" ليل قريب عاجِل "
بتبنى فـ إيه !
و الأساس مـ الأساس مهوش ثابت
بتمسِك إيد
فـ أمسّ الحاجه تلمسها أوام سابِت
مُجرد لمس !
بتِنكر ليه حقيقه واضحه زىّ الشمس ؟
مُجرد همس !
لو إنك فـ يوم قولته لكانت شمسها غابت
كمآ لو إنك كنت حرام
و روحها عن الحرام تابت
لآ يوم خافت ولآ هابت
ولآ عملت حساب معاليك
بتهرب ليه من المشهد
و مش شايف كتير حواليك !
متستعجلش ..
معادش كتير على جراحك
و تقتل فيك
تفتِكر إنك ما بينك و بين عيونها
تاخد قرار عادل ؟
فـ أقرب وقت هتعيشُه
هتتفاجئ بـ " ليل قريب عاجل "
أو خبر آجِل إنها ترجع
و مع ذلك بيفضل بُعدها لسنين
حمام زاجل
تصنعه بـ روحك تبعته بـ ريحتك
يرجع حزين
أو كـ روح طفل من كُتر ما تعبت
عاشِت كـ مِيت راجل
حياه راحِل
مش باقى منها إلا ذكرى من الماضى
طشاش أيام بتتهد
بتبنى فـ إيه !
و كان مـ الأولَى تبنى فـ سد .
....
ليل قريب عاجل محمد فهمى
