المتاجره بالبيتكوين والعملات المشفره

تعالا هنا انت رايح فين انت لازم تعلمنا كل حاجة

ازاى نخزنها على الجهاز و هل التخزين بيبقى على اى نوع كوين و بتحمل برنامج ايه و بتحفظها ازاى و بالصور و كل التفاصيل
طبعاً ده فضلاً و ليس أمراً و شكراً ليك انك طرحت المجال ده هنا

التوقيع

بالنسبه للبيتكوين : ادخل على اللينك هنا واختار محفظة Electrum وثبته كاى برنامج عادى , المحفظه خفيفه خالص على فكره .
بالنسبه للايت كوين : ادخل على اللينك ده وتحت الويندوز اختار اى محفظه .
بالنسبه للدوجى : ادخل على اللينك ده واختار ويندوز وبعد كده multidoge
كل المحافظ اللى ذكرتها مش محتاجه انك تحمل البلوك شين والمحافظ دى خفيفه جدا .
والله انا مشغول فعلا انا بس بدخل اتابع الموضوع بسرعه كده , بس ان شاء الله قريب احاول اعمل شرح مصور ,
بس ان شاء الله الموضوع يكون سهل بالنسبه ليك ..
ادعولى بالتوفيق .
وربنا يوفقكم .

التوقيع

﴿ وَمَا بِكُمْ مِنْ نِعْمَةٍ فَمِنَ اللَّهِ﴾

الف شكر يا معلم هسطبهم و لو وقفت فى حاجة هكتبلك

التوقيع

الف شكر لك استاذ eez على شرحك ومتابعتك
ممكن ترشحلنا عملات لسا في بدايتها والها مستقبل
يعني العملات الي ناوي تركز عليها خلينا نركز معاك بردو

والله انا خايف ان اتسبب فى خسارة اى حد , عموما انا ذكرت العملات اللى داخل فيها فى اول الموضوع ,ونصيحه متدخلش فى اى عمله بتوصيه من اى حد ,
شخصيا رغم ان لدى خبره 7 سنين فى الفوركس , الا انى بعتبر نفسى مازلت مبتدىء ,
والموضوع انا وضعته علشان اعرف المجال ده للاعضاء , لانى كنت اتمنى الاقى اى حد بيتكلم عن الموضوع ده فى المنتديات العربيه علشان كنا بدانا بدرى ,
ولكن للاسف العرب هما اخر من يعلم , فقررت ان اكتب عن تجربتى ,
بكرر انى مازلت مبتدىء وخبرتى فى الفوركس 7 سنين وفى المجال ده سنه ونصف بس ومش مؤهل لوضع اى توصيات ,
ان شاء الله ربنا يوفقكم كلكم , واى حد عنده استفسار تحت امره فى اى وقت ,
انا بس مشغول فى الدراسه الايام دى , وكم يوم وحخلص وحتفرغ للموضوع ده باذن الله , وربنا يوفقك .

التوقيع

﴿ وَمَا بِكُمْ مِنْ نِعْمَةٍ فَمِنَ اللَّهِ﴾

اكيد كل شخص بيدخل ع مسؤوليته
انت بتعطي فقط رايك في العملة
هل الدخول في العملات الي ما زالت اقل من 1 سنت خيار جيد ؟
بالتوفيق في دراستك و النجاح حليفك ان شاء الله

بصى دى العملات اللى انا مركز فيها حاليا , بس بكرر انا مش مسئول عن خسارة اى حد
STEEM
LBRY Credits
العملتين دول بنسبه كبيره جدا حيرتفعوا الفتره اللى جايه

VERTCOIN
Namecoin
peercoin
Primecoin العمله دى سيولتها مش قويه

Feathercoin
(العمله دى رغم قلقى منها علشان السيوله عليها منخفضه نسبيا وكمان مفيش تطوير كبير عليها , بس لو صدقت توقعاتى فحتوصل لارقام قياسيه وحتكون ضربة معلم فعلا لوحققت توقعاتى وساعتها حرفع الموضوع ده , ده لو ربنا اراد , وكانت توقعاتى صح) .

Lisk
Zcash
العملتين دول لسه محتفظ بيهم بمراكز والعملتين من العملات القويه ,و وشايف انهم حيرتفعوا الفتره اللى جايه

بكرر ده راى شخصى , ومازلت مبتدىء ,
انا خايف ان اى حد يدخل ويخسر بسببى , انا عن نفسى متوقع الخساره قبل المكسب , ومهما ان كنت متاكد من العمله فمش بدخل باى مبلغ الا المبلغ اللى اقدر اتحمل خسارته ,
ولو حد عنده اى استفسار انا تحت امركم كلكم , وياريت كلنا نتناقش فى العملات دى وكلنا نفيد بعض , الموضوع مفتوح للجميع اى حد عنده معلومه ياريت يضيفها وكلنا بنستفيد من بعض .

التوقيع

﴿ وَمَا بِكُمْ مِنْ نِعْمَةٍ فَمِنَ اللَّهِ﴾

بكرر ياجماعه انا مش مسئول عن خسارة اى حد ومازلت مبتدىء ,
انا ذكرت العملات اللى فوق خوفا من انكم تفتكروا انى مش راضى اقولكم على العملات اللى انا داخل فيها ,
والله انا اتمنى ليكم كلكم ارباح اكتر من اللى انا عاملها , وربنا يوفقكم كلكم .

التوقيع

﴿ وَمَا بِكُمْ مِنْ نِعْمَةٍ فَمِنَ اللَّهِ﴾

شكرا لك وان شاء الله الربح للجميع

العفو وتحت امرك فى اى وقت .

التوقيع

﴿ وَمَا بِكُمْ مِنْ نِعْمَةٍ فَمِنَ اللَّهِ﴾