تدللي قولي لي اللي تقولين
بروق عزي في حضورك تلوحي
صديقتي و اختي على الراس والعين
قلبك لقلبي من عرفتة نصوحي
الحب و التدليل و الجانب الزين
تقدمينه لي ببالٍ سموحي
روح الاخوة فيك تزداد و تبين
يسمو وفاها شامخات الصروحي
في جو حرصك و اهتمامك من سنين
توسع اهدافي و يكبر طموحي
و ان ضاقت بدمي خلايا الشرايين
انتي بديك اللي تضمد جروحي
ما في وفا قلبك و طيبتك اثنين
تزداد مع زود الليلي وضوحي
و اخر ما اقولة و انت اللي تحسين
في نبض صمتي لك وفي نبض بوحي
ابيك يا زهرة حياتي تعرفين
اني بدونك جسم من غير روحي