طريقه Arbitrage القديمة

عجبتني الجملة التي كتبتها '''''' لكن في الاربتراج انا ابحث عن عملات تكون فيها فجوات سعريه بين سعر تغيرها''''''، بما انك تحب الهيدج فانت تعرفه جيدااا و خصوصا الثلاثي و بما انك تبحث عن الفجوات السعرية (و هذا الشئ لي ملخبطني) لهذا قمت باخفاء نوع الصفقات في الصورة التي ارفقتها في الاول

بالنسبة للثلاثة ازواج التي ارفقتها
باوند/دولار
دولار/فرنك
باوند/فرنك
لوكنت تعمل على الهيدج الثلاثي فممكن تبيع الزوجين الاوليين و تشتري الثالث او العكس

و لكن حاب اعرف كيف البحث عن تغير التسعيرة
يعني انت واضع نوع الاوامر ايه ؟؟؟ امام العملات............

سؤال جميل ولو اني اري به هجوم مسلح
ماعلينا


بص يا سيدي الفرق بين الهيدج الثلاثي والاربتراج

الاول بتبحث عن غملات تكسب منهم فرق السعر يعني

الجنيه المصري تحوله دولار وتحول الدولار دينار كويتي وتحول الكويتي تاني مصري وترجع للحلقه من الاول بمكسب بدون بيع او شراء اي سلعه

كدا انت هاتكسب

انما في الهيدج لازم ادور علي عملتين علي الاقل اعمل بيهم هيدج لبعض

ابيع اليورو دولار واشتري الدولار باوند

ليه ؟

لان العملتين مرتبطين ببعضهم البعض لو واحدة طلعت التانيه تنزل وفي عملات العكس

لو طلعوا يطلعوا مع بعض ولو نزلوا ينزلوا مع بعض

واكيد مش هاينفع اعمل هيدج اشتري الدولار وابيع المصري وهما ملهمش اي علاقه اصلا ببعض كل واحد في وادي

في موقع متخصص في ترابط الازواج علي فكرة

موضوع اني مخبي فدا عشان محدش يعمل زي منا عملت في الصورة وهو مش فاهم امتي يدخل وازاي يدخل
يفلد وخلاص وبعدين يخسر يقول عليا لبسته في الحيط
دا غير وجهه نظري ان الموضوع اصلا حرام

التوقيع

ههههه و الله لا هجوم و لا شئ و لكن حبيت اتعلم فقط و على فكرة قرات موضوعك
http://forum.borsaat.com/t783155.html
و قد اعجبني جدااا ...
و لكن حاب اتعلم الاربيتراج بطريقتك لو تسمح و تشرح اكثر لاني لم افهم جيدااااا.

قال حرام قال

و البتعمله الشركات فينا حلال ، ما شاء الله

شخصيا لو لقيت ان القنبلة النووية ممكن تعمل أرباح مضمونة من السوق دا مش حتردد لحظة في استخدامها

قال حرام قال

بص

الاربتاج بيتعمل علي اكونت حقيقي وليس ديمو

واللي يقولك اختبره علي ديمو يبقي بيشتغلك

لعده اسباب

اولهم ان الاربتراج يعتمد علي قنص الفرص ووقت الاخبار الجامدة

يا فرحتي لما اتعلم علي الديمو وابقي تمام واجي علي الحقيقي مش لاقي فرصه

ثانيا ممكن تشتغل علي الديمو زي الفل لكن تيجي علي الحقيقي الشركات تمنعك يبقي لازم تشتغل علي الشركة علي الحقيقي عشان تعرف بتقبل الطريقه ولا لا

ثالثا ودا الاهم ان السبريد بتاع الشركات معظمه علي الديمو مش زي اللي علي الحقيقي

يعني تشتغل علي الديمو والفجوة السعريه مثلا انت كسبان منها 10 نقط وتيجي علي الحقيقي تلاقي السبريد مثلا 4 نقط يبقي اربع نقط في 3 صفقات يبقي 12 نقطه

يبقي هاتفضل طول الوقت خسران نقطتين وعمرك ما هاتشوف الجرين

تخيل مرة كان لي صديق الماني من حوالي 4 سنوات وكان يعمل علي الحقيقي وكان يشتغل اربتراج

فتح ال3 صفقات وكان منتظر خبر عالي ووقت الخبر بالظبط اغلق جميع الصفقات بنقاط بسيطه لان البروكر كان لم يتأثر بعد

وفتح صفقات جديدة والله اخدي العملات سجلت +201 نقطه والاخري 100 نقطه وشيء والاخري الخاسرة كانت اقل من 10 نقاط

تخيل كسب والله اكثر من 24000 دولار في هذه الحركة

ومن جبرروته كرر العمليه اكتر من مرة علي نفس البروكر وكان لا يعمل الا وقت الاخبار العاليه

دا غير موضوع ثغرات عند البروكر كان بيستغلها ايضا

ولكني عمري ما فكرت في حاجة زي دي

اتعلمها اه بس اكسب منها لا حد الله

التوقيع

التوقيع

انا لي مش فاهمو يعني تقصد الهيدج الثلاثي هو نفسو الاربيتراج لي عمل بيه صاحبك؟؟؟
على حسب قصة صديقك الالماني انه فتح صفقات على ثلاثة ازواج و لنفرض اخذ الازواج لي عملت بيها انت و ناخذ مثال عليها و نضع نتائج صاحبك:
باوند-دولار بيع ربح +200 نقطة
دولار-فرنك بيع ربح +100 نقطة
باروند دولار شراء خسر 10 نقاط
يعني لو كانت العملية عكسية راح الحساب .....؟؟؟ الا اذا كنت انا فاهم غلط و الازواج لا تاخذ هكذا يعني تاخذ بيع -شراء بيع ......

الهيدج هو البحث عن عملات لها ارتباط ببعض ابيع واحدة واشتري التانيه او ابيع واشتري نفس العمله في نفس الوقت

الاربتراج الثلاثي هو البحث عن عملات السعر الخاص بهم يجري بعضهم البعض وراء بعض

يعني 3 ازواج زي المجانين لو واحد طلع اتنين نازلين ولو اتنين نازلين واحد طالع بحيث يكون المحصله في النهايه حلقه مغلقه مستحيل تكون خسرانه ايا كان اللي طلع واللي نزل
زي الصورة اللي ارفقتها

مهما السعر طلع او نزل او هبد راسه في الحيط هافضل كسبان والصفقه جرين

الخبره بقي هنا في ايه

انك لو دخلت علي نفس العملات اللي في الصورة هاتبقي خسران

لازم وقت دخول معين وطريقه معينه

زي بتاع الفلافل لما يمد ايده جوا مطحنه الفول لو دخل ايده غلط هاتتكسر انما هو بيستني لما الحديدة دي تعدي ويروح مادد ايده من وراها وتفضل ايده قدام الحديدة هي تلف وايده تلف من غير ما يتعور

انما لو دخل كدا بدون دراسه يبقي هايجبس ايده قريب

التوقيع

بارك الله فيك اخي الكريم ، الان فهمت كل شئ ، يعني يبقى وقت الدخول هو سر العملية و اكيد مش راح تقول لنا الوقت و الطريقة لانك قلت ''' الطريقة حرام ''' و هذا من حقك ، و لكن راح اجتهد و ابحث عن الوقت و عن الطريقة
مشكور مرة اخرى .... سلام