رد: المتاجره بالبيتكوين والعملات المشفره
اقتباس:
المشاركة الأصلية كتبت بواسطة Hossam122
تمام يااستاذ عز انا معايا مبلغ 100دولار تنصحنى باايه لانى جديد فى قصة العملات الرقمية علما انه بشتغل فى الفوركس منذ اربع سنوات وللاسف خسرت كتير فى الفوركس فعايز اجرب العملات الرقمية يمكن يكون حظى فيها افضل قولى الخطوات اللى اعملها
بص هوه الموضوع سهل جدا , بس انا مش عارف مدى خلفيتك عن الموضوع ايه , انصحك انك تقرا الموضوع ده كله بكل الردود اللى فيه وفيه موضوع تانى بنفس العنوان فى منتدى الجيران اقرا كل الردود اللى فيه برضه , وبعد ماتقرا الموضوع كله وتجرب الشروحات اللى فيه لو قابلتك اى مشكله او استفسار تحت امرك فى اى وقت , واعذرنى لانى مقل فى الردود انا بكتب العربى بصعوبه شديده لان معنديش لوحة مفاتيح عربى ومعظم الوقت ببقى بالخارج وشغال بالتابلت والكتابه بتبقى اصعب عليه , وايقاع الحياه سريع جدا هنا فى امريكا فمفيش وقت غير للشغل هنا , عموما راجع الردود كلها حتلاقى فيه شروحات كتيره ولو قابلتك مشكله متترددش انك تكتب رد هنا وان شاء الله ارد عليك او احد الاخوه هنا يرد عليك .
وان شاء الله موضوع العملات المشفره يكون فاتحة خير عليك وتعوض كل الخساير وتحقق مكاسب باذن الله .