{ $/£ أسعار الدولار مقابل الجنية المصرى يوميا بجميع البنوك المصريةوآخر الاخبار £/$}

بصوا يا جدعان، اغلب الناس محوشة فلوسها دولارات مش علشان تضارب ولا تكسب، ولكن يدوب علشان تحافظ على قيمة فلوسها من الانهيار.
يعني اغلب الناس محوش مثلا خمستلاف دولار من سنة ولا بيزيدوا ولا بينقصوا، علشان عايز يبيعهم لما السعر يعلى علشان يعمل بهم حاجة، يشتري بهم حاجة، يتجوز، يجوز بنته، يدفع مقدم شقة و بس،،، مش تجارة يعني.
المهم،، بيدخل ناس يوهموك و يقولوا لك الحق بيع قبل الانهيار، الدولار يترنح، اخلص منه و السعر عالى و لو عايز تضمن فلوسك دولارات برضه، لما يقل ابقى اشتري تاني. و هي دي النقطة المهمة.
اللى هي نقطة ( بيع النهاردة بسعر عالي و اكسب و لما يقل ابقى ارجع اشتري تاني)
فكر بقه و قولي:
- بذمتك انت لو رحت النهاردة تشتري من بنك او صرافة، هل في حد بيرضى يبيع لك؟ طيب اشمعنى بتوع اللجان عايزينك انت تبيع؟ خايفين على مصلحتك أكيد
- طيب البنك و الصرافة اللى هم خبراء الاقتصاد و العملات بيشتروا منك ليه النهاردة بتمنتاشر و نص لو هم عارفين ان السعر هيقل؟ يا ترى بيحبوا الخسارة مثلا؟
- طيب نفترض انك بعت و السعر قل فعلا، هل تتوقع انك لما تروح البنك او الصرافة تقولهم عايز دولار من ابو خمستاشر اللى انا بعته لكم الاسبوع اللى فات بتمنتاشر، هل تتوقع انهم يبيعوا لك و يخسروا فيه؟ يعني برضه مش هتعرف تشتري لو السعر قل كام جنيه.
الفكرة يا جدعان للناس اللى شقى عمرها في الكام دولار اللى شايلينه للمستقبل،،، لكن التجار و المضاربين هم عارفين بيعملوا ايه كويس و مش بيأثر فيهم كلام اللجان بتاعة 50%

المشاركة الأصلية كتبت بواسطة hisham.m.younes

بوست ظريف جدا وسهل الفهم للجميع رغم أسلوبه الساخر
ألاحظ أنك حصلت على نجمة ذهبية جديدة صديق Rock وتستحقها طبعا عن جدارة
قريبا تصبح (جنرال ) وسنحملك وقتها ما يحدث من مصائب للجنيه المصري

المشاركة الأصلية كتبت بواسطة تأبط خيرا

موضوع اسعار الجنيه مقابل الدولار وقرائة المستقبل لا تعرف كم عامل قلق وماخذ جزء كبير من تفكير المصريين المغتربين فعلى سبيل المثال زملاء مصريين لي في العمل بالخليج حديثهم الصباحي اليومي وقبل فنجان القهوة هو الجنيه واسعاره ونبيع او لا والعبد الفقير لله معروف عني في وسط زملاء العمل اني اتتداول بسوق الفوركس وشوف كم الاستقسارات اليومية والاتصالات واخيرا وجدت مهرب ظريف من الموضوع بحيث افتيت من عندي بقاعدة لاتخلص من المسؤولية في اموال العباد فأخترعت جواب انه ببساطة شوف احمد موسى يحذر من ايه وانت اعملو والي يشجع عليه اعمل عكسو ........ الله يرحم ايام العكش لو كان موجود كان اخذ مكان موسى او تم استخدام احدهم فلتر للثاني

اللهم هيئ لهذه الامة كل الأمة من امرها رشدا وأصلح احوال العباد وأزح الغمة وارفع مقتك وغضبك عنا ووفقنا لما تحب وترضى