(( كنوز القلوب ))
يا كم تمنيت إن سكناي ذاتك
في وسط قلبك وارتقي بالغلا فوق
لكن خاب بي الأمل في سواتك
وكثر البعاد اللي قطع لذة الشوق
جاك الغلا لو ما اعترفت بغلاتك
جاك الغلا الملهوف يا أعز مخلوق
أمنتك الله وإن بقى في حياتك
لي عهد، لا تبخل ترى العهد موثوق
ياللي مواثيق الوفا من صفاتك
راعي عهد والعهد لا شك موثوق
حافظ مواعيدك وحافظ وصاتك
يابو العيون اللي هدب جفنها روق
لا تبتئس ياللي الامل من حـلاتك
أرحم تراني نبض شريان و عروق
خل التفائل يشتفي من فواتك
لابد يقفى غيبة الشمس بشروق
تحياتي ..
التعديل الأخير تم بواسطة خادم القرآن ; 13 - 03 - 2017 الساعة 12:58 AM 
كنوز القلوب
المواضيع المتشابهه 
