ورشة توصيات ميرو أرثر

اقتباس:

المشاركة الأصلية كتبت بواسطة MiroGraphic

اليورو اكد تحليل الكسر الكاذب لمنطقة ال 3 ذيول الشراء و ارتفع منها بقوة و كسر كل مناطق البيع
وصفقة البيع اتقفلت عندنا محققة هدفين اتنين فقط

شهر 12 وبركات شهر 12

بالتوفيق اخي ميرو علي المتابعه المستمره والجهد الرائع

والف مبروك الارباح يا غالي

كنت عايز اسألك بالنسبه للعقود اللي بتبقي مفتوحه لتكمله الاهداف مثل الثالث والرابع اتقفلت امتي ؟؟

في اعضاء بتابعك يا غالي وبيسيبو العقود الباقيه مفتوحه لحد لما انت تقول اقفلوها مثلا وبيفضلو فاتحنها لحد متضرب ستوب

طبيعه الناس بقي لازم تستني تعليمات امتي تدخل وامتي تخرج

التوقيع

شكرا على متابعك يا صديقى

العقود دى للهدف التالت و الرابع بنسيبها فعلا ولما بترجع تضرب استوب هتتحسب استوب

لو متابعنا فى موضوع التوصيات توصيات ميرو و ارثر دى طريقة الحساب بتاعتنا

يعنى لو استوب 30 نقطة الهدف الاول بيبقى 30 و التانى 30 * 2 التالت 30*5 الرابع 30 * 10

لو حقق هدفين وضرب استوب بنحسبها 30 + 60 - 30 - 30 = 30 نقطة
ولو حقق 3 اهداف بنحسبها 30 + 60 + 150 - 30 = 210
ولو ضرب استوب بتبقى -30 * 4 = -120 نقطة

الفرق بين موضوع التوصيات و ورشة المسابقة هى اختلاف طريقة حساب النقاط فى المسابقة مش بيجمع نقاط العقود النقاط المشتركة بتتلغى

فى نفس الوقت انا مش عارف الطريقة بتاعتى هيحسبوا عدد النقاط ازاى و سالت الادارة ولسه محدش رد عليا

فى موضوع التوصيات بنحرك بعض العقود على مكسب ونحجز ارباح
فى ورشة المسابقة الحركة دى مش هتفيد فى عدد النقاط علشان لو العقد التالت مثلا ضرب استوب على مكسب 50 و العقد التانى محقق 60 مش هيتحسب 110 اعتقد هيحسبوها 60
فعلشان كده بسيبها لا هدف لا استوب واحيانا اغلاق قبل الهدف بس يكون العقد اللى هغلقوا محقق نقاط اكتر من اللى اغلق قبله
ده علشان المسابقة

وفرصة فى نفس الوقت لمعرفة قوة نقاط الدخول لاى مدى السعر هيتحرك فى الاتجاه

للاسف فى صفقات كتير كانت موجودة فى التحليل و مدخلتش توصيات ووصلت هدف رابع
انا بسجلها علشان احدد قوة الاستراتيجية

وبالتوفيق ليك يا غالى

بكرة يا غالى انا هبعت نقاط كل صفقة بالتفصيل بالطريقة المتبعة
اللى هى لو عقد ضرب استوب هحسبه استوب
انا كنت مستنى رد من الادارة فقط للتاكيد على طريقة احتساب النقاط علشان محسبش انا بطريقة و يحصل تشتت فى النتيجة بتاعة الادارة
لكن اوضح بس للناس مش هى دى طريقة المسابقة ومش هى دى النقاط اللى هتتسجل فى المسابقة

متابعة الصفقات و حساب النقاط بطرق مختلفة



طريقة حساب النقاط الاولى (المعتمدة فى موضوع التوصيات)
يتم حساب كل عقد مستقل بعدد نقاطه المكسب و الخسارة
عدد النقاط (+550 نقطة)


