الوضع العام لسوق صرف الجنية المصري الان

الموقف الان في سوق الصرف - 1:
في اليوم الخامس للتداولات بالنظام الجديد، اجمالي التداولات بين البنوك (واللي بيتحدد على اساسها سعر الصرف من خلال الية الانتربنك) بلغت النهاردة 250 مليون دولار .. لكن اللي البنوك اشترته بالفعل من السوق بلغ 80 مليون دولار في ال3 ايام الاولي ، ولم تصدر ارقام محددة لليوم والامس حتى االان ..
.
المؤكد من مصادر متعددة ان البنوك تشتري فقط ولا تبيع (الا بشروط صعبة ولعملائها فقط وبالذات عملاء الائتمان) وبالطبع بالاسعار الجديدة ..
.
وطبعا معنى ان البنوك مش بتبيع ان السوق الموازية مستمرة وبتيع باعلى من اعلى سعر في البنك اللي هو وصل حتى هذه اللحظة 17.75 .. البنوك في المقابل مستمرة في رفع اسعار الشراء عشان توجه حاملي الدولار للبنوك بدلا عن التجار ..
.
البنوك الحكومية هي اللي مولعة سوق العملة بنفسها .. النهاردة بتشتري باعلى سعر وبتبيع باقل سعر .. الفارق 5 قروش فقط .. عموما هو جيم مفتوح .. لكن بالشكل ده هنشهد حرب اسعار عنيفة في الفترة القادمة ..
.
الارتفاع في السعر مستمر حتى تصل البنوك الى حصيلتها المستهدفة .. والحصيلة دي لازم تكفي على الاقل لتغطية المراكز المكشوفة للبنوك ذاتها (صافي الاصول الاجنبية اللي هو كان سالب 5 مليار دولار في يوليو الماضي) .. والحقيقة ان على افضل تقدير البنوك لم تجمع 1% من هذا المستهدف .. وبالتالي السعر مرشح للتزايد وعبور ال20 جنيه مرتاح ..
.
عملاء الائتمان المكشوفين للبنوك بالدولار، ودول على اقل تقدير حوالي 3 مليار دولار، واللي هما اصلا استلفوا على السعر الرسمي القديم، ببساطة شديدة بيتكبدوا خسائر فادحة بشكل يومي مع كل ارتفاع في سعر الدولار .. تخيل انك استلفت مليون دولار على سعر 9 جنيه مثلا واشتريت بضاعة وبعتها من غير مكسب (جدلا يعني) المفروض النهاردة تسدد 18 مليون جنيه عشان تغطي المركز بتاعك مع البنك .. يعني هتضطر تسحب من راس مالك او ترهن اصول كانت ملكك أو تعلن افلاسك وخلاص .. لكن في حالة اعلان الافلاس البنك هنا هو اللي هيتكبد الخسارة 9 مليون الفارق ده .. لما نتكلم عن 3 مليار دولار فدة معناه 27 مليار جنيه خسائر (حتى الان) اما ان يتحملها العملاء او تتحملها البنوك او كلاهما .. حاجة كدة زي الكابوس يعني ..

المشاركة الأصلية كتبت بواسطة mody20041

لكن في حالة اعلان الافلاس البنك هنا هو اللي هيتكبد الخسارة 9 مليون الفارق ده .. لما نتكلم عن 3 مليار دولار فدة معناه 27 مليار جنيه خسائر (حتى الان) اما ان يتحملها العملاء او تتحملها البنوك او كلاهما

المشاركة الأصلية كتبت بواسطة mody20041

الكلام منقول لافادة

المشاركة الأصلية كتبت بواسطة soka

عايز افهم هذه النقطة لو سمحت يا اخ مودي؟؟
ازاي بنك يتحمل ا افلاس عميل وهو اصلا واخد ضمانات عليه من اصول او دائع بضمان الاموال المسلفة للعميل لديه

البنك لا يسلف احد الا اذا كان هناك مقابل لدي العميل
واعتقد الضمان بيزيد عن الاموال المسلفة؟؟ اليس كذلك