استفسار paypal

السلام عليكم
كيف يمكن تحويل رصيد من الماستر كارد الى الباي بال
وشكرا

مايحتاج تحويل حبيبي

بمجرد تسجيلك للفيزا في الباي بال راح يتم الخصم مباشرة من الفيزا على أي عملية شرائية تقوم فيها

اشكركم شباب
الموقع يقبل الشراء بالماستر لكن عند الضغط على شراء ينقلك مباشرة لحساب باي بال!
ماذا بعد هذه الخطوة ليتم الخصم مباشرة من الماستر كارد.
مع العلم انه تم اضافة معلومات الماستر كارد على موقع الباي بال وتم تفعيلها.

مادام اضفت الفيزا خلاص
اذا حولك على حسابك باي بال
ادخل اليوزر والباسورد بحسابك باي بال
راح يتضح قدامك المبلغ اللي راح يتم خصمه
كمل اجراءت الدفع
وراح يتم تنفيذ العمليه وتوصلك رساله من البنك بخصم المبلغ من الفيزا

تمام تم الدخول على الحساب
كيف استكمل اجراءات الدفع لخصم المبلغ من الماستر

http://forum.borsaat.com/uploaded/419167_1479211806.png

ابو خلود حبيبي

افهمني
الان سلمك الله تروح للسلعة الموقع اللي تبي تشتري منه
راح تلقى خيارات الدفع سواء فيزا او باي بال او غيره من وسائل الدفع

انت اختار دفع قيمة المشتريات او السلعه من خلال الباي بال
راح يحولك على صفحة تحط فيها اليوزر والباسورد الخاص بحسابك باي بال
بعدها راح تجيك اوامر اتمام عملية الشراء وهالصوره مثال


وراح توصلك رساله على جوالك بخصم المبلغ في حال تمام العمليه

اشكرك على الاهتمام
والله فاهم عليك سويت كل الي قلته
1- ذهبت للسلعة
2- تم اختيار طرق الدفع عن طريق الباي بال وتحويلي لحساب الباي بال
3- تم ادخال اليوزر والباسوورد وحولني لصفحتي في الباي بال
4- السؤال الآن: اين اتمام عملية الشراء التي تفضلت بها من خلال البرنت سكرين الموضح؟؟

http://forum.borsaat.com/uploaded/419167_1479211806.png

المفترض مايدخلك على موقع الباي بال
تطلع لك نفس الصفحة والبيانات مثل الصوره فالاعلى
عموما ارسل لي رابط السلعه على الخاص اذا حبيت
انا راح اجرب بحسابي واصور لك

اخي الكريم
اشكرك على الاهتمام مرة اخرى
تم تحويلي تلقائيا بعد تجربة عدة مرات لصفحة اكمال الدفع
اشكرك تحياتي لك