طريقة الحساب الثانية (أعتقد طريقة المسابقة)
لا يتم احتساب النقاط المشتركة بين العقود
مثال صفقة هدف اول 25 هدف تانى 50 هدف تالت 125 هدف رابع 250 الاستوب 25
فى حالة ضرب الاستوب يحتسب -25 نقطة
فى حالة تحقق هدف اول ثم ضرب الاستوب يحتسب 25 عقد هدف اول -25 عقد هدف تانى = 0
فى حالة هدف تانى تحقق ثم ضرب الاستوب
لا يتم جمع 25 +50 علشان كان فى 25 مشتركة بين العقد الاول و التانى
يحتسب 50 هدف عقد تانى - 25 عقدين الاستوب = +25
فى حالة هدف تالت يحتسب 125 - 25 = 100
فى حالة هدف رابع يحتسب 250 - 25 = 225
والله و أعلم

فى هذه الحالة عدد النقاط (+750 نقطة)

الطريقة الثالثة دى انا وارثر بنستخدمها علشان نقيس مدى فاعلية نقاط الدخول بتسجيل اقصى هدف تم اغلاق عقد عليه

بدات بأهداف 1 و 3 و 6 و 10 من الاستوب
والان هى 1 و 2 و 5 و 10 من الاستوب
ويوجد الان مفاضلة بينها و بين 1 و 2 و 4 و 8 من الاستوب

تحديث تحليلات( الدردشة )

نبدأ بعد هدوء نسبى للاسواق نتابع التحليلات بالاستراتيجيات المعتمدة فى الورشة

الاسترالى دولار

الفريم اليومى

مازال السعر صاعد من منطقة دايفرجنس الشراء اللى دخلنا منها شراء وحقق 3 اهداف و فى انتظار الرابع

وفى منطقة شراء اتكونت باستراتيجية دايفرجنس الشموع
من جهة البيع

السعر مطبق استراتيجية كسر ترند الزجزاج مرتين اول منطقة بيع دخلنا منها اعادة اختبار الترند المكسور والسعر حقق 3 اهداف و لسه منتظرين الرابع

السعر كون عند المنطقة دى استراتيجية 3 ذيول شموع والسعر لما وصبلها امبارح هبط منها حوالى 40 نقطة

فى منطقة تانى اعلى شوية بتمثل كسر ترند الزجزاج وفى نفس الوقت استراتيجية 3 ذيول شموع



فريم الاربع ساعات
السعر الاسبوع اللى فات حقق استراتيجية كسر ترند الزجزاج (لم يحقق قاع اقل)
ومع اختبار الترند المكسور و فى نفس الوقت منطقة 3 ذيول شموع هبط السعر



فريم الساعة

مع بداية اليوم السعر حقق نموذج دايفرجنس بيعى و نموذج دايفرجنس شرائى

مع اعادة اختبار نموذج البيع السعر هبط 35 نقطة حتى وصل منطقة الشراء
مع اعادة اختبار نموذج الشراء السعر صعد 70 نقطة حتى وصل منطقة 3 ذيول شموع
مع الوصول لمنطقة 3 ذيول شموع السعر هبط 40 نقطة

اليورو دولار

كون منطقة 3 ذيول شموع شرائية
السعر امبارح كسرها و فى التحليل توقعنا انه كسر كاذب لكن مستفدناش من التحليل

على فريم الاربع ساعات واضح انه محصلش اغلاق تحت المنطقة و السعر لما رجع تانى ليها كون بن بار و صعد حوالى 200 نقطة

تحديث صفقة الدولار فرانك الشراء العقد الرابع ضرب استوب و حاليا هى صفقة مغلقة

الدولار فرنك

على الفريم اليومى السعر ارتد من منطقة 3 ذيول شموع بيعية هبط حوالى 100 نقطة يعنى هدف اول و تانى



على فريم الساعة فى دايفرجنس شموع شرائى
هنستنى اغلاق الساعة لو الاغلاق فوق منطقة الدايفرجنس ممكن ندخل شراء باستوب صغير

الباوند دولار
مازالت مناطق 3 ذيول شموع و دايفرجنس شموع شرائى مسيطرة
مفيش فرصة للبيع