن كلمه غباء ايلى اختصتها بالبنك المركزى لاانها فعلا تصرفات بتأذى المواطنين فى لقمه عيشهم
يعنى معلش مع احترامى لحضرتك لو جت بكره الحكومه عملت قرار بسببه ناس كتير هتتأذى وجيت انت قولت الحكومه غبيه هل ده معناه انك مثلا بتهين بلدك لا طبعا لاان انت ساعتها هتبقى بتهين ايلى بيضر بلدك والاختلاف فى الراى لايفسد للود قضيه ياابو حميد

انت مافهمتش مشاركتى خالص

عموما خير أخى هيثم وماجتش يعنى على القرار ده
يعنى هو اول قرار يـ***نا ... ولسه القرارات اللى جاية اقوى
خلاص بقى اتعود على كده وابتسم للحياة وخد مسكن للالم

التوقيع

ممكن يوصل 30 و 50 و 100 جنية كمان
فى حالة لو البنك فتحها على البحري وبيدي دولار لاي حد
لكن الدولار بيوصل للمصدر الى فاتح اعتماد او واحد مسافر وكداة وطبعا بحد معين ...
المشكلة بصراحة هي زيادة سعر السولار الى ارتفعت دلوقتي

التوقيع

والله ياابوحميد\
كلمه غباء قليله بحقه صدقا (من ناحيه اقتصاديه )
للاسف
قلتها من زمان هو بيعالج الفروع ويترك المشكله الاصليه
حتى تزيد وتزيد وتزيد
هذا الحل كان لازم من االاول مش الان
بس والله مابعرف ايش القصه
مصر ام العقول الاقتصاديه
معقوووووووول
الان عرفوا انه هذا هو الحل
والله غريب غريب

حبيبى ياابو حميد ربنا يستر ع البلد دى وخلاص نقضيها مسكنات بقى وعموما انا بطالب الاداره بتعديل عنوان الموضوع من غباء الى سياسه نمشيها سياسه يلا ياعم عشان متزعلش

على فكره هو لو بيدى دولار لااى حد هتتحل المشكله وهيقضى ع السوق السودا وسعره هيرجع للطبيعى بس المشكله انه مفييييييييييش

اقتباس:

المشاركة الأصلية كتبت بواسطة mody20041

ممكن يوصل 30 و 50 و 100 جنية كمان
فى حالة لو البنك فتحها على البحري وبيدي دولار لاي حد
لكن الدولار بيوصل للمصدر الى فاتح اعتماد او واحد مسافر وكداة وطبعا بحد معين ...
المشكلة بصراحة هي زيادة سعر السولار الى ارتفعت دلوقتي

مصر مش دولة واقعة قوى لدرجة دى عشان يوصل الدولار لهذه الارتفاعات
مصر مواردها جبارة تحتاج من يديرها (ويقطع يد السارق)

مصر يتم نهبها منذ الاف السنين ومازالت قائمة ثابته قوية مليئة بالخيرات رغم ماتمر به من محن
مصر تنتظر من يتقى الله ليعمل على حماية هذه الموارد من السرقة وادارتها لتنتج
مصر افضل بكتير من دول اخرى (متقدمة) من حيث الموارد

ولكن للاسف حتى الان مازالت مصر تبحث ...

انا مش بقول كلام اعلام ولا كلام محفوظ وخلاص

كل مانحتاجة هو الرجل المناسب فى المكان المناسب وسترى الخير

التوقيع

السلام عليكم
ااخى هييثم
اتفرج علىى القرارات اللى بعد كد
يمكن اتفق مغاك ان السوق السودة حتشد شويه يعنى 3 شهور بالكثير
طبعا انا مش خبير اقتصادى و لا حاجه بس السنين علمتنى احط نفسى مكان اللى قدامى
خدها منى كلمه اخيرة تانى مرة 3 شهور ما فيش سوق سودة خلاص خلصت
البنوك هى شركات الصرافه يعنى اليوم البنوك مختلفه عن بعض فى الاسعار و السعر متغير كل شويه و على الشاشه عرض و طلب مش سبوبه لشويه سريحه و شركات بترفع براحتها علشان اللى معاة يبقى معاة اكتر و اللى معهوش يبقى معهوش اكتر
يا رب احفظ مصر و المصرين
تحياتى