رد: مراجعة هادئة لآخر ما نشر عن إكسنس من تحذيرات ودعوة لممثل الشركة للدخول والرد
اقتباس:
المشاركة الأصلية كتبت بواسطة samer0elsayed
اقسم بالله ليس لى علاقة باكسنس سوي انني عميل و ان عمر صديق لى
علي فكرة الناس اللى بتفتي عمر دعم اكسنس و مواضيعهم فى منتديات تانية كتير
و تقدروا تكلمه كمان على الصفحتين بتوع فيسبوك و تويتر بتوع الشركة يبقى ازاي بقى اتسرح و الكلام الاهبل دة
عيب كدة يا جماعة مستوي الحوار فى الحضيض وواحد يتكلم على عمل الراجل و مرتبه بجد عيب جدا لان اى حد بيشتغل و بياخد مرتب فى اى مكان لازم نحترم عمله و الا بقى يبقى الغرض من الكلام دة الغيرة مش اكتر
اقسم بالله مرة تانية الراجل قمة فى الاحترام و انا سيبتله رسالة بالاسئلة و منتظر رده و لما يرد هنقل لكم كل الحديث اللى تم على سكايب
اى تجريح تاني او تلميحات بايخة هقول مليش دعوة و اللى عايز يكلمه يكلمه لان كدة عيب
انا عميل زيي زيكم و مليش اى مصلحة مع حد و منتظر رده على الاسئلة عشان اطمن اكتر للشركة
و هشام صاحب الموضوع قال فى البداية ان النقاش بهدوء
كدة احنا مش هنوصل لاى اجابات حقيقة و هيبقى الموضوع كله شتيمة و كلام ملهوش اى قيمة
ارتقوا ......
سيدي الفاضل لم يحدث أي تجريح على الإطلاق
كل ما هنالك أن هناك أسئلة وإستفسارات تحتاج إلى رد وكان من المعتاد أن يرد السيد عمر إكسنس مباشرة ، مشكورا تطوعت لنقل وجهة النظر إليه عبر الواتس آب ، طلبت منك نفيا للتقولات والظنون أن تعرض سكرين شوت من السكايب فلم تفعل ، عدنا إلى نقطة الصفر ولدينا عملاء لديهم إيداعات في الشركة ويريدون أن يعلموا هل هناك شئ ما ، بالطبع موضوع التراخيص ووجود العميل تحت ترخيص سان فنسانت في حين كان يظن أنه محمي بترخيص قبرص ويطمح لأن يتحول إلى الترخيص البريطاني شئ يصيب أي شخص بالإحباط
إضافة إلى عدم معرفة سر عدم ذكر إسم العميل على المنصة
في النهاية لا أقول أن الشركة سيئة على الإطلاق لم يرد ذلك في معرض الحديث لكن إستفساراتنا لا مجيب لها ومن كانوا يقومون بالدعم الفنى على المنتدي يبدو أنهم لم يكونوا مؤهلين بدرجة كافية أو ليست لديهم ردود
في كل الأحوال الموضوع يتم تداوله منذ الصباح دون رد والشركة لابد أن تكون قد علمت بالضرورة لأسباب كثيرة لا مجال لذكرها الآن
في النهاية نرجو أن تكون المناقشة هادفة وتنتهي لإجابة ما نريده
وبالنسبة لباقي الأعضاء ممن لديهم إتصالات مع الشركة بصورة مباشرة أو عبر صديق أن ينقلوا وجهة النظر والأسئلة المطروحة لعل وعسي يرد أحد بما يثبت أننا كنا على خطأ